ರಾಗ : ರೇಗುಪ್ತಿ ತಾಳ : ಆದಿ
ವೇಣುವನೂದುತ ನಿಂತಿಹನಾರೆ
ಪೇಳಮ್ಮಯ್ಯ । ಪಲ್ಲವಿ ।।
ವಾಣೀಧಮವಿಧಿ ಪ್ರಾಣರೊಡೆಯ
ಸುರಶ್ರೇಣಿ ವಂದ್ಯ ಜಗತ್ರಾಣ
ಕಾಣಮ್ಮ ।। ಅ ಪ ।।
ವ್ರಜ ಮಧುರಾಪುರಿ ದ್ವಾರಕಿ
ತ್ಯಜಿಸದನ್ಯಾರೆ ಪೇಳಮಯ್ಯ ।
ರಜತಪೀಠ ಬಿಟ್ಟಿಲ್ಲಿಗೆ
ಬಂದಿಹನಾರೆ ಪೇಳಮ್ಮಯ್ಯ ।
ದ್ವಿಜ ರಾಮಾರ್ಯರ
ಭಜನೆಗೊಲಿದು ತನ್ನ ।
ನಿಜಸ್ಥಳ ತೊರೆದ ಸಾಮಾಜ
ಪೋಷಕನೇ ।। ಚರಣ ।।
ಕಾಮಿನಿಯರು ಎಡಬಲ-
ದೊಳೊಪ್ಪುತಿಹನಾರೆ ಪೇಳಮ್ಮಯ್ಯ ।
ಹೇಮಗರ್ಭ ಪಿತ ಶ್ರೀ-
ರಾಮಾನುಜನಾರೇ ಪೇಳಮ್ಮಯ್ಯ ।
ಸೋಮಾರ್ಕರಮತ
ದೀಧಿತಿವಿಲಸಿತನೊಪ್ಪುವ
ಕಾಣಮ್ಮ ।। ಚರಣ ।\
ಯಾದವ ಕುಲಮಣಿ ಆದಿ
ಪುರುಷನಿವನಹುದೇನೆ ಪೇಳಮ್ಮಯ್ಯ ।
ವಾದ ಬಳಿಯಲಿ ಸುಬೋಧಕ
ಕಪಿಯಿಹನಾರೆ ಪೇಳಮಯ್ಯ ।
ಶ್ರೀಧರ ವಿಠಲ ವಿನೋದಿ
ರಾಮನೆಂದಾದರದಲಿ ಮುಂದಾದ
ಹನುಮನೇ ।। ಚರಣ ।।
****
