ರುದ್ರಾಂತರ್ಗತ ನಾರಸಿಂಹ vijaya vittala suladi ಅಪಮೃತ್ಯು ನಿವಾರಣ ಸುಳಾದಿ RUDRANTARGATA NAARASIMHA APAMRUTYU NIVAARANA SULADI

Audio by Mrs. Nandini Sripad

ಶ್ರೀ ವಿಜಯದಾಸಾರ್ಯ ವಿರಚಿತ  ಅಪಮೃತ್ಯು ನಿವಾರಣ ಸುಳಾದಿ 

( ಜ್ಞಾನಿಗಳಾದ ಶ್ರೀವಿಜಯದಾಸಾರ್ಯರು , ಶ್ರೀಹರಿಯ ಕೃಪೆಗೆ ವಿಶೇಷ ಪಾತ್ರರಾಗಿದ್ದ , ಜ್ವರಪೀಡಿತನಾದ ಛಾಗಿ ಕೇಶವರಾಯರಿಗೆ ಒದಗಲಿರುವ ಅಪಮೃತ್ಯುವಿಗೆ ಕಾರಣವಾದ ವ್ಯಾಧಿಯನ್ನು ಪರಿಹರಿಸಿ , ಅಪಮೃತ್ಯುವು ಬಾರದಂತೆ ಮಾಡೆಂದು ಪ್ರಾರ್ಥಿಸುತ್ತಾ , ಜ್ವರಪರಿಹಾರಕನಾದ ರುದ್ರಾಂತರ್ಗತ ನಾರಸಿಂಹ ನನ್ನು ಭಕ್ತಿಯಿಂದ ಸ್ಮರಿಸುತ್ತಾ ಈ ಸುಳಾದಿಯನ್ನು ರಚಿಸಿದರು. )

 ರಾಗ ಹಿಂದೋಳ 

 ಧ್ರುವತಾಳ 

ರುದ್ರಾಂತರ್ಗತ ನಾರಸಿಂಹ ಮೃತ್ಯುನಿವಾರಿ 
ಭದ್ರಫಲದಾಯಕ ದೋಷದೂರ 
ಚಿದ್ರೂಪ ಚಿತ್ಪ್ರಕೃತಿ ತ್ರಿಲೋಕನಾಥ 
ಅದ್ರಿಧರಿಸಿ ಗೋಕುಲ ಕಾಯ್ದ ವಿನೋದ 
ನಿದ್ರಾರಹಿತ ನಿಗಮವಂದ್ಯ ಭಕ್ತಾನಂದ 
ಉದ್ರೇಕ ತಂದು ಕೊಡುವ ಕಾಮಿತಾರ್ಥ 
ಭದ್ರ ಪ್ರದಾಯಕ ದೋಷದೂರ 
ಮುದ್ರೆ ಧರಿಸಿ ನಿನ್ನ ಭಕ್ತಿಯೆಂಬೋ ಗುಣ ಸ - 
ಮುದ್ರದೊಳಗೆ ಲೋಲ್ಯಾಡುತಿಪ್ಪ
ಶೂದ್ರಗಾದರು ಆಶಾಭಂಗವಿಲ್ಲವೆಂದು ಮಹ -
ರುದ್ರಾದಿಗಳು ಪೇಳುತಿಪ್ಪರದಕೋ 
ಕದ್ರುವೆ ಮಗ ವಾಸುಕಿಯಾ , ಗರುಡನ್ನ ಉ -
ಪದ್ರವ ಬಿಡಿಸಿ ನೀನೇ ಪಾಲಿಸಿದಂದು 
ಕ್ಷುದ್ರ ದೇವತೆಗಳಿಗೆ ಈ ಪರಿ ಶಕ್ತಿಯುಂಟೆ 
ಛಿದ್ರತನ ಎಣಿಸದಿರು ಪರಮ ಕರುಣೀ
ರೌದ್ರಮೂರುತಿ ಶಾಂತ ವಿಜಯವಿಠ್ಠಲ ನಿನ್ನ
ಸದೃಶ ದೇವನ ಕಾಣೆನೊ ಜಗತ್ತಿನೊಳಗೆ ॥ 1 ॥

 ಮಟ್ಟತಾಳ 

ಹರಿ ನಿನ್ನ ಸಂಕಲ್ಪ ಇದ್ದಂತೆ ಎನ್ನ 
ಶರೀರದೊಳಗೆ ನಿಂದು ಸ್ತೋತ್ರ ಮಾಡಿಸಿಕೊಂಡೆ 
ಅರಮರೆಯಿದಕಿಲ್ಲ ಶಾಶ್ವತ ವಾಕ್ಯವೆಂದು
ನೆರೆನಂಬಿದೆ ನಾನು ನಾನಾವಿಧದಲ್ಲಿ 
ನರಗೆ ಬಂದಟ್ಟಿದ ವ್ಯಾಧಿಯು ನಿಲಲುಂಟೆ 
ಪರಿಹರವಾಗುವುದು ಸಿದ್ಧವಾಯಿತು ಎನಗೆ
ಪುರಹರನುತಪಾದ ವಿಜಯವಿಠ್ಠಲರೇಯ 
ನರಹರಿ ಎಂದೆನೆ ಭಯಹರವೊ ॥ 2 ॥

 ತ್ರಿವಿಡಿತಾಳ 

ಅನ್ಯಥಾ ಗತಿ ಕಾಣೆ ನಿನ್ನ ಪಾದವಲ್ಲದೆ 
ಇನ್ನು ತ್ರಿಲೋಕದಲಿ ತಿರುವೆಂಗಳ 
ಎನ್ನ ನುಡಿ ಪುಶಿ ಮಾಡಿ ಅಪಹಾಸ ಗೈಸಿದರೆ 
ನಿನ್ನದಲ್ಲವೆ ಕೀರ್ತಿ ಅಪಕೀರ್ತಿಯು 
ಪೆಣ್ಣಿನಾ ಮೊರೆ ಕೇಳಿ ಕಾಯಲಿಲ್ಲವೆ ನೀನು 
ಮುನ್ನ ಪೇಳುವುದೇನು ವಿಸ್ತರಿಸಿ
ಬಣ್ಣಿಸಿದೆ ಬಹು ಬಗೆಯಿಂದ ಈ ಅಬಲೆಯು
ನಿನ್ನ ನಂಬಿಹಳಯ್ಯ ನೀನೇ ಬಲ್ಲೈ 
ಧನ್ಯ ಜೀವನದಾಯ ಸುವಾಸತನವಿತ್ತು
ಮನ್ನಿಸುವುದು ಇವಳ ತುತಿಗೆ ಮೆಚ್ಚಿ 
ಬೆನ್ನ ಬಿದ್ದವರನ್ನ ಒಪ್ಪಿಸಿ ಕೊಡಲುಂಟೆ 
ಬಿನ್ನಹ ಮಾಡಿದೆ ಇಷ್ಟೇ ಮಾತ್ರ 
ತನ್ನ ಪತಿಯ ಕೂಡ ತಾಂಬೂಲ ಮೆಲುವ ಸಂ -
ಪನ್ನ ಭಾಗ್ಯವ ಕೊಡು ಕಮಲನಾಭ 
ಕನ್ಯೆ ಲಕುಮೀರಮಣ ವಿಜಯವಿಠ್ಠಲರೇಯ 
ಘನ್ನಮಹಿಮ ನಿನ್ನ ವಾಕ್ಯ ಅಮೃತ ಸಿದ್ಧ  ॥ 3 ॥

 ಅಟ್ಟತಾಳ 

ಆಳು ಗೆದ್ದರೆ ನೋಡು ಅರಸಗೆ ಜಯಪ್ರದ
ಆಳು ನುಡಿದದ್ದು ಅರಸು ನುಡಿದದ್ದು 
ಏಳಲ ಮಾಡದೆ ಯಾದವ ಕುಲಮಣಿ 
ಪಾಲಿಸಬೇಕಯ್ಯ ಪರಮ ಅನಿಮಿತ್ತ
ಮೂಲಬಾಂಧವ ಭಾಷೆ ಕೊಟ್ಟರೆ ತಪ್ಪದು
ಪಾಲಸಾಗರಶಾಯಿ ವಿಜಯವಿಠ್ಠಲರೇಯ 
ಕಾಲ ಕರ್ಮ ಗುಣ ನಿನಗೆದಿರೆ ಸ್ವಾಮೀ ॥ 4 ॥

 ಆದಿತಾಳ 

ಅರ್ಥವಾದವಲ್ಲ ಮನಸು ಪೂರ್ವಕದಿಂದ
ಪ್ರಾರ್ಥನೆ ಮಾಡುವೆ ಅನಾದಿ ಬ್ರಹ್ಮಚಾರಿ
ಸ್ವಾರ್ಥಗೋಸುಗವಾಗಿ ಬೇಡಿಕೊಂಬುವನಲ್ಲ
ವ್ಯರ್ಥವಾಗ ಗೊಡದಿರು ವೇದದಲ್ಲಿ ಪೇಳಿದ
ಅರ್ಥ ಜ್ಞಾನಕ್ಕೆ ನಿತ್ಯ ಎಲ್ಲಿದ್ದರು ದೇವ
ಅರ್ಥಾತುರ ನೀನಲ್ಲ ಸಕಲ ಕಾಲದಲ್ಲಿ, ಸ -
ಮರ್ಥ ನೀನಹುದೋ ಸರ್ವೋತ್ತಮ, ಪರಹಿ -
ತಾರ್ಥವಾಗಲಿ ಇದೆ ಪುಶಿಯಾಗದಂತೆ ಕಾಯೊ 
ಆರ್ತಿವಿದೂರ ನಮ್ಮ ವಿಜಯವಿಠ್ಠಲ ಕೃ -
ತಾರ್ಥನ್ನ ಮಾಡುವುದು ಮುದದಿಂದ ಒಲಿದು ಬಂದು ॥ 5 ॥

 ಜತೆ 

ಭಕುತರ ಭಾಗ್ಯವೆ ಅಪೇಕ್ಷಾ ಪೂರೈಸಿ
ಸುಖಕೊಡುವುದು ಬಿಡದೆ ವಿಜಯವಿಠ್ಠಲ ವೇಂಕಟ ॥
********

ಅಪಮೃತ್ಯು ನಿವಾರಣ ಸುಳಾದಿ Apamrutyu Nivarana Suladi

ಧ್ರುವತಾಳ

ರುದ್ರಾಂತರ್ಗತ ನಾರಸಿಂಹ ಮೃತ್ಯು ನಿವಾರಿ |

ಭದ್ರ ಫಲದಾಯಕ ದೋಷ ದೂರ |

ಚಿದ್ರೂಪ ಚಿತ್ಪ್ರಕೃತಿ ತ್ರಿಲೋಕನಾಥ |

ಅದ್ರಿ ಧರಿಸಿ ಗೋಕುಲ ಕಾಯ್ದ ವಿನೋದ |

ನಿದ್ರಾ ರಹಿತ ನಿಗಮ ವಂದ್ಯ ಭಕ್ತಾನಂದ |

ಉದ್ರೇಕಾ ತಂದು ಕೊಡುವ ಕಾಮಿತಾರ್ಥ |

ಭದ್ರ ಪ್ರದಾಯಕ ದೋಷ ದೂರ |

ಮುದ್ರೆ ಧರಿಸಿ ನಿನ್ನ ಭಕ್ತಿಯೆಂಬೋ ಗುಣ ಸ- |

ಮುದ್ರದೊಳಗೆ ಲೋಲಾಡುತಿಪ್ಪ

ಶೂದ್ರಗಾದರು ಆಶಾ | ಭಯವಿಲ್ಲವೆಂದು ಮಹ |

ರುದ್ರಾದಿಗಳು ಪೇಳುತಿಪ್ಪರಿದೆ ಕೋ |

ಕದ್ರುವೆ ಮಗ ವಾಸುಕಿಯಾ ಗರುಡನ್ನ ಉ- |

ಪದವ್ರ ಬಿಡಿಸಿ ನೀನೆ ಪಾಲಿಸಿದಂದು |

ಕ್ಷುದ್ರ ದೇವತೆಗಳಿಗೆ ಈ ಪರಿ ಶಕ್ತಿಯುಂಟೆ |

ಛಿದ್ರತನ ಎಣಿಸದಿರು ಪರಮ ಕರುಣೀ |

ರೌದ್ರ ಮೂರುತಿ ಶಾಂತ ವಿಜಯ ವಿಠ್ಠಲ | ನಿನ್ನ

ಸದೃಶ ದೇವನ ಕಾಣೆನೊ ಜಗತ್ತಿನೊಳು

|| 1 ||

ಮಟ್ಟತಾಳ

ಹರಿ ನಿನ್ನ ಸಂಕಲ್ಪ ಇದ್ದಂತೆ ಎನ್ನ |

ಶರೀರದೊಳಗೆ ನಿಂದು ಸ್ತೋತ್ರ  ಮಾಡಿಸಿಕೊಂಡೆ |

ಅರೆ ಮರೆ ಇದಕಿಲ್ಲ ಶಾಶ್ವತ ವಾಕ್ಯವೆಂದು |

ನೆರೆ ನಂಬಿದೆ ನಾನು ನಾನಾ ವಿಧದಲ್ಲಿ |

ನರಗೆ ಬಂದಟ್ಟಿದ ವ್ಯಾಧಿಯು ನಿಲಲುಂಟೆ |

ಪರಿಹರವಾಗುವುದು ಸಿದ್ಧವಾಯಿತು ಎನಗೆ |

ಪುರ ಹರನುತಪಾದ ವಿಜಯ ವಿಠ್ಠಲರೇಯ |

ನರಹರಿ ಎಂದೆನೆ ಭಯಹರವೊ

|| 2 ||

ತ್ರಿವಿಡಿತಾಳ

ಅನ್ಯಥಾ ಗತಿ ಕಾಣೆ ನಿನ್ನ ಪಾದವಲ್ಲದೆ |

ಇನ್ನು ತ್ರಿಲೋಕದಲಿ ತಿರುವೆಂಗಳ |

ಎನ್ನ ನುಡಿ ಪುಶಿ ಮಾಡಿ ಅಪಹಾಸ ಗೈಸಿದರೆ |

ನಿನ್ನದಲ್ಲದೆ ಕೀರ್ತಿ ಅಪಕೀರ್ತಿಯು |

ಪೆಣ್ಣಿನಾ ಮೊರೆ ಕೇಳಿ ಕಾಯಲಿಲ್ಲವೆ ನೀನು |

ಮುನ್ನ ಪೇಳುವುದೇನು ವಿಸ್ತರಿಸಿ |

ಬಣ್ಣಿಸಿದೆ ಬಹು ಬಗೆಯಿಂದ ಈ ಅಬಲೆಯು |

ನಿನ್ನ ನಂಬಿಹಳಯ್ಯ ನೀನೆ ಬಲ್ಲೈ |

ಧನ್ಯ ಜೀವನದಾಯ ಸುವಾಸತನವಿತ್ತು |

ಮನ್ನಿಸುವುದು ಇವಳ ತುತಿಗೆ ಮೆಚ್ಚಿ |

ಬೆನ್ನ ಬಿದ್ದವರನ್ನ ಒಪ್ಪಿಸಿ ಕೊಡಲುಂಟೆ |

ಬಿನ್ನಹ ಮಾಡಿದೆ ಇಷ್ಟೆ ಮಾತ್ರ |

ತನ್ನ ಪತಿಯ ಕೊಡ ತಾಂಬೂಲ| 
ಮೆಲುವ ಸಂಪನ್ನ ಭಾಗ್ಯವಕೊಡು ಕಮಲನಾಭ |

ಕನ್ಯ ಲಕುಮಿ ರಮಣ ವಿಜಯ ವಿಠ್ಠಲರೇಯ |

ಘನ್ನ ಮಹಿಮ ನಿನ್ನ ವಾಕ್ಯ ಅಮೃತ ಸಿದ್ಧ 

|| 3 ||

ಅಟ್ಟತಾಳ

ಆಳು ಗೆದ್ದರೆ ನೋಡು ಅರಸಗೆ ಜಯಪ್ರದ |

ಆಳು ನುಡಿದದ್ದು ಅರಸು ನುಡಿದದ್ದು |

ಏಳಾಲ ಮಾಡದೆ ಯಾದವ ಕುಲ ಮಣಿ |

ಪಾಲಿಸಬೇಕಯ್ಯಾ ಪರಮ ಅನಿಮಿತ್ತ |

ಮೂಲ ಬಾಂಧವ ಭಾಷೆ ಕೊಟ್ಟರೆ ತಪ್ಪದು |

ಪಾಲ ಸಾಗರ ಶಾಯಿ ವಿಜಯ ವಿಠ್ಠಲರೇಯ |

ಕಾಲ ಕರ್ಮ ಗುಣ ನಿನಗಿದಿರೆ ಸ್ವಾಮೀ

|| 4 ||

ಆದಿತಾಳ

ಅರ್ಥವಾದವಲ್ಲ ಮನಸು ಪೂರ್ವಕದಿಂದ|

ಪ್ರಾರ್ಥನೆ ಮಾಡುವೆ ಅನಾದಿ ಬ್ರಹ್ಮಚಾರಿ|

ಸ್ವಾರ್ಥಗೋಸುಗವಾಗಿ| ಬೇಡಿಕೊಂಬುವನಲ್ಲ|

ವ್ಯರ್ಥವಾಗ ಗೊಡದಿರು ವೇದದಲ್ಲಿ ಪೇಳಿದ|

ಅರ್ಥ ಜ್ಞಾನಕ್ಕೆ ನಿತ್ಯ ಎಲ್ಲಿದ್ದರು ದೇವ|

ಅರ್ಥಾತುರ ನೀನಲ್ಲ ಸಕಲ | 
ಕಾಲದಲ್ಲಿ, ಸಮರ್ಥ ನೀನಹುದೋ | 
ಸರ್ವೋತ್ತಮ, ಪರಹಿತಾರ್ಥವಾಗಲಿ | 
ಇದೆ ಪುಶಿಯಾಗದಂತೆ ಕಾಯೊ |

ಆರ್ತ ವಿದೂರ ನಮ್ಮ ವಿಜಯ ವಿಠ್ಠಲ | 
ಕೃತಾರ್ಥನ್ನ ಮಾಡುವುದು ಮುದದಿಂದ ಒಲಿದು ಬಂದು

|| 5 ||

ಜತೆ

ಭಕುತರ ಭಾಗ್ಯವೇ ಅಪೇಕ್ಷಾ ಪೂರೈಸಿ

ಸುಖಕೊಡುವುದು ಬಿಡದೆ ವಿಜಯ ವಿಠ್ಠಲ ವೆಂಕಟ

|| 6 ||

*******