ಕಾಯೋ ಎನ್ನ ಶ್ರೀಧವ ಕರುಣಾಕರ ankita raghupati vittala

 ರಾಗ - : ತಾಳ -

ಕಾಯೋ ಎನ್ನ ಶ್ರೀಧವ ಕರುಣಾಕರ l

ಕಾಯೋ ಎನ್ನ ಭೂಧರ ವರ ಶುಭಕರ ll ಪ ll

ಕಂದಧ್ರುವನಿಗೊಲಿದು ಸ್ಥಿರ ಪದವಿಯನಿತ್ತಿ l

ಚಂದದಿ ಪವಮಾನಗೆ ಅಜಪದವಿತ್ತಿ l

ಅಂದು ಅಜಾಮಿಳಗೊಲಿದ ತೆರದಿ ನಿನ್ನ l

ಕಂದನೆಂದು ತಿಳಿದೆಂದಿಗೂ ಬಿಡದಲೆ ll 1 ll

ಕರಿರಾಜನನು ಮಕರಿ ಕಾಲ್ಹಿಡಿಯಲು l

ಭರದಿಂದ್ವದಗಿ ಮಕರಿಯ ಛೇದಿಸಿದಿ  l

ಚಿರವಸ್ತ್ರವ ನಿತ್ತು ತರುಣಿಯ ಗೆಲಿಸಿದಿ l

ಪರಮ ಕರುಣಿ ಸುರವರ ಸಂಸೇವಿತ ll 2 ll

ಸೇವಕ ನಾನು ನಿಮ್ಮೂಳಿಗದವನೆಲೊ l

ಸೇವಿಸೆ ತವ ಚರಣಾರವಿಂದಗಳ l

ಭೂವರಾಹ ರಘುಪತಿವಿಟ್ಠಲ ನಿನ್ನ l

ಝಾವಕೆ ಭಜಿಸುವೆ ನವವಿಧ ಭಕುತಿಲಿ ll 3 ll

***