ರಾಗ - : ತಾಳ -
ತೋರಿನಿಂದ ವೆಂಕಟನ್ನ ಕೋರಿಕೆಯೆಲ್ಲಾ ll ಪ ll
ಕೇಳಿ ತಿಳಿದು ಮಾತನಾಡುವ ಧರಣಿಯನಲ್ಲ ll ಅ ಪ ll
ಭವ್ಯವಾಗಿ ಕೇಳುವಿ ನೀ ಸ್ಥಳವು ನಿಲ್ಲಲು l
ದ್ರವ್ಯವಿತ್ತು ಪಡೆಯಬಹುದು ಯೆಲ್ಲಿ ತೋರಿಸು l
ದಿವ್ಯವಾಯಿತು ಯೆನ್ನಯ ಸ್ಥಿತಿ ತಿಳಿಯದಾದೆಯಾ l
ನವ್ಯ ಗುಣಸಂಪನ್ನ ಧರಣೀನಲ್ಲ ಕರುಣಿಸು ll 1 ll
ಆಗಬಹುದು ಸ್ಥಳವನೀಯೆ ಫಲವದಾವುದು l
ಬಾಗುವೆ ಕೇಳ್ ನಿನ್ನ ಸೇವೆ ಮೊದಲದಾಗೋದು l
ಸೋಗಿನಿಂದ ಪೇಳ್ದಮಾತ ಕೇಳಿ ವರಾಹನು l
ಬಾಗಿ ಮುದದೊಳಿತ್ತ ನೂರುಪಾದ ಸ್ಥಳವನು ll 2 ll
ಗಿರಿಯೋಳ್ಹರಿಯು ದ್ವಂದ್ವರೂಪದಿರುವ ಸುಚರಿತ l
ಅರಿವರಿಷ್ಟ ಪಡೆದು ನಿತ್ಯ ಸುಖಗಳವಿರತ l
ನಿರವಧಿಕ ಪ್ರಸನ್ನವೆಂಕಟವಿಟ್ಠಲ ವರಹರು l
ಮೆರೆವರಧಿಕ ಮಹಿಮೆಯಿಂದ ಸುರರು ನಲಿವರು ll 3 ll
***
