ಪಾರ್ಥಸಖನ ನೀ ಪ್ರಾರ್ಥನೆ ಮಾಡಿಕೃ ತಾರ್ಥನಾಗೋ ಮನುಜಾ ankita gurujagannatha vittala

 

ಪಾರ್ಥಸಖನ ನೀ ಪ್ರಾರ್ಥನೆ ಮಾಡಿಕೃ -

ತಾರ್ಥನಾಗೋ ಮನುಜಾ ಪ

ಸಾರ್ಥಕವಾಗದ ವಾರ್ತೆಯ ಕೇಳಲು

ಆರ್ತಿಯು ಒಪ್ಪುದೊ ನಿಜಾ ಅ.ಪ

ಏಕಾಂತದಿ ಶ್ರೀಕಾಂತನ ಭಜಿಸಲು

ಲೋಕಾಂತರ ಸುಖಪ್ರಾಪ್ತಿ

ಭೂಕಾಂತನ ಭಜಿಸಲು ಮಾಕಾಂತನು ಒಲಿಯನು

ಲೋಕಾಂತರ ನಿರಯಾಪ್ತಿ 1

ಶಿರಿರಮಣನ ಪದಯುಗಳವ ಭಜಿಸಲು

ದೊರೆವೋದೀಗ ಮೋಕ್ಷ

ನರಜನ ಗುಣಗಳ ವರಣನೆ ಮಾಡಲು

ನಿರಯ ದುಃಖ ಪತ್ಯಕ್ಷ 2

ವೀತ ದೋಷ ನಿರ್ಭೀತ ಗುರುಜಗ

ನ್ನಾಥ ವಿಠಲರೇಯ

ಮಾತು ಕೇಳೆ ನಿಜ ಮಾತೆಯ ತೆರದಲಿ

ದೂತನು ಪಿಡಿವನು ಕೈಯ್ಯಾ 3

***