ಸತ್ಯಪ್ರಮೋದ ತೀರ್ಥರ ankita shyamasundara satyapramoda teertha stutih

ಶ್ರೀಹರಿವಾಯು

ಸತ್ಯಪ್ರಮೋದ ತೀರ್ಥರ ಪಾದ |
ಪದುಮವ ನಿತ್ಯದಿ  ಭಜಿಸುವರಾ |
ಸತ್ಯಲೋಕೇಶನ ಪೆತ್ತ ಪರಮಾತ್ಮನು ನಿತ್ಯದಿ ಕರಪಿಡಿವ ತಿಳಿ ಮಾನವಾ ||


ರವಿಸನ್ನಿಭಾಂಗರು | ಭವದಿ ದಿವಿಜೇಂದ್ರರು |
ಕವಿಗಣ ಸನ್ನುತರು | ಭವದೂರರು |
ಭುವನದೋಳ್ ದೃಢಚಿತ್ತದವರಾಗಿ | ತಪದಲ್ಲಿ ಧ್ರುವನಂತೆ ತೋರುವರು ಸುಧೀರರು ||

ಭುಜಗಾಧಿ ಪತಿಯಂತೆ ಯೋಗ ಸುಸಾಧಕರು
ಭುಜಗಾರಿಯಂದದಿ ದ್ವಿಜನಾಥರು | ಭುಜಗ ಭೂಷಣನಂತೆ
ನಿಜವೈಷ್ಣವೋತ್ತಮರು
ವಿಜಯಾನಂದದಿ | ದಿಗ್ವಿಜಯ ಶಾಲಿಗಳಿವರು ||

ಸೋಮನಂದದಿ ಸುಸಾಧಕರೆನಿಸುತ |
ನೇಮಪೂರ್ವಕವಾಗಿ | ನಿರುತದಲ್ಲಿ
ಶಾಮಸುಂದರ ಸೀತಾರಾಮನರ್ಚಿಸುತಲಿ |
ಭೂಮಿಯೋಳು ಮೆರೆವರೊ ಮಹಾತ್ಮರೋ ||
********