by lakshmipati vittala dasa (hanumaddasaru) 1760-1858 kampli
gurushreesha vittala stutih
ರಾಗ : ಕಲ್ಯಾಣಿ ತಾಳ : ತ್ರಿಪುಟ
ಏಸು ಜನ್ಮದ ಫಲವೋ ಈ ಗುರು ಕರುಣಾ ।
ಏಸು ಜನ್ಮದ ಫಲವೋ ।। ಪಲ್ಲವಿ ।।
ಏಸು ಜನ್ಮದ ಫಲ ।
ಲೇಸೂ ಸೂರಿ ಗುರು ।
ಶ್ರೀಶರಾಯರ ಕರುಣಾ ।
ಸೂಸಿದ ಸುಖವೆನಗೆ ।। ಅ. ಪ ।।
ಕೇವಲ ದ್ರವವಾರಿ ವತ್ಸ
ತನ್ನಯ ನಿಹಾ ।
ಗೋವಿನ ಕಾಣದೆ
ಪುಡುಕುತಿರೆ ।
ಆ ವ್ಯಾಳ್ಯೆ ಸುರಧೇನು
ತಾನೆ ಒದಗಿ ಬಂದು ।
ಸಾವಧಾನದಿ ಮೊಲಿಯಾನುಣಿಸಿ
ಸಂತೈಸಿದಂತೆ ।। ಚರಣ ।।
ಬ್ಯಾಸಿಗಿ ಬಿಸಿಲಿಂದ ಸಂತಪ್ತನಾಗಿ ನಿ ।
ಶ್ವಾಸಾವೈದುವ ಸಮಯದಲ್ಲಿ ಮತ್ತೆ ।
ಭೂಸುರ ರೂಪದಿ ಕಲ್ಪವೃಕ್ಷವೇ ಬಂದು ।
ಲೇಸಾದ ಉದಕ ಪೂರೈಸಿ ನೆಲಳಿತ್ತಂತೆ ।। ಚರಣ ।।
ಪರಮ ದರಿದ್ರನೋರ್ವನು ದೇಶದೇಶವಾ ।
ತಿರುಗುತಿರಲು ಚಿಂತಾಮಣಿಯು ತಾನೆ ।
ಭರದಿಂದ ಕೈಯಲ್ಲಿವೊದಗಿ ತಾ ಬಂದಂತೆ ।
ಸಿರಿ ಲಕ್ಷ್ಮೀಪತಿ ವಿಠ್ಠಲ ಪರನೆಂದು ಅರುಹಿದ ।। ಚರಣ ।।
*****
