ರಾಗ : ದುರ್ಗಾ ತಾಳ : ದಾದರ
ಲಂಬೋದರನೆ ನಿನ್ನ ।
ನಂಬಿರುವೆನು ಯೆನ್ನ ।
ಬೆಂಬಿಡದೆಲೆ ಪೊರೆ ।
ಅಂಬಿಕಾ ತನಯನೆ ।। ಪಲ್ಲವಿ ।\
ಖೇಶನೆ ಎನ್ನನು- ।
ದಾಸಿನ ಮಾಡದೆ ।
ಲೇಸಾಗಿ ಪೋಷಿಸು ।
ವಾಸುಕೀ ಭೂಷಣ ।। ಚರಣ ।।
ನಾಕೇಶ ವಂದಿತ ।
ಆಖು ವಾಹನ ಎನ್ನ ।
ಕಾಕುಮತಿ ಕಳೆದು ।
ನೀ ಕಾಯೋ ಕರುಣದಿ ।। ಚರಣ ।।
ಶ್ರೀ ಮನೋಹರ ಸ್ವಾಮಿ ।
ಶ್ಯಾಮಸುಂದರ ಸಖ ।
ಕಾಮಹರ ಸುತ ।
ಸಾಮಜ ವದನನೆ ।। ಚರಣ ।।
***
ವಿವರಣೆ-ಆಚಾರ್ಯ ನಾಗರಾಜು ಹಾವೇರಿ,ಗುರು ವಿಜಯ ಪ್ರತಿಷ್ಠಾನ
ಲಂಬೋದರನೆ = ದೊಡ್ಡ ಹೊಟ್ಟೆ ಉಳ್ಳವನೆ
ಅಂಬಿಕಾ ತನಯ = ಶ್ರೀ ಪಾರ್ವತೀ ದೇವಿಯ ಮಗ
ಖೇಶನೆ = ಆಕಾಶಕ್ಕೆ ಅಭಿಮಾನಿಯಾದ ಶ್ರೀ ಗಣಪತಿ
ನಾಕೇಶ = ಶ್ರೀ ಇಂದ್ರದೇವರು
ಆಖು ವಾಹನ = ಮೂಷಕ ವಾಹನ
ಕಾಮಹರಸುತ = ಶಿವ ಪುತ್ರ
****
