ಇಬ್ಬರು ಹೆಂಡಿರ (ಇಬ್ಬರ್ಹೆಂಡಿರ) ಸುಖವು ಇಂದು ಕಂಡೆನಯ್ಯ ||ಪ||
ಅಬ್ಬಬ್ಬ ಎಂದಿಗೂ ಸಾಕು ಸಾಕಯ್ಯ ||ಅ||
ಒಬ್ಬಳಲಿ ಪೋಗಿ ಪೋಗರವ ಮಾಡೆನ್ನಲು
ಬೊಬ್ಬೆ ಏನಿದು ಕೊಬ್ಬೆ? ನಡೆ ಎಂದಳು
ತಬ್ಬಿಬ್ಬುಗೊಂಡು ಇನ್ನೊಬ್ಬಳನು ಮಾಡೆನಲು
ಅಬ್ಬಾ ಬಿಸಿ ಮುಟ್ಟಲಾಪೆನೆ ಎಂದಳು ||
ಹಿರಿಯವಳ ಕೂಡೆ ನಾ ಸರಸವಾಡುವೆನೆಂದು
ಇರುಳು ಉಪ್ಪರಿಗೆ ನೇನೇರುತಿರಲು
ಚರಣವೊಬ್ಬಳು ಪಿಡಿದು ಶಿರವನೊಬ್ಬಳು ಪಿಡಿದು
ಸರಸರನೆ ಕೆಳಗೆ ಮೇಲೆಳೆಯುತಿಹರಯ್ಯ ||
ಅವಳ ಮಗ್ಗುಲೊಳಿರಲು ಇವಳ ಮಗ್ಗುಲ ಕಾಟ
ಇವಳ ಮಗ್ಗುಲೊಳಿರಲು ಅವಳ ಕಾಟ
ಅವಳಿಂದ ಸುಖವಿಲ್ಲ ಇವಳಿಂದ ಫಲವಿಲ್ಲ
ಇವರಿಬ್ಬರ ಸಂಗ ಅಭಿಮಾನ ಭಂಗ ||
ಎರೆದುಕೊಂಬುವೆನೆಂದು ಎಣ್ಣೆ ಬಿಸಿಮಾಡಿ ನಾ
ಕಿರಿಯವಳ ಕೂಡಿ ಒರಸಿಕೊಳುತಿರಲು
ಹಿರಿಯವಳು ಮುನಿದು ಬಂದಾಗ ನೀರಿನ ಗಡಿಗೆ ಒಡೆದು
ನಿರ್ವಾಣದಲಿ ಕುಳ್ಳಿರಿಸಿದಳು ||
ಅಂಗವರ್ಧಭಾಗ ಅನುದಿನದಿ
ಹಿಂಗದೆ ತಾವು ಕೂಡಿ ಒತ್ತುತಿರಲು
ಮಂಗಳಾಂಗ ಶ್ರೀ ಪುರಂದರವಿಠಲನೆ
ಅಂಗವನೆ ಮುರಿದು ಮೂಲೆ ಕುಳಿಸಿದರೆನ್ನ ||
****
ರಾಗ ಕಾಂಭೋಜ ಅಟತಾಳ (raga, taala may differ in audio)
pallavi
ibbarheNDara sukhava indu kaNDenayya
anupallavi
abbabba endigU sAku sAkayya
caraNam 1
obbaLasi pOgi Ogarava mADennalu bobbeyenidu gobbe naDeyendaLu
tabbibbukoNDu innobbaLanu mADenalu abba bisi muTTalApene endaLu
caraNam 2
hiriyavaLa kUDe nA sarasavADuvenendu iruLu upparige nAnEnutiralu
caraNavobbaLu piDidu shiravanobbaLu piDidu sara sarane keLage mEleLeyutiharayya
caraNam 3
avaLa magguloLiralu ivaLa magguva kATa ivaLa magguloLiralu avaLa kATa
avaLinda sukhavilla ivaLinda balavilla ivaribbara sanga abhimAna bhanga
caraNam 4
eredu kombuvenendu eNNe bisimADi nA giriyavaLa kUDi orasikoLutiralu
hiriyavaLu munidu bandAga nIrina gaDige oDedu nirvAnadali kuLLirisidaLu
caraNam 5
angavardhabhAga anudinadi hingade tAvu kUDi ottutiralu
mangaLAnga shrI purandara viTTalane angavanu muridu kuLisidarenna
***
