ಬಾನುಕೋಟಿ ತೇಜ ನಿನ್ನ ಹುಡುಕುವ
ಮಾನಿನಿಯರಿಗೆ ನೀ ಕಾಣದಿರುವುದಿದೂ
ಏನು ತುಂಟತನಾ, ಗೇೂಪಾಲಕ್ರಷ್ಣ
ಇದೇನು ತುಂಟತನಾ....
||ಬಾನುಕೋಟಿ||
ಸಣ್ಣ ಹುಡುಗರಿಗೆ ಹಣ್ಣು ಕೊಡುವೆನೆಂದು
ಬಣ್ಣಿಸಿ ಕರೆಯುತ ಕಣ್ಣುಗಳಿಗೆ ||ಸಣ್ಣ||
ಪುಡಿ ಮಣ್ಣು ಚೆಲ್ಲಿ ,ಮುಂದೋಡಿ ನಗುತ
ಹೊಸ ಬೆಣ್ಣೆ ಪಾಲು ಮೊಸರುಣ್ಣುತಿರುವುದಿದು
ಏನು ತುಂಟತನಾ ಗೋಪಾಲಕ್ರಷ್ಣ
ಇದೇನು ತುಂಟತನಾ...
ಪಾಲ ಕೊಟ್ಟ ಪೂತನಿಯ ಕೊಂದೆ
ಬಿರುಗಾಳಿ ಬೀಸೆ ಭೂತನ ಬಲಿಗೈದೆ
||ಪಾಲ||
ಗೂಳಿಯೊಡನೆ ಗುದ್ದಾಡಿ ಗೆಲಿದೆ ,ನಿನ್ನ
ಮಾವ ಕಂಸನ ಶಿರವ ತರಿವುದಿದು
ಏನು ತುಂಟತನಾ ಗೋಪಾಲಕ್ರಷ್ಣ
ಇದೇನು ತುಂಟತನಾ...
ಅನ್ಯ ಕನ್ಯೆಯರ ಕೈಯ ಪಿಡಿದು
ಕಣ್ಸನ್ನೆ ಮಾಡಿ ,ಮಂತ್ರಾಕ್ಷತೆ ಜಲವನು
||ಅನ್ಯ||
ಕುನ್ನಿ ಹುಡುಗರಿಂದರ್ಪಣೆ ಗೈಯಿಸಿ
ಇವಳೆನ್ನ ಪತ್ನಿ ಎಂದ್ಹೇಳುತ್ತಿರುವುದಿದು
ಏನು ತುಂಟತನಾ ಗೋಪಾಲಕ್ರಷ್ಣ
ಇದೇನು ತುಂಟತನಾ...
ಕಡು ಕಾಳಿಂಗನ ಮಡುವಿನೊಳಗಿಳಿದು
ಹೆಡೆಯ ಮೇಲೆ ನಿನ್ನಡಿಗಳನಿಡುತಲಿ
||ಕಡು||
ಗುಡುಗುಡುಗುಟ್ಟಿಸಿ ಶಿಕ್ಷಿಸಿ ಸರ್ಪನ
ಎಡಗೈಯಿಂದ ಪೆಡೆ ಎಳೆದಾಡುವುದಿದು
ಏನು ತುಂಟತನಾ ಗೋಪಾಲಕ್ರಷ್ಣ
ಇದೇನು ತುಂಟತನಾ....
ಸುರಗೋಪಾಲರು ನರಹರಿವಿಠ್ಠಲನೆ
ಪರದೇವತೆಯೆಂದು ಹರಕೆಯ ಸಲ್ಲಿಸಲು
||ಸುರ||
ಕುರು ಭೂತನು ಕೋಪದಿ ಮಳೆಗರೆಯಲು
ಕಿರು ಬೆರಳಿನಿಂದ ಗಿರಿಯನೆತ್ತುವುದಿದು
ಏನು ತುಂಟತನಾ ಗೋಪಾಲಕ್ರಷ್ಣ
ಇದೇನು ತುಂಟತನಾ....
||ಬಾನುಕೋಟಿ||
****
