ಊರ ದೇವರ ಮಾಡಬೇಕಣ್ಣ ತನ್ನೊಳಗೆ ತಾನೆ ॥ಪ॥
ಊರ ದೇವರ ಮಾಡಿರೆಂದು ಸಾರುತಿದೆ ಶ್ರುತಿ ಇರುಳು
ಹಗಲು ದ್ವಾರಗಳೊಂಭತ್ತು ಮುಚ್ಚಿ ನಿಲ್ಲಿಸಿ ಭ್ರೂಮಧ್ಯದಲ್ಲಿ ॥ಅ.ಪ॥
ಎಷ್ಟು ಯುಗಗಳು ತೀರಿ ಹೋಯ್ತಣ್ಣ ದೇವರ ಮಾಡದೆ
ಕಷ್ಟದಿಂದ ನೊಂದೆ ಕಾಣಣ್ಣ
ಅಷ್ಟ ದಳದ ಕಂಭ ನಿಲ್ಲಿಸಿ ಕಟ್ಟಿ ಚಕ್ರಂಗಳನು ಹಾಕಿ
ಸೃಷ್ಟಿದೇವರ ತಂದು ನಿಲ್ಲಿಸಿ ದುಷ್ಟ ಕೋಣನ ಶಿರವ ತರಿದು ॥೧॥
ಕಷ್ಟಕರ್ತವೆಂಬ ಕುರಿಯಣ್ಣ ಅದನ್ನು ತಂದು
ಕಟ್ಟಿ ತಲೆಯನು ಹೊಡೆಯಬೇಕಣ್ಣ
ಅಷ್ಟಮದದ ಕುರಿಗಳನ್ನು ಕಟ್ಟಿ ತಲೆಯನು ಚಂಡನಾಡಿ
ಅಟ್ಟಿ ತಿರುಗುವ ಕೋಳಿಯನ್ನು ಕುಟ್ಟಿ ಸೂರೆ ಹಾಕುತಲ್ಲಿ ॥೨॥
ನಾನು ಎಂಬುವ ಮೇಕೆ ಹೋತಣ್ಣ ಅದಕ್ಕೆ ತಕ್ಕ
ಜ್ಞಾನವೆಂಬುವ ಪೋತರಾಜಣ್ಣ
ಮಾನವೆಂಬ ಚಾಟಿ ಹೊಡೆದು ಹೀನ ಹೋತನ ಸೀಳಿ ಬಿಸುಟು
ಧ್ಯಾನ ಗುಡಿಸಲು ಸೂರೆಗೊಂಡು ತಾನೆ ಬೆಳಗುವ ಜ್ಯೋತಿ ನಿಲ್ಲಿಸಿ ।೩॥
ನಾಳೆ ನೋಡೋಣ್ಣೆನ್ನಬೇಡಣ್ಣ ಕೇಳಣ್ಣ ನಿನ್ನ
ಬಾಳು ಅಸ್ಥಿರವೆಂದು ತಿಳಿಯಣ್ಣ
ಪಾಳ್ಯಗಾರನಂತೆ ಬಹನು ಬಾಳುವ ಕಾಲದಿ ಯಮನು
ಕೋಳಿ ಪಿಳ್ಳೆಯಾಡುವಾಗ ಹಾಳುಹದ್ದು ಒಯ್ಯುವಂತೆ ॥೪॥
ಹೆಂಡಿರು ಮಕ್ಕಳು ಸುಳ್ಳು ಕೇಳಣ್ಣ ನಿನ್ನ
ಮಂಡೆ ತುಂಬ ಬಳಗ ಕಾಣಣ್ಣ
ದಂಡಧಾರಿ ಯಮನು ಬಂದು ಮಂಡೆ ಮೇಲೆ ಹೊಯ್ಯುವಾಗ
ಹೆಂಡಿರು ಮಕ್ಕಳು ನಿನ್ನ ಕಂಡು ಭಂಗಬಿಡಿಸಬಲ್ಲರೇನಣ್ಣ ॥೫॥
ಸತ್ತ ಪೆಣವ ನೋಡುವಿಯಲ್ಲ ನೀ ಗಳಿಸಿದಂಥ
ಬುತ್ತಿನೋಡಿ ಉಬ್ಬುವಿಯಲ್ಲೊ
ಮೃತ್ಯುವಿನ ಬಾಯಿಯೊಳಗೆ ತುತ್ತು ಆಗಿ ಹೋಗಬೇಡ
ತೊತ್ತು ಆಗಿ ಗುರುವಿಗೆ ನೀ ಹತ್ತಿ ನೋಡೋ ಗುಡ್ಡವನು ॥೬॥
ಮುಂದೆ ಇಂಥ ಜನ್ಮ ಬರದಣ್ಣ ನೋಡಣ್ಣ ನಿನಗೆ
ಮಂದಮತಿಯು ಬೇಡ ಕಾಣಣ್ಣ
ಹಿಂದಿನ ಕಷ್ಟವ ಮರೆದು ಕಾಣಣ್ಣ
ತಂದೆ ಪುರಂದರವಿಠಲನ್ನ ಹೊಂದಲು ನೀ ಮುಕ್ತನಣ್ಣ ॥೭॥
****
ರಾಗ : ನಾದನಾಮಕ್ರಿಯೆ ತಾಳ : ಅಟ್ಟ (raga, taala may differ in audio)
Uradevara madabekanna tannolage tane ||pa||
Ura devara madirendu sarutide Sruti irulu hagalu
Dvaragalombattu mucci nillisi brumadhyadalli ||a.pa||
Eshtu yugagalu tiri hoytanna devara madade
Kashtadinda nomde kananna
Ashta dalada kamba nillisi katti chakrangalanu haki
Srushtidevara tandu nillisi dushta konana Sirava taridu ||1||
Kashtakartavemba kuriyanna adannu tandu
Katti taleyanu hodeyabekanna
Ashtamadada kurigalannu katti taleyanu camdanadi
Atti tiruguva koliyannu kutti sure hakutalli ||2||
Nanu embuva meke hotanna adakke takka
J~janavembuva potarajanna
Manavemba cati hodedu hina hotana sili bisutu
Dhyana gudisalu suregondu tane belaguva jyoti nillisi |3||
Nale nodonnennabedanna kelanna ninna
Balu asthiravendu tiliyanna
Palyagaranante bahanu baluva kaladi yamanu
Koli pilleyaduvaga haluhaddu oyyuvante ||4||
Hendiru makkalu sullu kelanna ninna
Mande tumba balaga kananna
Dandadhari yamanu bamdu mande mele hoyyuvaga
Hendiru makkalu ninna kandu bamgabidisaballarenanna ||5||
Satta penava noduviyalla ni galisidantha
Buttinodi ubbuviyallo
Mrutyuvina bayiyolage tuttu Agi hogabeda
Tottu Agi guruvige ni hatti nodo guddavanu ||6||
Munde intha janma baradanna nodanna ninage
Mandamatiyu beda kananna
Hindina kashtava maredu kananna
Tande purandaravithalanna hondalu ni muktananna ||7||
***
pallavi
Ura dEvara mADabEkaNNa tannoLage tAne Ura dEvara mADabEkaNNa
anupallavi
Ura dEvara mADirendu sArutide shruti smrtigaLu dvAragaLaombhattu mucci nillisi dhyAna bhrUmadhyadi
caraNam 1
eSTu yugagLu dIri hOyitaNNa dEvara mADade kaSTadinda nonde kANaNNa
aSTadaLada kambha nillisi naSTa baruva kAladalli keTTa daivakkAgi nInu kONana shirava taridu
caraNam 2
nAnE embO mEke hOtaNNa adakke takka jnAnavemba pOta rAjaNNa tAne embO
balle hiDidu hIna hOtina sILi bisuDu jnAna guDisalu sUre koNDu tAne beLagO jyOti nillisi
caraNam 3
kartavembO klEsha kuriyaNNa adannu tandu kaTTi taleyane kuTTa bEkaNNa asTa vidhada
kurigaLannu kaTTi taleyane ceNDanADi huTTi tirugO kOLiyannu kuTTi cUri hAkutali
caraNam 4
nAnE nODuvenenna bEDaNNa kELaNNa ninna bALuyento nIne nODaNNa nALe
nADadu endu hIge bALuva kAladi yamanu kOLi piLLeyADuvAga hALi haddinante oyyuva
caraNam 5
heNDiru makkaLu suLLaNNa kELNNa ninna maNDe tumba baLaga kANaNNa tuNDanAda
yamanu bandu maNDe mEle hoyyuvAga heNDiru makkaLu ninna kaNDu kaNDu biDisOdilla
caraNam 6
matte heNNina nODuveyallO nI kaLisidantha buddiyanne umbuveyallO
mrtyuvina bAyige nI tuttu AgihOga bEDa tottAgi guruvige nitya uttama sEveyannu mADu
caraNam 7
munde intha janma kANaNNa bAradO ninage mandamatiyu AgabEkaNNa hindina
kaSTaginda mundina hemmeya maredu tande purandara viTTalanna hondi nInu muktanAgo
***
