Audio by Mrs. Nandini Sripad
ರಾಗ ಅಭೋಗಿ
ಧ್ರುವತಾಳ
ಸುಂದರಮಯವಾದ ದ್ವಂದ್ವ ಚರಣವನ್ನು ।
ಇಂದು ಕಂಡೆನು ಬಂದು ।
ಅಂದು ಕಾಳಿಂದಿಯಾ ಧುಮುಕಿ ನಾ - ।
ಗೇಂದ್ರನಾ ಫಣಿಯಲ್ಲಿ ಕುಣಿಕುಣಿದಾಡಲು ।
ದುಂದುಭಿ ರಭಸಾ ಮೊರಿಯೆ ಗಗನ - ।
ದಿಂದಲೆ ಪೂಮಳೆ ಬಿಡದೆ ಸುರಿಯೆ ।
ವೃಂದಾರಕವೃಂದ ಚಂದಾಗಿ ಸರಸಿಜ ।
ನಂದನ ಸಹಿತ ವಂದನೆ ಗೈವುತಿರೆ ।
ನಂದನಂದನ ಗೋಪಿಯ ಕಂದ ।
ಅಂದಂದಾಡಿದ ಗೋವಿಂದ ವಿಜಯವಿಠ್ಠಲಾ ।
ನಿಂದು ನಲುವಿಂದಾ ಮೆರೆವೆನು ಇಲ್ಲಿ ।
ಇಂದಿರೆಯರಸನ ನಂದ ಮೂರುತಿಯಾ ॥ 1 ॥
ಮಟ್ಟತಾಳ
ಇದೆ ವೈಕುಂಠಾ ಇದೆ ಶ್ವೇತದ್ವೀಪ ।
ಇದೆನಂತಾಸನ ಇದೆ ಗೋಕುಲವೋ ।
ಇದೆ ವೃಂದಾವನ ಇದೆ ದ್ವಾರಾವತಿ ।
ಇದೆ ನಮ್ಮಾ ಯದುಪತಿ ಇಪ್ಪಾನಗರಾ ।
ಇದೆ ನಮ್ಮ ತಿರುಮಲಾ ವಿಜಯವಿಠಲ ನಿಪ್ಪ ಸಂಭ್ರಮವೋ ॥ 2 ॥
ತ್ರಿವಿಡಿತಾಳ
ಧನ್ಯ ನಾನಾದಿನೋ ದಾನ್ನವಾರಿಯಾ ಕಂಡು ।
ಎನ್ನ ಸಂಸ್ಕಾರಕ್ಕೆ ಪಡೆಗಾಣೆ ಪಡೆಗಾಣೆ ।
ಅನ್ಯಾಯಗೊಳಿಸುವ ದುರುಳ ವೃತ್ತಿಗಳೆಲ್ಲಾ ।
ಬೆನ್ನು ತೋರಿದವಯ್ಯಾ ಬೀಳುವಾದರಿಯಾದೆ ।
ಅನ್ನ್ಯಾ ದೇವರಿಗೆ ಶಿರವಾಗಿ ಶಿರವಾಗಿ ಶ - ।
ರಣು ಶರಣೆನ್ನಿನೋ ಆವಾವ ಕಾಲದಲ್ಲಿ ।
ರನ್ನ ಕೈ ಸೇರಾಲು ಗಾಜುಮಣಿ ಬಯಸುವಿನೆ ।
ತನ್ನಿಂದ ತಾವೊಲಿದ ವಿಜಯವಿಠ್ಠಲ ಕರ - ।
ವನ್ನು ಪಿಡಿಯೆ ಎನಗೆ ಇನ್ನು ಯಾತರ ಭೀತಿ ॥ 3 ॥
ಅಟ್ಟತಾಳ
ಮೈಲಿಗಿಯವ ನಾನಾದಡೆ ಜಗದಯ್ಯಾ ।
ಅಯ್ಯಾನೆ ನಿನ್ನ ಮಂಗಳವಾದ ನಾಮಕ್ಕೆ ।
ಮೈಲಿಗಿ ಉಂಟೇನೋ ಮದನಾರಿಯ ಒಡೆಯಾ ।
ಮೈಲಾರಿ ಜೊಕ್ಕನು ಆವ ಕುಲದವ ।
ಅಯ್ಯಾ ವಿಜಯವಿಠ್ಠಲಾ ನುದಿನ ನೀನೊಲಿಯೆ ।
ವೈವಾದು ಸದ್ಗತಿಗೆ ಒಂದೆ ನಾಮವೆ ನೆನಿಯ ॥ 4 ॥
ಆದಿತಾಳ
ಹರಿದು ಎಂತನ್ನರಿಯಾದ ನರರಿಗೆ ।
ಶರಣ ಜನರಿಗೆ ಬಲು ಮರಳು ಕಾಣೋ ಪಾಂಡುರಂಗಾ ।
ವರ ಇಟ್ಟಂಗಿ ಮೇಲೆ ಸ್ಥಿರವಾಗಿ ನಿಂದಾ ।
ಸಿರಿಧರಪತಿ ವಿಜಯವಿಠ್ಠಲಾ ।
ಗುರುಪುರಂದರನ ಪ್ರೀಯಾ ॥ 5 ॥
ಜತೆ
ಪಂಢರಿರಾಯಾ ಪ್ರಾಕೃತವಿರಹಿತ ಕಾಯಾ ।
ಪುಂಡರೀಕ ವರದ ವಿಜಯವಿಠ್ಠಲರೇಯಾ ॥
************
