ಜೋ ಜೋ ಜೋ ಮುಖ್ಯಪ್ರಾಣ hayavadana

ಜೋ ಜೋ ಜೋ ಮುಖ್ಯಪ್ರಾಣ
ಜೋಜೋ ಮಲೆವರ  ಗಂಟಲಗಾಣ ||ಪ||

ಜೋಜೋ ರಾಕ್ಷಸ ಶಿಕ್ಷ ಕಲ್ಯಾಣ
ಜೋಜೋ  ಸಕಲ ವಿದ್ಯಾ ಪ್ರವೀಣ ಜೋ ಜೋ ||ಅ. ಪ||

ಆ ಜಗದಲಿ ನೀ ಬಾಲಬ್ರಹ್ಮಚಾರಿ
ಸೋಜಿಗದಲಿ  ಕಪಿ ರಾಜ್ಯವನಾಳಿ
ತೇಜಮುತ್ತಿನ  ಕವಚಕುಂಡಲಧಾರಿ
ಪೂಜಿಪರ ಪಾಲಿಪೇ  ಸುಜನರುಪಕಾರಿ ||1||


ಭೂಮಿ ಭಾರವನಿಳಿಸಿದ  ಭೀಮ
ಕಾಮಿ ಕೀಚಕನ ಕುಟ್ಟಿ ರಣಧಾಮ
ಭಾಮಿನಿ ದ್ರೌಪದಿ ಕಷ್ಟ ನಿರ್ಧೂಮ
ಕಾಮಿತಾರ್ಥವನೀವ  ಕಲ್ಪತರು ಭೀಮ ||2||

ಸೌಂದರ್ಯರೂಪದ  ಶ್ರೀಮದಾನಂದ
ತಂದೆ ಹಯವದನನ  ಮೋಹದಕಂದ
ಬಂದು ಉಡುಪಿಯಲಿ  ನೆಲೆಯಾಗಿ ನಿಂದ
ವಂದಿಸುವೆ ನಿದ್ರೆಗೈ  ಹರಿಧ್ಯಾನದಿಂದ ||3||
******