ಬಾರನ್ಯಾತಕೆ ಕೃಷ್ಣ ಬಾರನ್ಯಾತಕೆ ನಾರಿಯರ ankita prananatha vittala

 ..

..

kruti by bagepalli shesha dasaru ಬಾಗೇಪಲ್ಲಿ ಶೇಷದಾಸರು

ಬಾರನ್ಯಾತಕೆ ಕೃಷ್ಣ ಬಾರನ್ಯಾತಕೆ ಪ

ನಾರಿಯರ ಭಯವಿಂತಿಹುದೊ ಧೀರ ಕೃಷ್ಣಗೆಅ.ಪ

ಹರಿಯ ಮನಕೆ ಹರುಷಪಡಿಸಿ

ಹರಿಯ ಕರೆಸಿ ಮನದೊಳಿರಿಸಿ

ಹೊರಗೆ ಬಿಡರೆಂಬೊ ಭಯಕೆ

ಮರೆಯೊಳಿದ್ದುಕಾಲ ಕಳೆಯುವ 1

ಮದಗಜಗಮನೆಯರೆಲ್ಲ

ಮದನಕದನ ದೊಳಗೆ ಸೋಲಿಸಿ

ಮುದದಿ ಎನ್ನಬಿಡದೆ ಮನೆಯೊಳು

ಸದರದಿಂದ ನೋಡುವರೆಂದು 2

ಆಣಿ ಮುತ್ತಿನ ಮಾತನಾಡಿ

ಜಾಣ ಪ್ರಾಣನಾಥ ವಿಠಲನ

ವಿನಯದಿಂದ ಕರೆದು ತಂದರೆ

ವನಜಮುಖಿಯೆ ಹರುಷ ಪಡುವೆ 3

***