ಮಂಡೆ ಬಾಗುವೆ ನಾ ರಾಘವೇಂದ್ರ ಗುರುವೆ ankita krishnavedavyasa vittala

 ರಾಗ: ಕಾಪಿ ತಾಳ: ಆದಿ

ಮಂಡೆ ಬಾಗುವೆ ನಾ ರಾಘವೇಂದ್ರ ಗುರುವೆ ಪ

ಪಂಢರಿನಾಥನ ಭಕ್ತ ವರಗುರುವೆ ಅ. ಪ 

ಶಂಡಾಮರ್ಕರುಪದೇಶ ನೀ ಕೇಳಲಿಲ್ಲೆಂದು

ಚಂಡಕೋಪದಿ ಅಂದು ನಿನ್ನ ತಂದೆ

ಮಂಡೆಒಡೆಯುವೆನೆಂದೆದ್ದುನಿಲ್ಲೆ

ಪುಂಡರೀಕಾಕ್ಷನ ಕಂಬದಿತೋರಿದ ಗುರುವೆ 1

ತುಂಗಾತೀರದಿ ಹಂಪೆಯಲ್ಲಿದ್ದ ಗುರುವೆ

ಅಂಗಜಜನಕನ ಸೇವಿಸಿ ಯತಿ ಮೆರೆದೆ

ರಂಗನಂಕಿತ ಭಕ್ತರಿಗಿತ್ತು ದಾಸರಮಾಡುತ

ಭಂಗಬಿಡಿಸಿ ರಾಜನಕಾಯ್ದ ಗುರುವೆ 2

ಅಂಧ ಮೂಕ ಬದಿರರೀಪ್ಸಿತಗಳಸಲಿಸಿ

ಛಂದಛಂದದ ವಾರ್ತೆಗಳನೇಕ ನಡೆಸಿ

ಬಂದ ಭಾಗವತರ ಭಕ್ತಿಸ್ತುತಿ ಆಲಿಸಿ

ಅಂದದಲಿರುವೆ ಶ್ರೀಕೃಷ್ಣವೇದವ್ಯಾಸವಿಠಲನಿಗದನರ್ಪಿಸಿ 3

****