ಪಂಡರಿಯ ಪುರನಾಥ l ಭಕುತರ ದಾತಾ l
ಅಂಡಲೆದು ಜನುಮಗಳ l ಬೆಂಡಾದೆ ಹರಿಯೇ ll ಪ ll
ಶ್ವಾನ ಸೂಕರ ಖರದ l ಹೇನು ಹಕ್ಕಿಯ ಮೃಗದ l
ಯೋನಿ ಯೋನಿಯ ಚರಿಸಿ l ಬೇನೆಗ್ವೊಳಗಾದೇ
ಮಾನನಿಧಿ ಕಾರುಣ್ಯ l ವೇನ ಬಣ್ಣಿಪೆನಯ್ಯ
ಮಾನವನ ಮಾಡೆನ್ನ l ನೀನಾಗಿ ಪೊರೆದೇ ll 1 ll
ಕರ್ಮ ಕೋಟಿಗಳಲ್ಲಿ l ಮರ್ಮಗಳ ಮರೆತಲ್ಲಿ
ಒಮ್ಮನದಿ ಸೂತ್ರಗಳ ತದ್ಭಾಷ್ಯಂಗಳಾ ll
ಪೇರ್ಮೆಯಲಿ ನೋಡದಲೆ l ಕರ್ಮಚರಿಸಿದೆನಲ್ಲೆ
ಭರ್ಮ ಗರ್ಭನನಯ್ಯ l ನಿರ್ಮಮನ ಮಾಡಯ್ಯ ll 2 ll
ಸಕಲ ಶಾಸ್ತ್ರಾರ್ಥಗಳ l ಸಕಲ ಸಾರನೆ ಅಖಿಳ
ಭಕುತ ಜನ ಸಂಸೇವ್ಯ l ಮಧ್ವಮುನಿ ವಂದ್ಯ ll
ಸಕಲಾತ್ಮಕನೆ ಗುರು l ಗೋವಿಂದವಿಟ್ಠಲಯ್ಯ
ಸಕಲಕೂ ನೀನೇ ಚೇ l ಷ್ಟಕನೆಂದು ತಿಳಿಸೊ ll 3 ll
***
