ದಿಕ್ಕಾರೊ ಮುಂದೆ ದೆಸೆಯಾರೊ ankita pradyumna tande vittala

 ರಾಗ - : ತಾಳ -

ದಿಕ್ಕಾರೊ ಮುಂದೆ ದೆಸೆಯಾರೊ ಲಕ್ಕುಮಿಪತಿ l

ನಿನ್ನ ಹೊರ್ತು ಉಬ್ಬರ ತೋರೊ ll ಪ ll

ವಡಿವೆ ವಸ್ತುವು ಆರೊ ಮಡದಿ ಮಕ್ಕಳು ಆರೊ l

ಹಡದ ತಾಯಿ ತಂದಿನ್ನವರು ಆರೊ l

ಸಡಗರದಲಿ ಎಡಬಿಡದೆ ಬಾಧಿಸಿ ತ್ವರ l

ಕಡುಪಾಪಿ ಯಮ ಜಲ್ಮ ಹಿಡಿದು ಕೊಂಡೊಯಿವಾಗಾ ll 1 ll

ಹೊನ್ನು ಹಣವು ಆರೊ ತನ್ನ ನನ್ನವರಾರೊ l

ಬೆನ್ನಿಲಿ ಬಿದ್ದನುಜ ತನುಜರಾರೊ l

ಕಣ್ಣ ತಿರುವಿ ಕಾಯ ಬಣ್ಣಗೆಡಿಸಿ ತ್ವರ l

ಘನ್ನ ಘಾತಕ ಯಮ ಜಲ್ಮ ಕೊಂಡೊಯಿವಾಗ ll 2 ll

ಉಂಡ ಉಟ್ಟವರಾರೊನಂದಬಟ್ಟವರಾರೊ l

ಬಂದ ಕಂಟಕ ಪರಿಹರಿಪರಾರೊ l

ಹೊಂದಿದವಿವನೆಂದು ಕುಂದದೆ ಪ್ರದ್ಯುಮ್ನ l

ತಂದೆ ವಿಟ್ಠಲ ವಂದು ನೀ ಕಾಯ್ದಿಯಲ್ಲದೆ ll 3 ll

***