ರಾಗ – : ತಾಳ –
ಪರಾಕುಮಾಡಿ ಪರಾಂಬರಿಸದಿರೆ ಅರುಹಲ್ಯಾರಿಗೊ ಕೃಷ್ಣಾ ll ಪ ll
ಶಿರಿ ಮಾರುತರಿಂ ಮೆರೆವ ನಿನಗೆನ್ನ ಮೊರೆ ಕೇಳುವುದೇನೋ ll ಅ ಪ ll
ನರಜನ್ಮದಿಬಂದು ಮೆರೆದು ಧರೆಯಲ್ಲಿ ಕೊರಗುತಿರುವೆನೊ
ಪರಮಪುರುಷನೆ ಸರಿ ಯಾರನೆಕಾಣೆ ತೊರೆಯ ಬೇಡೆನ್ನಾ ll 1 ll
ಬಲೇ ಸಿಟ್ಟಿನಲಿ ಚಲಾದಿಬಿದ್ದು ತೊಳಲುತಿರುವೆನೋ
ಕಲಿಯನೋಡಿಸೋ ಹಲಧರಾನುಜ ಭಳಿಭಳಿರೆಯೆಂಬೆ ll 2 ll
ಕರಿಗಿರೀಶನೆ ಧರಾಧರಾರ್ಚಿತ ಸಿರಿ ನಿತ್ಯಾನಂದವಿಟ್ಠಲ
ಹರಿಗುರುಗಳ ಚರಣಕಮಲದಿ ನಿರುತಮನ ಇರಿಸೋ ll 3 ll
***
