ನಗುವರೆಲ್ಲ ರಂಗಯ್ಯ ನಿನ್ನಾಟವ ಕಂಡು ||ಪ ||
ಹಗರಣವಾಗಿದೆ ಎನಗೆ ನಿಗಮಗೋಚರನೆ ||ಅ||
ನಿಗಮವನ್ನು ತರಲು ಮತ್ಸ್ಯಾಕೃತಿಯ ತಾಳಿದೆ
ನಗವನೆತ್ತಿ ಕೂರ್ಮನೆಂಬ ಹೆಸರ ಧರಿಸಿದೆ
ಜಗತಿಯನ್ನು ತರಲು ವರಾಹ ಮೂರ್ತಿಯೆನಿಸಿದೆ
ಮಗುವಿಗಾಗಿ ಘೋರಾಕೃತಿ ನರಮೃಗನೆನಿಸಿದೆ ||
ಹೆಡಮುಡಿ ಕಟ್ಟಿ ದಾನವ ಕೊಟ್ಟ ಬಲಿಯ ಭಂಗಿಸಿದೆ
ಪಡೆದ ತಾತ ಶಿರವ ಕಡಿದು ನ್ಯಾಯವೆನಿಸಿದೆ
ಮಡದಿಗಾಗಿ ಮರ್ಕಟರ ಹಿಂಡು ಕೂಡಿಸಿದೆ
ಕಡಲ ಕಟ್ಟಿ ಕಪಿಗಳಿಂಡ ಧುರವ ಜಯಿಸಿದೆ ||
ಅಷ್ಟಮಿಯೊಳರ್ಧ ರಾತ್ರಿಯಲ್ಲಿ ಜನಿಸಿದೆ
ದುಷ್ಟ ಕಂಸನು ಹಾಕಿದ ಬಾಗಿಲ ತೆಗೆಸಿದೆ
ತಟ್ಟನೆ ಗೋಕುಲದಲ್ಲಿ ಬಂದು ನೆಲಸಿದೆ
ಸೃಷ್ಟಿಸಿ ಚಂಡಿಕೆಯ ಖಳನ ಮುಂದೆ ನಿಲಿಸಿದೆ ||
ನಂದಗೋಪ ತನಗೆ ಕಂದನಾದನು ಎಂದು
ಮಿಂದು ಕಾಳೀಂದಿಯೊಳು ಮಂದಿರಕೆ ಬಂದು
ಚಂದದಿಂದ ಜಾತಕರ್ಮ ಮಾಡಿಸಿಕೊಂಡು
ಬಂದ ಬ್ರಾಹ್ಮಣರಿಗೆ ದಕ್ಷಿಣೆ ಕೊಟ್ಟನು ಅಂದು ||
ಬಣ್ಣಿಸಿ ಮಕ್ಕಳ ಕರೆದು ಬೆಣ್ಣೆಯುಣಿಸಿದೆ
ಚಿಣ್ಣಿಕೋಲು ಚೆಂಡು ಬುಗರಿ ಗಜ್ಜುಗವಾಡಿದೆ
ಕಣ್ಣು ಸನ್ನೆ ಮಾಡಿ ಅವರ ಕಾಕು ಮಾಡಿದೆ
ಮಣ್ಣು ತಿಂದ ಬಾಯೊಳು ಬ್ರಹ್ಮಾಂಡ ತೋರಿದೆ ||
ಗೊಲ್ಲರ ಮನೆಗೆ ನೀನು ಮೆಲ್ಲನೆ ಪೋಗಿ
ಚೆಲ್ಲಿ ಪಾಲು ಮೊಸರು ಬೆಣ್ಣೆ ಸೂರೆ ಮಾಡಿದೆ
ವಲ್ಲಭಯರ ಕೂಡೆ ನೀನು ಸರಸವಾಡಿದೆ
ಮುಲ್ಲೆ ಮಲ್ಲಿಗೆಯೆ ಅರಳ ಮುಡಿಗೆ ಮುಡಿಸಿದೆ ||
ಬಾಲಕರ ಕೂಡೆ ಮೊಸರ ಭಾಂಡ ಒಡೆಸಿದೆ
ಹಾಲು ಮೊಸರು ಬೆಣ್ಣೆ ಕದ್ದು ಕಳ್ಳನೆನಿಸಿದೆ
ಬಾಲೆಯರ ವಸ್ತ್ರವ ಕೊಂಡು ಮರವನೇರಿದೆ
ಕಾಲಾಹಿವೇಣಿಯರೊಡಗೂಡಿ ರಮಿಸಿದೆ ||
ತುರುಗಳ ಹಿಂಡನು ನಡೆಸಿ ವನವ ಚರಿಸಿದೆ
ಮೊರಡು ಮುದುಕಿ ಕುಬುಜೆಯನ್ನಾದರದಿ ಕೂಡಿದೆ
ಕರುಣವಿಷ್ಟಿಲ್ಲದೆ ಸೋದರಮಾವನ ಕೆಡಹಿದೆ
ನರನ ರಥಕೆ ಬೋವನಾಗಿ ಕುದುರೆ ನಡೆಸಿದೆ ||
ತರುಣಿಯರ ವ್ರತವ ಕೆಡಿಸಿ ಬತ್ತಲೆ ನಿಲಿಸಿದೆ
ತುರಗವೇರಿ ಕಲ್ಕಿಯಾಗಿ ಖಡ್ಗವ ಧರಿಸಿದೆ
ಗುರು ಮಧ್ವರಾಯರಿಗೊಲಿದು ಉಡುಪಿಲಿ ನೆಲಸಿದೆ
ವರದ ಪುರಂದರವಿಟ್ಠಲನೆ ನಮಗೆ ಗತಿಯಾದೆ |
****
ರಾಗ ಹಿಂದುಸ್ತಾನಿ ಕಾಪಿ ಆದಿ ತಾಳ (raga, taala may differ in audio)
pallavi
naguvarella rangayya ninnADava kaNDu
anupallavi
hagaraNavAgide enage nigamagOcarane
caraNam 1
nigamavannu taralu matsyAkrtiya tALide nagavanetti kUrmanemba hesara dhariside
jagatiyannu taralu varAha mUrtiyeniside maguvigAgi ghOrAkrti nara mrganeLiside
caraNam 2
heDemudi kaTTi dAnava koTTa baliya bhangiside paDeda tAta shirava kaDidu nyAyaveniside
maDadigAgi markaTara hiNDu kUDiside kaDala kaTTi kapigaLinda dhurava jayiside
caraNam 3
aSTamiyoLartha rAtriyalli janiside duSTa kamsanu hAkida bAgila tegeside
taTTane gOkuladalli bandu nelaside shrSTisi caNDikeya ghaLana munde niliside
caraNam 4
nandagOpa tanage kandanAdanu endu mindu kALIndiyoLu mandirake bandu
candadinda jAtakarma mADisi koNDu banda brAhmaNarige dakSiNe koTTanu andu
caraNam 5
baNNisi makkaLa karedu beNNeyuNiside ciNNikOlu ceNDu bugari ganjugavADide
kaNNu sanne mADi avara kAku mADide maNNu tinda bAyoLu brahmANDa tOride
caraNam 6
gollara manege nInu mellane pOgi celli pAlu mosaru beNNe sure mADide
vallabhayara kUDe nInu sarasavADide mulle mallikeye araLa muDige muDiside
caraNam 7
bAlakara kUDe mosara bhANDa oDeside hAlu mosaru beNNe kaddu kaLLaneniside
bAleyara vastrava koNDu maravanEride kALAhivENiyaroDa kUDi ramiside
caraNam 8
durugaLa hiNDanu naDesi vanava cariside moraDu mudugi kubujeyannAdaradi kUDide
karuNaviSTillade sOdara mAvana keDahide narana rathake pOvanAgi kudure naDeside
caraNam 9
taruNiyara vratava keDisi battale niliside turagavEri kalkiyAgi khaDgava dhariside
guru madhvarAyarigolidu uDupili nelaside varada purandara viTTalane namage gatiyAde
***
