..
kruti by Srida Vittala Dasaru Karjagi Dasappa
ನಾರಾಯಣ ಗೋವಿಂದ ಹರಿ ಹರಿ ನಾರಾಯಣ ಗೋವಿಂದ ಪ
ನಾರಾಯಣ ಗೋವಿಂದ ಮುಕುಂದ ಪರತರ ಪರಮಾನಂದಅ.ಪ.
ಮಚ್ಛರೂಪಿಲಿ ಹೆಚ್ಚಿದ ದೈತ್ಯರ ತುಚ್ಛಿಸಿ ವೇದವ ತಂದ ಹರಿ 1
ಸ್ವಚ್ಛಮಂದರ ಯದೃಚ್ಛದಿ ಮುಣುಗಲು ಕಚ್ಛಪ
ವೇಷದಿ ನಿಂದಾ ಹರಿ 2
ಶ್ರೀಕರ ಹರಿ ಭೀಕರ ದಿತಿಜರ
ಸೂಕರ ರೂಪಿಲಿ ಕೊಂದಾ ಹರಿ 3
ಶಂಬರಾರಿಪಿತ ಕಾಂಬು ಚಕ್ರಧರ
ಕಂಬವ ಭೇದಿಸಿ ಬಂದ ಹರಿ4
ಶ್ಯಾಮರೂಪ ಗುಣಧಾಮ ಹರಿಯು ತಾ
ವಾಮನ ರೂಪಿಲಿ ನಿಂದಾ ಹರಿ5
ಕ್ಷತ್ರಕುಲವ ನಿಕ್ಷತ್ರಮಾಡಲು
ಭೃಗು ಪುತ್ರನಾಗಿ ತಾ ನಿಂದಾ ಹರಿ 6
ದಶರಥಸುತ ಹರಿ ದಶಮುಖನಳಿದು
ಕುಶಲದಿ ಸೀತೆಯ ತಂದಾ ಹರಿ 7
ನಂದಗೋಪನ ಕಂದನು ಬಹು ಗೋವೃಂದದೊಳಗೆ
ತಾ ನಿಂದಾ ಹರಿ 8
ಅಂಗನೆಯರ ವ್ರತಭಂಗ ಮಾಡಲನಂಗ
ಜನಕ ತಾ ಬಂದಾ ಹರಿ 9
ದುಷ್ಟgನಳಿದು ಶಿಷ್ಟಜನರ ಪರಮೇಷ್ಟಿ
ಎನಿಸಿ ತಾ ನಿಂದಾ ಹರಿ 10
ಶ್ರೀದವಿಠಲ ಕರುಣದಿಂದಲಿ ನಂದತತಿ
ಸಲಹುವೆನೆಂದಾ ಹರಿ 11
***
