..
kruti by Srida Vittala Dasaru Karjagi Dasappa
ಹೇಳ ಬಂದೇವಮ್ಮಾ ಗೋಪಿ ನಿನಗೆ ದೂರ
ಯಾರ ಮಾತ ಕೇಳವಲ್ಲಾ ರಂಗ ಚೋರ ಪ
ದಿಕ್ಕಡದಿಮ್ಮಿಲೆ ಕೂಡಿಸುವ ಬ್ರಹ್ಮಾಂಡ ನೂರಾ
ಇವನ ಮಹಿಮಾ ತಿಳಿಯದವ್ವಾ ಮಾಯಕಾರ ಅ.ಪ.
ಕಳ್ಳನಾಗಿ ಕಂಣಮುಚ್ಚಿ ಗತಿಯವಲ್ಲನೆ
ವಳ್ಳೇಹೊತ್ತು ಬಂದಿತೆಂದು ಭಾರ ನೆಗಿವ್ಯಾನೆ 1
ಕ್ವಾರಿಲೆ ಹಾದು ದೈತ್ಯನ ಕೊಂದಾನೆ
ತರಳಗಾಗಿ ಖಂಬದಿಂದ ವಡದು ಬಂದಾನೆ 2
ಧಾರೂಣಿ ಅಳೆದು ಮೂರಡಿ ಮಾಡಿದ
ಅಂಬೆಯ ಮಗನಾಗಿ ಎಂಥ ಕಾಡಿದ 3
ರಂಭೆಗಾಗಿ ರಾವಣಗೇ ಅಂಬು ಹೂಡಿದ
ನಂಬೀದ ವಿಭೀಷಣಗೆ ಪಟ್ಟಗಟ್ಟಿದ 4
ಗೋಕುಲದೊಳಗೆ ಪುಟ್ಟಿ ಬೆಣ್ಣೆ ಮೆದ್ದಾನೆ
ವಸ್ತ್ರವಿಲ್ಲದಂತೆ ತಾ ಬತ್ತಾಲೆ ನಿಂತಾನೆ 5
ಕುದುರೆಯೇರಿ ಹಾರುತ ಬಂದಾನೆ
ಬೆದರಬೇಡೆಂದು ಶ್ರೀದವಿಠಲ ಅಂದಾನೆ 6
***
