ವಿಜಯದಾಸ
ರಾಗ - : ತಾಳ -
ನಿನ್ನ ಮೂರುತಿ ನಿಲ್ಲಿಸೋ ವೆಂಕಟಸ್ವಾಮಿ l
ಪ್ರಸನ್ನ ವದನ ಭುಜಗನ ಗಿರಿಯ ತಿಮ್ಮಾ ll ಪ ll
ಪೊಳೆವ ಕಿರೀಟ ಕುಂಡಲ ಕರ್ಣ ಪಣೆಯಲ್ಲಿ l
ತಿಲಕ ಬಿಲ್ಲಿನ ಪುಬ್ಬು ಸುಳಿಗೂದಲಿಂ ದೊಲಿವ ll 1 ll
ಕದಪು ಕೂರ್ಮನಂತೆ ಸುಧಿಯ ಸುರಿವ ವದನ l
ಅಧರ ನಾಶಿಕ ಕಪೋಲ ಮುದ್ದು ನಗೆಯಿಂದೊಲಿವ ll 2 ll
ಕೊರಳ ತ್ರಿರೇಖೆ ಉಂಗುರಬೆರಳ ಶಂಖ l
ಸುದರುಶನ ಕಟಿ ಅಭಯ l ಕರ ಚತುಷ್ಟಯಯಿಂದೊಲಿವ ll 3 ll
ಶ್ರೀವತ್ಸ ಕೌಸ್ತುಭ ನ್ಯಾವಳ ವೈಜಯಂತೆ l
ಆವಾವಾ ಸರ ಉದರ ತ್ರಿವಳಿಯಿಂದೊಲಿವಾ ll 4 ll
ಬಡ ನಡು ನಾಭಿಯು ಉಡುದಾರ ಪೊಂಬಟ್ಟೆ l
ಉಡುಗೆ ಕಿಂಕಿಣಿ ಗಂಟಿ l ನುಡಿ ತೊಡರಿಂದೊಲಿವಾ ll 5 ll
ಊರು ಜಾನು ಜಂಘೆ ಚಾರು ಪೆಂಡೆ ನೂಪುರ l
ಬೋರಗರೆವ ಗೆಜ್ಜೆ ತೋರುತ್ತ ನಳಿದೊಲಿವಾ ll 6 ll
ಧ್ವಜ ವಜ್ರಾಂಕುಶ ಸರಸಿಜ ರೇಖಿಯ ಚರಣ l
ವೈಜ ನಂದ ಬಾಲಕ ವಿಜಯವಿಟ್ಠಲ ತಿಮ್ಮಾ ll 7 ll
***
ನಿನ್ನ ಮೂರುತಿ ನಿಲ್ಲಿಸೊ ವೆಂಕಟಸ್ವಾಮಿ ಪ್ರ
ಸನ್ನ ವದನ ಭುಜಗನ ಗಿರಿಯ ತಿಮ್ಮಾ ಪ
ಪೊಳೆವ ಕಿರೀಟಕುಂಡಲ ಕರ್ಣ
ಪಣೆಯಲ್ಲಿ ತಿಲಕ ಬಿಲ್ಲಿನ ಪುಬ್ಬು
ಸುಳಿಗೂದಲಿಂದೊಲಿವ 1
ಕದಪು ಕೂರ್ಮನಂತೆ ಸುಧೆಯ ಸುರಿವ ವದನ
ನಾಸಿಕ ಕಪೋಲ
ಮುದ್ದುನಗೆಯಿಂದೊಲಿವ2
ಕೊರಳ ತ್ರಿರೇಖೆ ಉಂಗುರ
ಕಟಿ ಅಭಯ
ಕರ ಚತುಷ್ಟಯಿಂದೊಲಿವ3
ಕೌಸ್ತುಭ ನ್ಯಾವಳ ವೈಜಯಂತ
ಆವಾವಾಸರ ಉದರ
ತ್ರಿವಳಿಯಿಂದೊಲಿವಾ4
ಬಡ ನಡು ನಾಭಿಯು ಉಡುದಾರ ಪೊಂಬಟ್ಟೆ
ಉಡಿಗೆ ಕಿಂಕಿಣಿಗಂಟಿ
ನುಡಿ ತೊಡರಿಂದೊಲಿವಾ 5
ಊರು ಜಾನು ಜಂಘೆ ಚಾರುಪೆಂಡೆ ನೂಪುರ
ಭೋರಗರೆವ ಗೆಜ್ಜೆ
ತೋರುತ್ತ ನಲಿದೊಲಿವಾ 6
ಧ್ವಜ ವಜ್ರಾಂಕುಶ ಸರ
ಸಿಜ ರೇಖಿಯ ಚರಣ
ವ್ರಜನಂದ ಬಾಲಕ ವಿಜಯವಿಠ್ಠಲ ತಿಮ್ಮಾ 7
*********
