ಕಂಡೆ ಕಂಡೆ ಸ್ವಾಮಿಯ ಕಂಡೆ ಕಂಡೆ ನಾ ಬ್ರಹ್ಮಾಂಡ ankita bheemesha krishna KANDE KANDE SWAAMIYA KANDE KANDE NAA BRAHMAANDA

ಕಂಡೆ ಕಂಡೆ ಸ್ವಾಮಿಯ ಕಂಡೆ

ಕಂಡೆ ನಾ ಬ್ರಹ್ಮಾಂಡದೊಡೆಯನ

ಪಾಂಡವರ ಪರಿಪಾಲಿಸುವನ ಪ್ರ-

ಚಂಡ ಅಸುರರ ಶಿರವ ಚಕ್ರದಿ

ಚೆಂಡನಾಡಿದ್ದ ಚೆಲುವ ಕೃಷ್ಣನ ಪ

ಪಾದನಖದಿ ಭಾಗೀರಥ್ಯುದಿಸಿದಳು

ವಿರಿಂಚರು ನಾಭಿಕಮಲದಿ

ಈರೇಳು ಲೋಕವನಿಟ್ಟ ಉದರದೊ-

ಳಾದಿ ಮೂರುತಿ ಸಾರ್ವಭೌಮ 1

ಎಳೆದುಳಸಿ ಶ್ರೀವತ್ಸ ಕೌಂಸ್ತುಭ ಅ-

ರಳು ಮಲ್ಲಿಗೆ ಹಾರ ಪದಕವು ಕೊ-

ರಳೊಳಗೆ ವೈಜಯಂತಿ ಮಾಲೆಯಂ-

ತ್ಹೊಳೆವೊ ಮಾಣಿಕಾಭರಣ ಭೂಷಿತ 2

ಶೀಘ್ರದಲಿ ಜರೆಸುತನ ವಧÉ ಮಾ

ಡ್ಯಜ್ಞದಲಿ ಶಿಶುಪಾಲರಂತಕ

ರುಕ್ಮಿಣೀಪತಿ ಧರ್ಮಭೀಮರಿಂ-

ದಗ್ರಪೂಜೆ ತಕ್ಕೊಂಡ ಕೃಷ್ಣನ 3

ಕಂಕಣ ಕರದಲಿ ಶಂಖ ಚಕ್ರವು ಅರ-

ವಿಂದ ರೇಖವು ಚರಣದಲಿ

ಪಂಕಜಾಕ್ಷನ ಮುಖದ ಕಾಂತಿಯು

ಶಂಕೆಯಿಲ್ಲದೆ ಸೂರ್ಯರಂದದಿ 4

ಎಂಟು ಮಂದ್ಯೆರಡೆಂಟು ಸಾವಿರ ಸತಿಯ-

ರಿಂದ ದ್ವಾರಾವತಿಯನಾಳಿದ

ಪತಿತಪಾವನ ಪಾರಿಜಾತವ ಸತಿಗೆ

ತಂದ ಶ್ರೀಪತಿಯ ಪಾದವ 5

ನಳಿನಮುಖಿ ದ್ರೌಪದಿಯು ಕರೆಯಲು

ಸೆಳೆಯೆ ವಸ್ತ್ರ ಅಕ್ಷಯವ ಮಾಡಿಸಿ

ಖಳರ ಮರ್ದನ ಕರುಣ ಸಾಗರೆಂ

ದಿಳೆಯೊಳಗೆ ಹೆಸÀರಾದ ಕೃಷ್ಣನ 6

ನಂಬಿದವರನು ಬಿಡದೆ ತಾನಿ-

ದ್ದಿಂಬಿನಲಿ ಸ್ಥಳಕೊಟ್ಟು ಕರೆವನು

ಸುಂದರಾಂಗ ತಾ ಸೋಮಕುಲದಲಿ

ಬಂದುದಿಸಿದ ಭೀಮೇಶ ಕೃಷ್ಣನ 7

****