ಬುದ್ಧಿ ಹೇಳೆ ಗೋಪಿ ನಿನ್ನ ಮುದ್ದು ಕಂದಗೆ ||ಪ||
ಸದ್ದು ಮಾಡದ್ಹಾಗೆ ಬಂದು ಮುದ್ದನಿಟ್ಟು ಪೋದನಮ್ಮ ||ಅ||
ಗಂಧ ಕಸ್ತೂರಿ ಪುನುಗು ಚಂದದಿಂದ ಪೂಸಿಕೊಂಡು
ಮಂದಹಾಸದಿಂದ ಬಂದ ಇಂದಿರೇಶನು
ಸಿಂಧುಶಯನ ತಾ ಬಂದು ಮಂದಿರದೊಳಗೆ ಪೊಕ್ಕು
ಸಂದುಗೊಂದುಗಳ ಹುಡುಕಿ ಸರಸವಾಡಿ ಪೋದನಮ್ಮ ||
ಚಪ್ಪರಮಂಚದ ಮೇಲೆ ತಪ್ಪಿ ನಾ ಮಲಗಿರೆ
ಸಪ್ಪಳವಾಗದ್ಹಾಗೆ ಬಂದು ಅಪ್ಪಿಕೊಂಡನೆ
ಕುಪ್ಪಸದಲಿ ಕೈಯನಿಕ್ಕಿ ಕಕ್ಕಸ ಕುಚಗಳ ಪಿಡಿದು
ತಪ್ಪು ಕಾರ್ಯ ಮಾಡಿ ಅಧರ ಚಪ್ಪರಿಸಿ ಪೋದನಮ್ಮ ||
ಸುಳ್ಳು ಅಲ್ಲವೆ ನಮ್ಮ ಮಾತು ವಲ್ಲಭೆ ಕೇಳೆ ಗೋಪ್ಯಮ್ಮ
ಮೆಲ್ಲ ಮೆಲ್ಲನೆ ಬಂದು ತಾ ಗಲ್ಲಕೆ ಮುದ್ದನಿಟ್ಟು
ನಲ್ಲಳೆ ಬಾ ಎಂದು ಕರೆದು ಸೊಲ್ಲ ಸೊಲ್ಲ ಮಾತನಾಡಿ
ವಲ್ಲಭ ಶ್ರೀ ಪುರಂದರವಿಠಲ ಬುಲ್ಲಿ ತೋರಿ ಪೋದ ||
****
ರಾಗ ಪುನ್ನಾಗವರಾಳಿ. ಅಟ ತಾಳ (raga, taala may differ in audio)
pallavi
buddhi hELe gOpi ninna muddu kandage
anupallavi
saddu mADadhAge bandu muddaniTTu pOdanamma
caraNam 1
gandha kastUri punugu candadinda pUsi koNDu mandahAsadinda banda indirEshanu
sindhu shayana tA bandu mandiradoLage pokku sandukondugaLa huDugi sarasavADi pOdanamma
caraNam 2
cappara mancada mElE tappi nA malagire sappaLavAgadhAge bandu appi koNDane
kuppasadali kaiyanikki kakkasa kucagaLa piDidu tappu kArya mADi adhara capparisi pOdanamma
caraNam 3
suLLu allave namma mAtu vallabhE kELe gOpyamma mella mellane bandu tA gallake muddaniTTu
nallaLe bA endu karedu solla solla mAtanADi vallabha shrI purandara viTTala bulli tOri pOda
***
