ಯಾರೂ ಸಂಗಡ ಬಾಹೋರಿಲ್ಲ ನಾರಾಯಣ ankita neleyadikeshava YAARU SANGADA BAAHORILLA NARAYANA

also ankita in purandara vittala

ankita neleyadikeshava

ankita neleyadikeshava

ಯಾರೂ ಸಂಗಡ ಬಾಹೋರಿಲ್ಲ ll ಪ ll 

ನಾರಾಯಣ ನಾಮ ನೆರೆ ಬಾಹೋದಲ್ಲದೆ ll ಅ ಪ ll

ಹೊತ್ತು ನವಮಾಸ ಪರ್ಯಂತರವು ಗರ್ಭದಲಿ

 ಅತ್ಯಂತ ನೋವು ಬೇನೆಗಳಿಂದಲಿ 

ತುತ್ತು ವಸ್ತ್ರವನಿಕ್ಕಿ ಸಲಹಿದ ತಾಯ್ತಂದೆ 

ಅತ್ತುಕರೆದೊಯ್ದವರಲ್ಲದೆ ಬೆನ್ಹತ್ತಿ ಬರುವರೆ ll 1 ll

ಗುರು ಬಂಧು ಬುಧ ಜನರು ನಿಂತಗ್ನಿ ಸಾಕ್ಷಿಯಾಗಿ 

ಕರವಿಡಿದು ಧಾರೆಯನೆರೆಸಿಕೊಂಡ

ತರುಣಿ ಇನಿಯನ ಹರಣ ಹೋಗಲು ತಾ ಕಂಡು

ಬರುವುದಕಂಜಿ ಮುಂದೆ ಯಾರು ಗತಿಯೆಂಬುವಳು ll 2 ll

ಮಡದಿ ಮಕ್ಕಳು ತಮ್ಮ ಧನಕೆ ಬಡಿದಾಡುವರು

ಧನಕಾಗಿ ನಿನ್ನನ್ನೆ ನಂಬಿದವರು

ಅನುಮಾನವೇಕೆ ಈ ಜೀವ ತೊಲಗಿದಾಕ್ಷಣದಿ 

ಮುಂದೊಂದು ಅರಗಳಿಗೆ ನಿಲ್ಲಗೊಡವರು ll 3 ll 

ಸುತ್ತಲು ಕುಳ್ಳಿರ್ದ ಮಿತ್ರ ಬಾಂಧವರೆಲ್ಲ

ಹೊತ್ತು ಹೋಯಿತು ಹೊರಗೆ ಹಾಕೆನುವರೋ

ಹಿತ್ತಲ ಕಸಕಿಂತ ಕಡೆಯಾಯಿತ ಈ ದೇಹ 

ಹೊತ್ತುಕೊಂಡೊಯ್ದು ಅಗ್ನಿಯೊಳು ಬಿಸುಡುವರು ll 4 ll

ಹರಣ ಹಿಂಗದ ಮುನ್ನ 

ಹರಿಯ ಸೇವೆಯ ಮಾಡಿ

ಪರಗತಿಗೆ ಸಾಧನವನ್ನು ಮಾಡಿಕೊಳ್ಳೊ 

ಕರುಣಾನಿಧಿ ಕಾಗಿನೆಲೆಯಾದಿ ಕೇಶವ ನಿನ್ನ 

ಚರಣವನು ನೆನೆನೆನೆದು ಸುಖಿಯಾಗೊ ಮರುಳೇ ll 5 ll

***

ankita purandara vittala 👇👇

ಯಾರೂ ಸಂಗಡ ಬಾಹೋರಿಲ್ಲ
ನಾರಾಯಣನ ನಾಮ ನೆರೆಬಾಹೋದಲ್ಲದೆ ||

ಹೊತ್ತು ನವಮಾಸ ಪರ್ಯಂತವು ಗರ್ಭದಲಿ
ಹೆತ್ತು ಬಲು ನೋವು ಬೇನೆಗಳಿಂದಲಿ
ತುತ್ತು ಬುತ್ತಿಯ ಕೊಟ್ಟು ಸಲಹಿದಂಥಾ ತಾಯಿ
ಅತ್ತು ಕಳಹುವಳಲ್ಲದೆ ನೆರೆ ಬಹಳೆ ||

ದೇವವಿಪ್ರರು ಅಗ್ನಿಸಾಕ್ಷಿಯಿಂದಲಿ ತನ್ನ
ಭಾವಶುದ್ಧದಿ ಧಾರೆಯೆರೆಸಿಕೊಂಡ
ದೇವಿ ತನ್ಸತಿ ತಲೆಗೆ ಕೈಯಿಟ್ಟುಕೊಂಡು ಇ-
ನ್ನಾವ ಗತಿಯೋ ಎಂದು ಅಳುತುಳಿವಳಲ್ಲದೆ ||

ಮತ್ತೆ ಪ್ರಾಣರು ತನುವ ಬಿಟ್ಟು ಹೋಗುವಾಗ
ಎತ್ತಿವನ ಹೊರಗೊಯ್ದು ಹಾಕೆಂಬರು
ಎತ್ತಿದ ಕಸಕಿಂತ ಕಡೆಯಾಯಿತೀ ದೇಹ
ವಿತ್ತವೆಷ್ಟಿದ್ದರು ಫಲವಿಲ್ಲ ಪ್ರಾಣಿ ||

ಪುತ್ರಮಿತ್ರರು ಸಕಲಬಂಧುಗಳು ಸತಿಯರು
ಹತ್ತಿರದೊಳ್ ನಿಂತು ನೋಡುವರಲ್ಲದೆ
ಮೃತ್ಯುದೇವಿಯು ಬಂದು ಪ್ರಾಣವನು ಸೆಳೆವಾಗ
ಜಾತ್ರೆ ಜನರಷ್ಟಿದ್ದು ಏನು ಮಾಡುವರು ||

ಯಮನ ದೂತರು ಬಂದು ಪಾಶವನು ತಗಲ್ಹಾಕಿ
ಮಮತೆಯಿಲ್ಲದೆ ಪ್ರಾಣ ಎಳೆಯುತಿರಲು
ವಿಮುಖನಾಗಿ ತಾನು ವ್ಯಥೆಯಿಂದ ಪೋಪಾಗ
ಕಮಲಾಕ್ಷ ಪುರಂದರವಿಠಲ ನೀನಲ್ಲದೆ ||

***