ಆರತಿ ನರಹರಿರೂಪನಿಗೆ ಪ್ರಹ್ಲಾದನ ankita varadesha vittala aarati

ರಾಗ – ಆಸಾವರಿ 

ತಾಳ – ಏಕತಾಳ

ಆರತಿ ನರಹರಿರೂಪನಿಗೆ ಪ್ರಹ್ಲಾದನ l

ಪೊರೆದ ಕರುಣನಿಧಿಗೆ ll ಪ ll

ರ್ಹರಿತಾ ಸುರರ ಮೊರೆಯ ಕೇಳ್ದಾ l

ಘೋರ ನರಸಿಂಹ ರೂಪ ತಾಳ್ದಾ l

ದುರುಳನುದರ ನಖದಲ್ಲಿ ಸೀಳ್ದಾ l

ಕೊರಳಲಿ ಕರುಳಮಾಲಿ ತಾಳ್ದಾ ಆ ಮಹ l

ತರುಳನ ಮೊರಿಕೇಳಿ ಶಿರದಲಿ ಕರವನಿಡುತ l

ಹರಸುತ ದಯದಲಿ ವರವನು ನೀಡಿದ l

ಪರಮ ಕೃಪಾಕರ ಸಿರಿಸನ್ನುತ ಚರಣಾ l

ಸ್ಮರಿಸುವ ಶರಣರ ಅಘಹರಣಾ ll 1 ll

ಪೂರ್ವದಿ ಮೀನರೂಪನಾದಾ ಜಲದಲಿ l

ದಾನವನನು ತರಿದಾ ಕೂರ್ಮನು l

ತಾನೆನಿಸಿದನಮೃತಾ ಸುರರಿಗೆ l

ಪಾನಗೈಸಿದ ಮಹಿತಾ ಹಿರಣ್ಯಕ l

ದಾನವನನು ವರಹಾ ರೂಪದಿ l

ಹಾನಿ ಗೈಯ್ಯಿಸಿದ ಶ್ರೀ ನರಸಿಂಹನೆ l

ದಾನವ ಬೇಡಿದ ಮಾನಿನಿ ತರಿದನೆ l

ಜಾನಕೀಪತಿ ಕೃಷ್ಣರೂಪನೆ ಮಾನಿ ಬುದ್ಧ ಕಲ್ಕಿ ll 2 ll

ವಿಶ್ವವ ಪೋಷಿಸುವ ಧೊರೆಗೆ ಅಂತ್ಯದಿ l

ನಾಶಗೈವ ಹರಿಗೆ ಮುರಹರ l

ವಾಸುದೇವ ಪರಗೆ ಖಳದನು l

ಜಾಸುರ ಸಂಹರಗೆ ಶ್ರೀವರ l

ದೇಶವಿಟ್ಠಲ ನಿನಗೆ ವಂದಿಪೆ l

ಆಷಾಪಾಶಗಳ ನಾಶಗೈಸಿ ನಿ l

ರ್ದೋಷನೆನಿಸಿ ಬಹು ಮೀಸಲ ಮನವಿತ್ತು l

ದಾಸಜನರ ಸಂಗ ಪಾಲಿಸು ಭಾಸುರ ನರಸಿಂಗಾ ll 3 ll

***