ಕಂಡೆ ಕಂಡೆ ಗುರುಗಳ ಕಂಡೆ ಕಂಡೆ ಕಂಡೆ ಗುರುರಾಘವೇಂದ್ರರ ankita kanteshapriya vittala

  ರಾಗ: ಮಧ್ಯಮಾವತಿ ತಾಳ: ಆದಿ

ಕಂಡೆ ಕಂಡೆ ಗುರುಗಳ ಕಂಡೆ ಕಂಡೆ ಪ

ಕಂಡೆ ಗುರುರಾಘವೇಂದ್ರರ ಕೋ-

ದಂಡಪಾಣಿಯ ನೋಡಿನಲಿವರ

ಕಂಡಭಕ್ತರಭೀಷ್ಟಸಲಿಪರ

ದಂಡಕಾಷಾಯವಸ್ತ್ರಧಾರಿಯ ಅ ಪ

ತರಳನಿರಲು ತಂದೆ ಹಿರಣ್ಯಕಗೆ

ನರಹರಿಯ ಕಂಬದಲಿತೋರಿದ

ಗುರುವ್ಯಾಸರೆನಿಸಿಬಂದೀಭುವಿಯೊಳು

ಗುರುಮಧ್ವರಮತ ಜಗಕೆಸಾರಿದ 1

ತುಂಗಭದ್ರಾನದಿಯತೀರದಿ

ಕಂಗೊಳಿಪ ವೃಂದಾವನದೊಳಿರುತಲಿ

ಮಂಗಳಾಂಗ ಶ್ರೀಮೂಲರಾಮನ

ಕಂಗಳಿಂದಲಿ ನೋಡಿ ಸ್ತುತಿಪರ 2

ಗುರುಸುಧಿಂದ್ರರ ಕರುಣಪಾತ್ರರ

ಸ್ಮರಣೆಮಾತ್ರದಿ ಅಘವತೊರೆವರ

ಪರಮಪುರುಷಹರಿಯ ಚರಣದೊಳ್

ಸ್ಥಿರಭಕುತಿಯಿತ್ತು ಸತತಕಾಯ್ವರ 3

ಮೂರೆರಡುಮೇಲೊಂದಧಿಕಶತ

ವರುಷ ವೃಂದಾವನದೊಳಿರುತಲಿ

ಆರಾಧನೆಯಕೈಗೊಳುತ ನಿತ್ಯದಿ

ಕೋರಿದಿಷ್ಟಾರ್ಥಗಳನೆ ಕೊಡುವರ 4

ಧರೆಯೊಳಗೆ ಮಂಚಾಲೆಕ್ಷೇತ್ರಕೆ

ಸರಿಮತ್ತೊಂದಿಲ್ಲ ದಿಟವಿದು

ಕರಿವರದ ಕಾಂತೇಶಪ್ರಿಯವಿಠಲನ

ಸ್ಮರಣೆಯೊಳನವರತಲಿಪ್ಪರ 5

***