ಕಂಡೆ ಕಂಡೆ ಕಂಡೆನಯ್ಯಾ ಕಂಗಳ purandara vittala

ಶ್ರೀ ಪುರಂದರದಾಸರ ಕೃತಿ 

 ರಾಗ ಶಹನ          ಆದಿತಾಳ 

ಕಂಡೆ ಕಂಡೆ ಕಂಡೆ ನಮ್ಮ । ಕಂಗಳ ಧೇನುವ ಕಂಡೆ ॥ ಪ ॥
ಮಂಗಳಮೂರುತಿ ಮನ್ನಾರ ಕೃಷ್ಣನ ॥ ಅ ಪ ॥

ಉಟ್ಟ ಪೀತಾಂಬರ ತೊಟ್ಟ ವಜ್ರಾಂಗಿಯ ।
ಪುಟ್ಟ ಪಾದದ ರತ್ನ ಮನ್ನಾರ ಕೃಷ್ಣನ ॥ 1 ॥

ಒರಳನೆಳೆವನ ಬೆರಳ ಚೀಪುವನ ।
ಧರೆಯೊಳು ಮೆರೆಯುವ ಮನ್ನಾರ ಕೃಷ್ಣನ ॥ 2 ॥

ಕರದ ಕಂಕಣ ಬೆರಳ ಮುದ್ರಿಕೆ ।
ತರಳ ಉಡುಪಿಯ ಮನ್ನಾರ ಕೃಷ್ಣನ ॥ 3 ।

ಅಲವಬೋಧರಿಗೆ ಒಲಿದು ಬಂದ ಮಹ ।
ಚೆಲುವ ಸ್ಮರನಪಿತ ಮನ್ನಾರ ಕೃಷ್ಣನ ॥ 4 ॥

ಶೇಷಶಯನನ ಭಾಸುರರೂಪನ ।
ಶ್ರೀಶ ಪುರಂದರವಿಠಲರಾಯನ ॥ 5 ॥
************

ಪುರಂದರದಾಸರು
ರಾಗ ಮಲಹರಿ ಏಕತಾಳ

ಕಂಡೆ ಕಂಡೆ ಕಂಡೆ, ನಮ್ಮ ಕಂಗಳ ಧೇನುವ ಕಂಡೆ
ಮಂಗಳಮೂರುತಿ ಮನ್ನಾರ ಕೃಷ್ಣನ ಕಂಡೆ ಕಂಡೆ ಕಂಡೆ ||ಪ||

ಉಟ್ಟಪೀತಾಂಬರ ತೊಟ್ಟ ವಜ್ರಾಂಗಿಯ
ಪುಟ್ಟಪಾದದ ರನ್ನ ಮನ್ನಾರಕೃಷ್ಣನ ||

ಒರಳನೆಳೆವ ಬೆರಳ ಚೀಪುವನ
ಧರೆಯೊಳು ಮೆರೆಯುವ ಮನ್ನಾರಕೃಷ್ಣನ ||

ಕರದ ಕಂಕಣ ಬೆರಳ ಮುದ್ರಿಕೆ
ತರಳ ಉಡುಪಿಯ ಮನ್ನಾರಕೃಷ್ಣನ ||

ಅಲವಬೋಧರಿಗೆ ಒಲಿದು ಬಂದ ಮಹ-
ಚೆಲುವ ಸ್ಮರನಪಿತ ಮನ್ನಾರಕೃಷ್ಣನ ||

ಶೇಷಶಯನನ ಭಾಸುರರೂಪನ
ಶ್ರೀಶ ಪುರಂದರವಿಠಲರಾಯನ||
********

ಕಂಡೆ ಕಂಡೆ ಕಂಡೆನಯ್ಯಾ ಕಂಗಳ ದಣಿಯುವ 
ತನಕಮಂಗಳ ಮೂರುತಿ ಮನ್ನಾರು ಕೃಷ್ಣನ ಪ

ಉಟ್ಟ ಪೀತಾಂಬರ ಕಂಡೆ ತೊಟ್ಟ ವಜ್ರದಂಗಿ ಕಂಡೆದಕ್ಷಿಣದ ದ್ವಾರಕಿ ಮನ್ನಾರು ಕೃಷ್ಣನ 1

ಕಡೆವ ಕಡೆಗೋಲ ಕಂಡೆ ನಡುವಿನೊಡ್ಯಾಣ ಕಂಡೆಕಡು ಮುದ್ದು ಮನ್ನಾರು ಕೃಷ್ಣನ ಕಂಡೆ 2

ದೇವಕಿ ದೇವಿಯರ ಕಂಡೆ ಗೋಪಿಯರ ಮುದ್ದಾಟ ಕಂಡೆಮಾವ ಕಂಸನ ಮರ್ದನ ಶ್ರೀ ಕೃಷ್ಣನ 3

ಆಕಳ ಕಾವುದ ಕಂಡೆ ಗೋಪಾಲಕೃಷ್ಣನ ಕಂಡೆವೈಕುಂಠವಾಸನ ಮನ್ನಾರು ಕೃಷ್ಣನ 4

ಶೇಷನ ಹಾಸಿಕೆಯ ಕಂಡೆ ಸಾಸಿರ ನಾಮನ ಕಂಡೆಶ್ರೀಶಪುರಂದರವಿಠಲ ಕೃಷ್ಣರಾಯನ5
********