ನಾರದಪ್ರೀಯ ಕೃಷ್ಣನರಾಕಾರ l
ಜಾರ ಚೋರ ಶೂರ ಧೀರನಾ ll ಪ ll
ಘೋರತರವಾದ ಸಂಸಾರ ಸುಖದುಃಖಗಳ l
ಮೀರಿ ಪೊರೆವಂಥ ಬಲು ಭಾರ ಕರ್ತನೆ l
ಧಾರುಣಿಯ ಮೇಲಿರುವ ಸೂರಿ ಜನರನು ಸದಾ l
ಸಾರಸಾಕ್ಷ ಬಿಡದಲೆ ಪಾರುಗಾಣಿಸುವ ದೇವಾ ll 1 ll
ಮಂದಮತಿಯನಳದು ಚಂದದಿ ಸುಮಾರ್ಗವನ್ನು l
ನಂದದಿಂದ ತೋರ್ಪ ಮುಚುಕುಂದ ವಂದ್ಯನೆ l
ಎಂದಿಗೆಮ್ಮ ಗತಿಯೆಂದು ಹೊಂದಿ ಬೇಡ್ವ ಭಕುತರ l
ನಂದಿಸುವರ ಭವಬಂಧನ ಬಿಡಿಸುವ ದೇವ ll 2 ll
ದಾಶರಥೆ ಎನ್ನ ಕ್ಲೇಶ ನಾಶ ಮಾಡು ದಯದಿ ದಿ l
ನೇಶ ಶತಕೋಟಿ ಭಾಸ ಸಂಕಾಶಾ ಶ್ರೀಶ l
ವಾಸವಾದಿವಂದ್ಯ ಜಗನ್ನಾಥವಿಠಲನೆ ಪ್ರೀಯ l
ದಾಸರಭಿಲಾಷೆಗಳ ಲೇಸುಗೈಯ್ಯಾ ವಾಸುದೇವ ll 3 ll
*******
