ಎಚ್ಚತ್ತು ಇರು ಕಂಡ್ಯ ಮನವೇ | ನಮ್ಮ |
ಅಚ್ಯುತನಂಘ್ರಿಗಳನು ನೆನೆ ಕಂಡ್ಯ ಮನವೆ
ಆಡದಿರಪವಾದಗಳನು ಕೊಂ |
ಡಾಡದಿರಿನ್ನು ಚಿಲ್ಲರೆ ದೈವತಗಳನು ||
ಬೇಡದಿರು ಭಯ ಸೌಖ್ಯವನು ನೀ |
ಮಾಡದಿರಿನ್ನು ದುರ್ಜನ ಸೇವೆಯನು || ಸಜ್ಜನ ದ್ವೇಷವನು||1||
ನರಜನ್ಮ ಬರುವದೆ ಕಷ್ಟ ಇದ- |
ನರಿದು ನೋಡು ವಿಪ್ರಾದಿ ಶ್ರೇಷ್ಠ ||
ಮರಳಿಬಾಹುದು ಉತೃಷ್ಟ |
ಮರುತ ಮತವ ಪೊಂದುವದು ದುರ್ಘಟ ||
ಕೇಳೆಲವೊ ಮರ್ಕಟ ||2||
ಹಾಳು ಹರಟೆಗೆ ಹೋಗಬೇಡ ನೀ ಕಂಡ |
ಕೂಳನು ತಿಂದು ಒಡಲ್ಹೊರಿಯಬೇಡ ||
ಕಾಲ ವ್ಯರ್ಥ ಕಳಿಯ ಬೇಡ ನಮ್ಮ |
ಪ್ರಾರಬ್ಧ ಭೋಗಕ್ಕೆ ಮನ ಸೋಲಬೇಡ ||
ಶ್ರೀ ಹರಿಯ ದಯಮಾಡ ||3||
ಅನ್ಯ ಸ್ತ್ರೀಯರ ನೋಡ ಬೇಡಾ ಹಿಂದೆ |
ಮಣ್ಣುಕೂಡಿದವರ ನೀ ನೋಡಾ ||
ಅನ್ಯ ಶಾಸ್ತ್ರವನೋದಬೇಡಾ ನಮ್ಮ |
ಪೂರ್ಣಪ್ರಜ್ಞರ ಬೋಧ ತಿಳಿದಕೊ ಗಾಢಾ ||
ಮೈ ಮರೆತಿರಬೇಡಾ ||4||
ಗೋ ವಿಪ್ರರ ಸೇವೆ ಮಾಡು ಸೋಹಂ |
ಭಾವಗಳನು ಬಿಟ್ಟು ದಾಸತ್ವ ಕೊಡು ||
ಕೇವಲ ವೈರಾಗ್ಯ ಮಾಡು ವಿಜಯ ||
ಝಾವಗಳಲ್ಲಿ ಶ್ರೀ ಹರಿಯ ಕೂಡ್ಯಾಡೊ ||
ಲಜ್ಜೆಯ ಈಡ್ಯಾಡೊ||5||
ನಾನು ಎಂಬುದು ಬಿಡು ಕಂಡ್ಯ ಎನ್ನ |
ಮಾನಾಪಮಾನಕ್ಕೆ ಹರಿಯೆನ್ನು ಕಂಡ್ಯ ||
e್ಞÁನಿಗಳ ಒಳಗಾಡು ಕಂಡ್ಯ ವಿಷಯ |
ಜೇನೆಂದು ಮೆದ್ದರೆ ಅದು ವಿಷ ಕಂಡ್ಯಾ ||
ಬೀಳುವಿ ಯಮಗೊಂಡಾ ||6||
ಕಷ್ಟ ಪಡದೆ ಸುಖಬರದು ಕಂ- |
ಗೆಟ್ಟ ಮೇಲಿನ್ನು ಕಷ್ಟ ತಿಳಿಯೋದು ||
ದುಷ್ಟ ವಿಷಯ ಆಶೆ ಜರಿದು ವಿಜಯ- |
ವಿಠ್ಠಲರಾಯನ ಹೊರತು ಮುಕ್ತಿ ಬಾರದು ||
ಕೂಗೆಲವೊ ಬಾಯಿ ತೆರೆದು ||7||
***
pallavi
yaccattu iru kaNdya manavE ajyutananghrigaLanu nene kaNDya manavE
caraNam 1
ADadira pavADagaLanu koNDADadirinnu cillafe daivagaLanu bEDadiru
bhaya saukhyavanu nI mADidirinnu durjana sEvayannu sajjana dvEshavanu
caraNam 2
narajanma baruvade kaSTa idanaridu nODu viprAdi shrESTa maraLi
bAhudu utkraSTa maruta matava ponduvadu durghaTa kELaelavO markaTa
caraNam 3
hALu horatage hOga bEDa nI kaNDya pULanu tindu vaDaloriya bEDa kAla
vyartha kaLeya bEDa namma prAabdha bhOgakke mana sOlabEDa shrI hari dayamADa
caraNam 4
anya striyara nODa bEDa hinde maNNu kUDidavara nI nODA anya shAstravanOda
bEDA namma pUrNa prajnara bOdha tiLidukO ghADA maimaratira bEDA
caraNam 5
gO viprare sEveya mADu sOham bhAvagaLanu biTTu dAsatvakUDu kEvala
vairAgyamADu eNTu jhAvagaLalli shrI hariya hUDyADO lajjeyanu iDyADO
caraNam 6
nAnu embudu bidu kaNDya ninna mAnApamAnake hariyennu kaNDya jnAnigaLa
oLagADu kaNDya iSaya jEnendu meddare adu viSa kaNDyA bILuvi yamagoNDA
caraNam 7
kaSTapaDade sukha bradu kangeTTa mElennu kaSTa tiiLiyOdu duSTa viSaya
buddhi jaridu vijayaviThalanendu kUgade mukti bAradu kUgelavO bAya teredu
***
