ಪರರ ನಿನ್ನಂತೆ ಬಗೆಯಲೊ ಮನವೆ ankita varadesha vittala

ಪರರ ನಿನ್ನಂತೆ ಬಗೆಯಲೊ ಮನವೆ||ಪ||

ಪರರ ನಿನ್ನಂತೆ ಬಗೆಯದಿದ್ದರೆ ಯಮನು|
ಕೊರೆದು ಕೊಲ್ಲಿ ನಿನ್ನ ನಿರಯದೊಳಗಿರಿಸುವ|ಅ.ಪ||

ಮಂದಿಯ ಮನೆ ಮನೆಗೆ ಪೋಗಿ ಪರ|
ನಿಂದೆಯಾ ಮಾಡಿ ಆನಂದ ಪಡುವಿ|
ಮಂದಮತಿಯೆ ನಿನ್ನ ಹಿಂದೆ ಆಡಿದ್ದು ಕೇಳಿ|
ಹಂದಿ ನಾಯಿಯಂದದಿ ಕದನಕ್ಕೆ ತೆರಳುವಿ||

 ದೊಡ್ಡವರು ಪೂಜ್ಯರೆಂದರಿಯದಲೆ ನೀ|
ಅಡ್ಡಿಯಿಲ್ಲದೇ ಯಿವರ ಹಳಿಯುತಿಪ್ಪೆ|
ಮಡ್ಡಖೋಡಿಯೇ ನಿನ್ನ ಮಡ್ಡನೆಂದರೆ| ಕಣ್ಣು
ಗುಡ್ಡಿಕೀಳ್ವಂದದಿ ರೋಷವ ಪೊಂದುವಿ||
********

PARARA NINNANTE BAGEYALO
✍ಶ್ರೀ ವರದೇಶ ವಿಠ್ಠಲ ದಾಸರು
🙏 ಶ್ರೀಪದ್ಮನಾಭ ಮತ್ತು ಪ್ರಾಜ್ಞ ನಾಮಕ ಪರಮಾತ್ಮನ ಸ್ಮರಣೆ ಮಾಡುತ್ತಾ