ರಾಮ ನಾಮವೆಂಬೊ ನಾಮವ
ನೆನೆದರೆ ಭಯವಿಲ್ಲ ಮನಕೇ
ಮೂರು ಲೋಕಕೆ ಕಾರಣಕರ್ತ
ನಾರಯಣ ಜಗಕೆ ||ರಾಮನಾಮ||
ಶ್ರೀಮನ್ನಾರಯಣ ಜಗಕೆ
ಮತ್ಸ್ಯಾವತಾರವ ತಾಳಿದ ರಾಮ
ವೇದವ ತರುವುದಕೇ
ಬೆಟ್ಟವ ಬೆನ್ನೊಲು ಪೊತ್ತ ರಾಮ
ಕೂರ್ಮಾವತಾರಕ್ಕೇ
||ರಾಮನಾಮ||
ಭೂಮಿಯಪೊತ್ತು ನೀರೊಳು
ಮುಳುಗಿದ ವರಹಾವತಾರಕ್ಕೇ
ಕರುಳನು ಬಗೆದು ಮಾಲೆಯ
ಧರಿಸಿದ ಪ್ರಹ್ಲಾದನ ಸಲಹುದಕೆ
||ರಾಮನಾಮ||
ಭೂಮಿಯ ದಾನವ ಬೇಡಿದ ರಾಮ
ವಾಮನಾವತಾರಕ್ಕೇ
ತಾಯಿಯ ಶಿರವನು ಕಡಿದ ರಾಮ
ಭಾರ್ಗಾವತಾರಕ್ಕೇ
||ರಾಮನಾಮ||
ವನವಾಸವ ತಾ ಮಾಡಿದ ರಾಮ
ಜನಕನ ವಾಕ್ಯಕ್ಕೇ
ಮಾವ ಕಂಸನ ಕೊಂದ ಕೃಷ್ಣ
ತಾಯಿಯ ಬಿಡಿಸುದಕೇ
||ರಾಮನಾಮ||
ಸತಿಯರ ವೃತವ ಕೆಡಿಸಿದ ರಾಮ
ತ್ರಿಪುರವ ಗೆಲುವುದಕೆ
ವಾಹನ ಬಿಟ್ಟು ತುರಗವನೇರಿದ
ಕಲ್ಕಿಅವತಾರಕ್ಕೇ
||ರಾಮನಾಮ||
ಶ್ಯಾಮಲವರ್ಣವ ತಾಳಿದ ರಾಮ
ಸಮರ್ಥನೂ ಜಗಕೇ
ಸ್ವಾಮಿ ಶ್ರೀ ಪುರಂದರವಿಠ್ಠಲನು
ರಾಮ ಗೋವಿಂದನೂ ಜಗಕೇ
||ರಾಮನಾಮ||
***
