ಮಾಡುವುದೋ ಕೃಪೆ ದಾಸನೊಳು ರಾಮ ಮಾಡುವುದೋ ಕೃಪೆ ದಾಸನೊಳು ankita lakshmikanta

 ..

kruti by ಲಕ್ಷ್ಮೀನಾರಯಣರಾಯರು Lakshminarayanaru 

ಮಾಡುವುದೋ ಕೃಪೆ ದಾಸನೊಳು ರಾಮ

ಮಾಡುವುದೋ ಕೃಪೆ ದಾಸನೊಳು ಪ

ನೋಡ ನೋಡುತ ಕೈಯ್ಯ ಬಿಡುವರೆ

ಬೇಡ ಬೇಡಿಕೊಂಬೆನು

ರೂಢಿಯೊಳು ನಿನ್ನಂಥ ಕರುಣಿಯ

ನೊಡಲಿಲ್ಲವೋ ಎಲ್ಲಿಯು ಅ

ಬಂದೆನೋ ನಾನಾ ಜನ್ಮದಲೀ | ರಾಮ

ನೊಂದೆನೋ ನಾ ಬಹು ಭವಣೆಯಲೀ

ದ್ವಂದ್ವ ದುಃಖದಿ ಕಂದಿ ಕುಂದುತ ಮುಂದುಗಾಣದೆ ಕೆಟ್ಟೆನೋ

ಕಂದನೆನ್ನುತ ಬಂದು ಪೊರೆ ಪರಮಾತ್ಮ ನಂಬಿದೆ ನಿನ್ನನು 1

ದಾನ ಧರ್ಮಗಳ ನಾನರಿಯೆ | ರಾಮ

ಮೌನ ಮಂತ್ರಗಳ ನಾನರಿಯೆ

ಧ್ಯಾನ ಧಾರಣ ಜ್ಞಾನಸಾಧನವೇನೊಂದನು ಅರಿಯೆ

ಹಾನಿಯಿದ ನಾನೇನನೊರೆಯಲಿ ಮಾನನಿಧಿ ನಿನ್ನವನು ನಾ 2

ಕಾಮಿನಿ ಕಾಂಚನ ಭೂಮಿಗಳ | ರಾಮ

ಕಾಮಕೆÉ ಸಿಕ್ಕಿದೆನೋ ಬಹಳ

ನೇಮ ನಿಷ್ಠೆಗಳೇನೂ ಇಲ್ಲದೇ ತಾಪದಿ ನಾ ಕೆಟ್ಟೆನೋ

ನಾಮಸುಧೆಯ ಪಾನ ಕರುಣಿಸು ಪ್ರೇಮದಲಿ ಶ್ರೀಕಾಂತನೇ 3

***