ನಾಮ ಧರಿಸಿಹೆಯಾ ಮೂರು ನಾಮ ankita srinivasa1

ನೆಲಮಂಗಲದ ಶ್ರೀ ಸರಸ್ವತಿಬಾಯಿಯವರ ರಚನೆ 

ರಾಗ - : ತಾಳ -

ನಾಮ ಧರಿಸಿಹೆಯಾ ಮೂರು

ನಾಮ ಧರಿಸಿಹೆಯಾ ಶ್ರೀನಿವಾಸ ll ಪ ll

ನೀನೆ ಕರ್ತನೆಂದಾ ಮನುಜರಿಗೆಲ್ಲಾ

ನಾನೆ ಸಲಹುವೆನೆಂಬ ಬಿರುದಿನ ಮೂರು ll ಅ ಪ ll 

ಅಂಬೆಯ ವಕ್ಷದಿ ಇಂಬಿನೊಳಿಟ್ಟು 

ಸಂಭ್ರಮದೊಳು ಕುಡಿ ನೋಟದಿಂದಾ 

ಅಂಬುಜಾಕ್ಷ ಬಡವರ ಧನ ಸೆಳೆಯುತ್ತವರ

ಬೆಂಬಿಡದೆ ಕಾವೆನೆಂಬ ಬಿರುದ ll ೧ ll

ಸಿರಿ ಅರಸಾನೆಂಬೊ ಬಿರುದು ಥರವೇ ನಿನಗೆ

ಹೊರವೊಳಗಿದ್ದು ಜನವ ನಂಬಿಸಿ

ಥರಥರದಾಭರಣ ಸುಲಿಗೆಯಗೊಂಬ

ತಿರುಪತಿ ತಿರುಮಲರಾಯ ದೊರೆ ll ೨ ll

ನಿನ್ನ ಧ್ಯಾನ ಮಾಳ್ಪ ಭಕ್ತರು ಬಲೆಗೆ ಸಿಕ್ಕುವರೇನೊ

ನಿನ್ನ ಪಾದಧ್ಯಾನವನ್ನೆ ಬಯಸುತ್ತ 

ನಿನ್ನನೆ ಭಕ್ತಿಪಾಶದಿ ಕಟ್ಟಿ ll ೩ ll

ಚಾರು ಚರಿತನೆ ಚಾರು ಮುಖನೆ ವಂದ್ಯ ನಿನ್ನ

ಹಾರೈಸುವ ಭಕ್ತರ ವೃಂದ

ಸಾರಿ ಬಂದು ನಿನ್ನ ನಾಮದ ಸ್ಮರಣೆಯ

ಹಾರ ಹಾಕಿ ಮನ ಸೂರೆ ಕೊಟ್ಟ ll ೪ ll

ಭಕ್ತರ ಕಟ್ಟಿಗೆ ಸಿಕ್ಕಬೇಕಲ್ಲದೆ 

ಭಕ್ತವತ್ಸಲನೆಂಬೊ ಬಿರುದಿಟ್ಟ ಕಾರಣವೇಕೊ 

ಯುಕ್ತಿಲಿ ನಿನ್ನ ನೆನೆದು ಸಿಕ್ಕಿಸೀ ಭವ 

ಕಷ್ಟ ಕಳೆವರೊ ಶ್ರೀ ಶ್ರೀನಿವಾಸ ನಿನ್ನ ಭಕ್ತರಿಷ್ಟಾ ll ೫ ll

***