ತುಂಗೆ ಮಂಗಳ ತರಂಗೆ | ಕರುಣಾಂತರಂಗೆ
ರಂಗನಾಥನ ಪದಭೃಂಗೆ ಪ.
ಅಂಗಜಪಿತನ ಅಂಗದಿ ಉದ್ಭವೆ
ಮಂಗಳಾಂಗಿ ಭವ ಭಂಗ ಹರಿಸೆ
ಅಂಗನೆ ಎನ್ನಂತರಂಗದಿ ಹರಿಪಾ-
ದಂಗಳ ತೋರಿಸೆ ಶೃಂಗೆ ಶುಭಾಂಗೆ ಅ.ಪ.
ಆದಿ ದೈತ್ಯನು ಖತಿಯಲಿ | ಮೇದಿನಿಯ ಸುತ್ತಿ
ಒಯ್ದು ಪಾತಳ ಪುರದಲಿ
ಬಾಧೆಪಡಿಸುತಿರೆ ಮಾಧವ ಕರುಣದಿ
ಆದಿವರಾಹನೆಂದೀ ಧರೆಯೊಳು ಬಂದು
ಬಾಧಿಸಿ ಖಳನನು ಮೇದಿನಿ ಪೊರೆಯಲು
ಶ್ರೀದನ ದಾಡೆಯಿಂ ನೀನುದುಭವಿಸಿದೆ 1
ಸ್ನಾನಪಾನದಿ ನರರನು | ಪಾವನಗೈವ
ಮಾನಿನಿ ನಿನ್ನ ಕಂಡೆನು
ನಾನಾ ದುಷ್ಕøತಗಳ ನೀನೋಡಿಸಿ ಮತ್ತೆ
ನಾನು ಎಂಬುವ ನುಡಿ ನಾಲಗೆಗೀಯದೆ
ನಾನಾ ವಿಧದಲಿ ಮಾನವ ಕಾಯೆ
ಶ್ರೀನಾಥನ ಪದಧ್ಯಾನವನೀಯೆ 2
ಹರನ ಪೆಸರಿನ ಪುರದಲಿ | ಹರಿದು ಬಂದು
ವರ ಶ್ರೀ ಕೂಡಲಿ ಸ್ಥಳದಲಿ
ಭರದಿ ಭದ್ರೆಯ ಕೂಡಿ ಪರಿದಲ್ಲಿಂದಲಿ
ಹರಿಹರ ಕ್ಷೇತ್ರವ ಬಳಸಿ ಮಂತ್ರಾಲಯ
ಪುರಮಾರ್ಗದಿ ಸಾಗರವನೆ ಸೇರಿ
ವರ ಗೋಪಾಲಕೃಷ್ಣವಿಠ್ಠಲನೆ ಧ್ಯಾನಿಪೆ 3
***
