Audio by Mrs. Nandini Sripad
ರಚನೆ : ಶ್ರೀ ಜಗನ್ನಾಥ ದಾಸರು
for saahitya click ಹರಿಕಥಾಮೃತಸಾರ ಸಂಧಿ 1 to 32
ಶ್ರೀಜಗನ್ನಾಥದಾಸಾರ್ಯ ವಿರಚಿತ ಹರಿಕಥಾಮೃತಸಾರ ,
ಸರ್ವಸ್ವಾತಂತ್ರ್ಯ ಸಂಧಿ , ರಾಗ ವಸಂತ (ಕ್ರೀಡಾವಿಲಾಸ ಸಂಧಿ)
ಹರಿಕಥಾಮೃತಸಾರ ಗುರುಗಳ ಕರುಣದಿಂದಾಪನಿತು ಕೇಳುವೆ/
ಪರಮ ಭಗವದ್ಭಕ್ತರು ಇದನಾದರದಿ ಕೇಳುವುದು||
ಶ್ರೀನಿವಾಸನ ಚರಿತೆಗಳ ಪರಮಾನುರಾಗದಿ ಬೆಸೆಗೊಳಲು
ಮುನಿ ಶೌನಕಾದ್ಯರಿಗೆ ಅರುಪಿದನು ಸೂತಾರ್ಯ ದಯದಿಂದ||
ಪಚನ ಭಕ್ಷಣ ಗಮನ ಭೋಜನ ವಚನ ಮೈಥುನ ಶಯನ ವೀಕ್ಷಣ
ಅಚಲನಾ ಚಲನ ಪ್ರಯತ್ನದಿ ಸಾಧ್ಯವೇ ಜನಕೆ
ಶುಚಿ ಸದನ ದಯದಿಂದ ಜೀವರ ನಿಚಯದೊಳು ತಾ ನಿಂತು ಮಾಡುವ
ಉಚಿತಾನುಚಿತ ಕರ್ಮಗಳನೆಂದರಿದು ಕೊಂಡಾಡು||1||
ವಿಷ್ಟರ ಶ್ರವ ದೇಹದೊಳಗೆ ಪ್ರವಿಷ್ಟನಾಗಿ ನಿರಂತರದಿ
ಬಹು ಚೇಷ್ಟೆಗಳ ಮಾಡುತಿರೆ ಕಂಡು ಸಜೀವಿಯೆನುತಿಹರು
ಹೃಷ್ಟರಾಗುವರು ನೋಡಿ ಕನಿಷ್ಟರು ಎಲ್ಲರು ಸೇವೆ ಮಾಳ್ಪರು
ಬಿಟ್ಟ ಕ್ಷಣದಲಿ ಕುಣಪ ಸಮವೆಂದರಿದು ಅನುಪೇಕ್ಷಿಪರು||2||
ಕ್ರೀಡೆಗೋಸುಗ ಅವರವರ ಗತಿ ನೀಡಲೋಸುಗ ದೇಹಗಳ ಕೊಟ್ಟು ಆಡುವನು ಸ್ವೇಚ್ಚೆಯಲಿ
ಬ್ರಹ್ಮ ಈಶಾದ್ಯರೊಳು ಪೊಕ್ಕು
ಮಾಡುವನು ವ್ಯಾಪಾರ ಬಹು ವಿಧ ಮೂಢ ದೈತ್ಯರೊಳಿದ್ದು ಪ್ರತಿದಿನ
ಕೇಡು ಲಾಭಗಳಿಲ್ಲವು ಇದರಿಂದ ಆವ ಕಾಲದಲಿ||3||
ಅಕ್ಷರ ಈಡ್ಯನು ಬ್ರಹ್ಮ ವಾಯು ತ್ರ್ಯಕ್ಷ ಸುರಪಾಸುರ ಅಸುರರೊಳು
ಅಧ್ಯಕ್ಷನಾಗಿದ್ದು ಎಲ್ಲರೊಳು ವ್ಯಾಪಾರ ಮಾಡುತಿಹ
ಅಕ್ಷಯನು ಸತ್ಯಾತ್ಮಕ ಪರಾಪೇಕ್ಷೆಯಿಲ್ಲದೆ
ಸರ್ವರೊಳಗೆ ವಿಲಕ್ಷಣನು ತಾನಾಗಿ ಲೋಕವ ರಕ್ಷಿಸುತಲಿಪ್ಪ||4||
ಶ್ರೀ ಸರಸ್ವತಿ ಭಾರತೀ ಗಿರಿಜಾ ಶಚೀ ರತಿ ರೋಹಿಣೀ ಸಂಜ್ಞಾ ಶತ ಸುರೂಪಾದಿ
ಅಖಿಳ ಸ್ತ್ರೀಯರೊಳು ಸ್ತ್ರೀ ರೂಪ ವಾಸವಾಗಿದ್ದೆಲ್ಲರಿಗೆ
ವಿಶ್ವಾಸ ತನ್ನಲಿ ಕೊಡುವ
ಅವರಭಿಲಾಷೆಗಳ ಪೂರೈಸುತಿಪ್ಪನು ಯೋಗ್ಯತೆಗಳರಿತು||5||
ಕೋಲು ಕುದುರೆಯ ಮಾಡಿ ಆಡುವ ಬಾಲಕರ ತೆರದಂತೆ
ಲಕ್ಷ್ಮೀ ಲೋಲ ಸ್ವಾತಂತ್ರ್ಯ ಗುಣವ ಬ್ರಹ್ಮಾದ್ಯರೊಳಗಿಟ್ಟು
ಲೀಲೆಗೈವನು ತನ್ನವರಿಗೆ ಅನುಕೂಲನಾಗಿದ್ದು ಎಲ್ಲ ಕಾಲದಿ
ಖುಲ್ಲರಿಗೆ ಪ್ರತಿಕೂಲನಾಗಿಹ ಪ್ರಕಟನಾಗದಲೆ||6||
ಸೌಪರ್ಣಿ ವರವಹನ ನಾನಾ ರೂಪ ನಾಮದಿ ಕರೆಸುತ ಅವರ ಸಮೀಪದಲ್ಲಿದ್ದು
ಅಖಿಳ ವ್ಯಾಪಾರಗಳ ಮಾಡುವನು
ಪಾಪ ಪುಣ್ಯಗಳೆರೆಡು ಅವರ ಸ್ವರೂಪಗಳ ಅನುಸರಿಸಿ ಉಣಿಪ
ಪರೋಪಕಾರಿ ಪರೇಶ ಪೂರ್ಣಾನಂದ ಜ್ಞಾನ ಘನ||7||
ಆಹಾರ ನಿದ್ರಾ ಮೈಥುನಗಳ ಅಹರಾಹರ ಬಯಸಿ ಬಳಲುವ
ಲಕ್ಷ್ಮೀ ಮಹಿತನ ಮಹಾ ಮಹಿಮೆಗಳನು ಎಂತರಿವ ನಿತ್ಯದಲಿ
ಅಹಿಕ ಸೌಖ್ಯವ ಮರೆದು ಮನದಲಿ ಗ್ರಹಿಸಿ ಶಾಸ್ತ್ರಾರ್ಥಗಳ
ಪರಮೋತ್ಸಾಹದಿ ಕೊಂಡಾಡುತಲೆ ಮೈಮರೆದವರಿಗಲ್ಲದಲೆ||8||
ಬಂಧಮೋಕ್ಷ ಪ್ರದನ ಜ್ಞಾನವು ಮಂದಮತಿಗಳಿಗೆಂತು ದೊರೆವುದು
ಬಿಂದು ಮಾತ್ರ ಸುಖಾನುಭವ ಪರ್ವತಕೆ ಸಮ ದುಃಖವೆಂದು ತಿಳಿಯದೆ
ಅನ್ಯ ದೈವಗಳಿಂದ ಸುಖವ ಅಪೇಕ್ಷಿಸುವರು
ಮುಕುಂದನ ಆರಾಧನೆಯ ಬಿಟ್ಟವಗೆ ಉಂಟೆ ಮುಕ್ತಿ ಸುಖ||9||
ರಾಜ ತನ್ನ ಅಮಾತ್ಯ ಕರುಣದಿ ನೈಜ ಜನರಿಗೆ ಕೊಟ್ಟು ಕಾರ್ಯ ನಿಯೋಜಿಸುತ
ಮಾನಾಪಮಾನವ ಮಾಳ್ಪ ತೆರದಂತೆ
ಶ್ರೀ ಜನಾರ್ಧನ ಸರ್ವರೊಳಗೆ ಅಪರಾಜಿತನು ತಾನಾಗಿ
ಸರ್ವ ಪ್ರಯೋಜನವ ಮಾಡಿಸುತ ಮಾಡುವ ಫಲಕೆ ಗುರಿಮಾಡಿ||10||
ವಾಸುದೇವ ಸ್ವತಂತ್ರವ ಸರೊಜಾಸನಾದಿ ಅಮರಾಸುರರಿಗೆ ಈಯಲೋಸುಗ ಅರ್ಧವ ತೆಗೆದು
ಅದರೊಳರ್ಧವ ಚತುರ್ಭಾಗಗೈಸಿ
ವಂದನು ಶತವಿಧ ದ್ವಿ ಪಂಚಾಶತಾಬ್ಜಜಗೆ
ಅಷ್ಟ ಚತ್ವಾರಿಂಶದ್ ಅನಿಲಗಿತ್ತ ವಾಣೀ ಭಾರತೀಗರ್ಧ||11||
ದ್ವಿತೀಯ ಪಾದವ ತೆಗೆದುಕೊಂಡು ಅದ ಶತ ವಿಭಾಗವ ಮಾಡಿ
ತಾ ವಿಂಶತಿ ಉಮೇಶನೊಳಿಟ್ಟ ಇಂದ್ರನೊಳು ಐದಧಿಕ ಹತ್ತು
ರತಿಪನೊಳಗೆ ಇನಿತಿಟ್ಟ ಅಖಿಳ ದೇವತೆಗಳೊಳಗೆ ಈರೈದು
ಜೀವ ಪ್ರತತಿಯೊಳು ದಶ ಐದಧಿಕ ನಾಲ್ವತ್ತು ದೈತ್ಯರೊಳು||12||
ಕಾರುಣಿಕ ಸ್ವಾತಂತ್ರ್ಯತ್ವವ ಮೂರು ವಿಧಗೈಸಿ ಎರಡು ತನ್ನೊಳು
ನಾರಿಗೊಂದನು ಕೊಟ್ಟ ಸ್ವಾತಂತ್ರ್ಯವ ಸರ್ವರಿಗೆ ಧಾರುಣಿಪ ತನ್ನ ಅನುಗರಿಗೆ
ವ್ಯಾಪಾರ ಕೊಟ್ಟು ಗುಣಾಗುಣಗಳ ವಿಚಾರ ಮಾಡುವ ತೆರದಿ
ತ್ರಿಗುಣ ವ್ಯಕ್ತಿಯನೆ ಮಾಳ್ಪ||13||
ಪುಣ್ಯ ಕರ್ಮಕೆ ಸಹಾಯವಾಗುವ ಧನ್ಯರಿಗೆ ಕಲ್ಯಾದಿ ದೈತ್ಯರ
ಪುಣ್ಯ ಫಲಗಳನೀವ ದಿವಿಜರ ಪಾಪ ಕರ್ಮ ಫಲಾನ್ಯ ಕರ್ಮವ ಮಾಳ್ಪರಿಗೆ
ಅನುಗುಣ್ಯ ಜನರಿಗೆ ಕೊಡುವ
ಬಹು ಕಾರುಣ್ಯ ಸಾಗರನು ಈ ತೆರದಿ ಭಕ್ತರನು ಸಂತೈಪ||14||
ನಿರುಪಮಗೆ ಸರಿಯುಂಟೆಂದು ಉಚ್ಚರಿಸುವವ ತದ್ಭಕ್ತರೊಳು ಮತ್ಸರಿಸುವವ
ಗುಣಗುಣಿಗಳಿಗೆ ಭೇದಗಳ ಪೇಳುವವ
ದರ ಸುದರ್ಶನ ಊರ್ಧ್ವ ಪುಂಡ್ರವ ಧರಿಸುವರೊಳು ದ್ವೇಷಿಸುವ
ಹರಿ ಚರಿತೆಗಳ ಕೇಳದಲೆ ಲೋಗರ ವಾರ್ತೆ ಕೇಳುವವ||15||
ಏವಮಾದೀ ದ್ವೇಷವುಳ್ಳ ಕುಜೀವರೆಲ್ಲರು ದೈತ್ಯರೆಂಬರು
ಕೋವಿದರ ವಿಜ್ಞಾನ ಕರ್ಮವ ನೋಡಿ ನಿಂದಿಪರು
ದೇವ ದೇವನ ಬಿಟ್ಟು ಯಾವತ್ಜೀವ ಪರ್ಯಂತರದಿ ತುಚ್ಚರ ಸೇವೆಯಿಂದ
ಉಪಜೀವಿಸುವರು ಅಜ್ಞಾನಕೆ ಒಳಗಾಗಿ||16||
ಕಾಮ ಲೋಭ ಕ್ರೋಧ ಮದ ಹಿಂಸಾಮಯ ಅನೃತ ಕಪಟ
ತ್ರಿಧಾಮನ ಅವತಾರಗಳ ಭೇದಾಪೂರ್ಣ ಸುಖಬದ್ಧ
ಆಮಿಷ ಅನಿವೇದಿತ ಅಭೋಜ್ಯದಿ ತಾಮಸ ಅನ್ನವನು ಉಂಬ ತಾಮಸ
ಶ್ರೀ ಮದಾಂಧರ ಸಂಗದಿಂದಲಿ ತಮವೆ ವರ್ಧಿಪುದು||17||
ಜ್ಞಾನ ಭಕ್ತಿ ವಿರಕ್ತಿ ವಿನಯ ಪುರಾಣ ಶ್ರವಣ ಶಾಸ್ತ್ರ ಚಿಂತನ
ದಾನ ಶಮ ದಮ ಯಜ್ಞ ಸತ್ಯ ಅಹಿಂಸ ಭೂತದಯ
ಧ್ಯಾನ ಭಗವನ್ನಾಮ ಕೀರ್ತನ ಮೌನ ಜಪ ತಪ ವ್ರತ
ಸುತೀರ್ಥ ಸ್ನಾನ ಮಂತ್ರ ಸ್ತೋತ್ರ ವಂದನ ಸಜ್ಜನರ ಗುಣವು||18||
ಲೇಶ ಸ್ವಾತಂತ್ರ್ಯ ಗುಣವನು ಪ್ರವೇಶಗೈಸಿದ ಕಾರಣದಿ
ಗುಣ ದೋಷಗಳು ತೋರುವವು ಸತ್ಯಾಸತ್ಯ ಜೀವರೊಳು
ಶ್ವಾಸ ಭೋಜನ ಪಾನ ಶಯನ ವಿಲಾಸ ಮೈಥುನ ಗಮನ ಹರುಷ
ಕ್ಲೇಷ ಸ್ವಪ್ನ ಸುಷುಪ್ತಿ ಜಾಗ್ರತಿಯು ಅಹವು ಚೇತನಕೆ||19||
ಅರ್ಧ ತನ್ನೊಳಗಿರಿಸಿ ಉಳಿದೊಂದರ್ಧವ ವಿಭಾಗಗೈಸಿ
ವೃಜಿನ ಅರ್ದನನು ಪೂರ್ವದಲಿ ಸ್ವಾತಂತ್ರ್ಯವ ಕೊಟ್ಟಂತೆ
ಸ್ವರ್ಧುನೀಪಿತ ಕೊಡುವ ಅವರ ಸುಖ ವೃದ್ಧಿ ಗೋಸುಗ
ಬ್ರಹ್ಮ ವಾಯು ಕಪರ್ದಿ ಮೊದಲಾದ ಅವರೊಳಿದ್ದು ಅವರ ಯೋಗ್ಯತೆಯನರಿತು||20||
ಹಲಧರಾನುಜ ಮಾಳ್ಪ ಕೃತ್ಯವ ತಿಳಿಯದೆ ಅಹಂಕಾರದಿಂದ
ಎನ್ನುಳಿದು ವಿಧಿ ನಿಷೇಧ ಪಾತ್ರರಿಲ್ಲವೆಂಬುವಗೆ
ಫಲಗಳ ದ್ವಯಕೊಡುವ ದೈತ್ಯರ ಕಲುಷ ಕರ್ಮವ ಬಿಟ್ಟು ಪುಣ್ಯವ ಸೆಳೆದು
ತನೂಳಗಿಟ್ಟು ಕ್ರಮದಿಂ ಕೊಡುವ ಭಕ್ತರಿಗೆ||21||
ತೋಯಜಾಪ್ತನ ಕಿರಣ ವೃಕ್ಷ ಛಾಯ ವ್ಯಕ್ತಿಸುವಂತೆ
ಕಮಲದಳಾಯತಾಕ್ಷನು ಸರ್ವರೊಳು ವ್ಯಾಪಿಸಿದ ಕಾರಣದಿ
ಹೇಯ ಸದ್ಗುಣ ಕರ್ಮ ತೋರ್ಪವು ನ್ಯಾಯ ಕೋವಿದರಿಗೆ
ನಿರಂತರ ಶ್ರೀಯರಸ ಸರ್ವೋತ್ತಮೋತ್ತಮನು ಎಂದು ಪೇಳುವರು||22||
ಮೂಲ ಕಾರಣ ಪ್ರಕೃತಿಯೆನಿಪ ಮಹಾಲಕುಮಿ ಎಲ್ಲರೊಳಗಿದ್ದು ಸುಲೀಲೆಗೈವುತ
ಪುಣ್ಯ ಪಾಪಗಳರ್ಪಿಸಲು ಪತಿಗೆ
ಪಾಲಗಡಲೊಳು ಬಿದ್ದ ಜಲ ಕೀಲಾಲವು ಎನಿಪುದೆ
ಜೀವಕೃತ ಕರ್ಮಾಳಿ ತದ್ವತು ಶುಭವೆನಿಪವು ಎಲ್ಲ ಕಾಲದಲಿ||23||
ಜ್ಞಾನ ಸುಖ ಬಲ ಪೂರ್ಣ ವಿಷ್ಣುವಿಗೆ ಏನು ಮಾಳ್ಪವು ತ್ರಿಗುಣ ಕಾರ್ಯ
ಕೃಶಾನುವಿನ ಕೃಮಿಕವಿದು ಭಕ್ಷಿಪದುಂಟೆ ಲೋಕದೊಳು
ಈ ನಳಿನಜಾಂಡವನು ಬ್ರಹ್ಮ ಈಶಾನ ಮುಖ್ಯ ಸುರಾಸುರರ
ಕಾಲಾನಳನವೊಳ್ ನುಂಗುವಗೆ ಈ ಪಾಪಗಳ ಭಯವೆ||24||
ಮೋದ ಶಿರ ದಕ್ಷಿಣ ಸುಪಕ್ಷ ಪ್ರಮೋದ ಉತ್ತರ ಪಕ್ಷವೆಂದು
ಋಗಾದಿ ಶ್ರುತಿಗಳು ಪೇಳುವವು ಆನಂದಮಯ ಹರಿಗೆ
ಮೋದ ವೈಷಿಕ ಸುಖ ವಿಶಿಷ್ಟ ಪ್ರಮೋದ ಪಾರತ್ರಿಕ ಸುಖಪ್ರದನು
ಆದ ಕಾರಣದಿಂದ ಮೋದ ಪ್ರಮೋದನು ಎನಿಸಿದನು||25||
ಎಂದಿಗಾದರು ವೃಷ್ಟಿಯಿಂದ ವಸುಂಧರೆಯೊಳಗಿಪ್ಪ
ಅಖಿಳ ಜಲದಿಂ ಸಿಂಧು ವೃದ್ಧಿಯನು ಐದುವದೆ ಬಾರದಿರೆ ಬರಿದಹುದೆ
ಕುಂದು ಕೊರತೆಗಳಿಲ್ಲದಿಹ ಸ್ವಾನಂದ ಸಂಪೂರ್ಣ ಸ್ವಭಾವಗೆ
ಬಂದು ಮಾಡುವದೇನು ಕರ್ಮಾಕರ್ಮ ಜನ್ಯ ಫಲ||26||
ದೇಹ ವೃಕ್ಷದೊಳು ಎರಡು ಪಕ್ಷಿಗಳಿಹವು ಎಂದಿಗು ಬಿಡದೆ ಪರಮ ಸ್ನೇಹದಿಂದಲಿ
ಕರ್ಮಜ ಫಲಗಳುಂಬ ಜೀವ ಖಗ
ಶ್ರೀ ಹರಿಯು ತಾ ಸಾರಭೋಕ್ತನು ದ್ರೋಹಿಸುವ ಕಲ್ಯಾದಿ ದೈತ್ಯ ಸಮೂಹಕೆ
ಈವ ವಿಶಿಷ್ಟ ಪಾಪವ ಲೇಶವೆಲ್ಲರಿಗೆ||27||
ದ್ಯುಮಣಿ ಕಿರಣವ ಕಂಡ ಮಾತ್ರದಿ ತಿಮಿರವು ಓಡುವ ತೆರದಿ
ಲಕ್ಷ್ಮೀ ರಮಣ ನೋಡಿದ ಮಾತ್ರದಿಂದ ಅಘ ನಾಶವು ಐದುವದು
ಕಮಲ ಸಂಭವ ಮುಖ್ಯ ಎಲ್ಲಾ ಸುಮನಸರೊಳು ಇಹ ಪಾಪ ರಾಶಿಯ
ಅಮರಮುಖನಂದದಲಿ ಭಸ್ಮವ ಮಾಳ್ಪ ಹರಿ ತಾನು||28||
ಚತುರ ಶತ ಭಾಗದಿ ದಶಾಂಶದೊಳು ಇತರ ಜೀವರಿಗೀವ
ಲೇಶವ ದಿತಿಜ ದೇವಕ್ಕಳಿಗೆ ಕೊಡುವ ವಿಶಿಷ್ಟ ದುಃಖ ಸುಖ
ಮತಿವಿಹೀನ ಪ್ರಾಣಿಗಳಿಗೆ ಆಹುತಿಯ ಸುಖ ಮೃತಿ ದುಃಖ
ಅವರ ಯೋಗ್ಯತೆಯನರಿತು ಪಿಪೀಲಮಶಕಾದಿಗಳಿಗೀವ ಹರಿ||29||
ನಿತ್ಯ ನನಿರಯಾಂಧಾಖ್ಯ ಕೂಪದಿ ಭೃತ್ಯರಿಂದೊಡಗೂಡಿ
ಪುನರಾವೃತ್ತಿ ವರ್ಜಿತ ಲೋಕವೈದುವ ಕಲಿಯು ದ್ವೇಷದಲಿ
ಸತ್ಯ ಲೋಕಾಧಿಪ ಚತುರ್ಮುಖ ತತ್ವ ದೇವಕ್ಕಳ ಸಹಿತ
ನಿಜಮುಕ್ತಿಯ ಐದುವ ಹರಿ ಪದಾಬ್ಜವ ಭಜಿಸಿ ಭಕುತಿಯಲಿ||30||
ವಿಧಿ ನಿಷೇಧಗಳು ಎರಡು ಮರೆಯದೆ ಮಧು ವಿರೋಧಿಯ ಪಾದಕರ್ಪಿಸು
ಅದಿತಿ ಮಕ್ಕಳಿಗೀವ ಪುಣ್ಯವ ಪಾಪ ದೈತ್ಯರಿಗೆ
ಸುದರ್ಶನ ಧರೆಗೆ ಈಯದಿರೆ ಬಂದೊದಗಿ ಒಯ್ವರು ಪುಣ್ಯ ದೈತ್ಯರು
ಅಧಿಪರಿಲ್ಲದ ವೃಕ್ಷಗಳ ಫಲದಂತೆ ನಿತ್ಯದಲಿ||31||
ತಿಲಜ ಕಲ್ಮಶ ತ್ಯಜಿಸಿ ದೀಪವು ತಿಳಿಯ ತೈಲವ ಗ್ರಹಿಸಿ
ಮಂದಿರದೊಳಗೆ ವ್ಯಾಪಿಸಿಪ್ಪ ಕತ್ತಲೆ ಭಂಗಿಸುವ ತೆರದಿ
ಕಲಿ ಮೊದಲುಗೊಂಡ ಅಖಿಳ ದಾನವ ಕುಲಜರು ಅನುದಿನ ಮಾಳ್ಪ ಪುಣ್ಯಜ ಫಲವ
ಬ್ರಹ್ಮಾದ್ಯರಿಗೆ ಕೊಟ್ಟು ಅಲ್ಲಲ್ಲೇ ರಮಿಸುವನು||32||
ಇದ್ದಲೆಯು ನಿತ್ಯದಲಿ ಮೇಧ್ಯಾಮೇಧ್ಯ ವಸ್ತುಗಳುಂಡು
ಲೋಕದಿ ಶುದ್ಧ ಶುಚಿಯೆಂದೆನಿಸಿ ಕೊಂಬನು ವೇದ ಸ್ಮೃತಿಗಳೊಳು
ಬುದ್ಧಿಪೂರ್ವಕವಾಗಿ ವಿಬುಧರು ಶ್ರದ್ಧೆಯಿಂದ ಅರ್ಪಿಸಿದ ಕರ್ಮ
ನಿಷಿದ್ಧವಾದರು ಸರಿಯೇ ಕೈಕೊಂಡು ಉದ್ಧರಿಸುತಿಪ್ಪ||33||
ಒಡೆಯರಿದ್ದ ವನಸ್ಥ ಫಲಗಳ ಬಡಿದು ತಿಂಬುವರುಂಟೆ
ಕಂಡರೆ ಹೊಡೆದು ಬಿಸುಟುವರೆಂಬ ಭಯದಿಂ ನೋಡಲಂಜುವರು
ಬಿಡದೆ ಮಾಡುವ ಕರ್ಮಗಳ ಮನೆ ಮಡದಿ ಮಕ್ಕಳು ಬಂಧುಗಳು
ಕಾರೊಡಲನ ಆಳ್ಗಳೆಂದ ಮಾತ್ರದಲಿ ಓಡುವವು ದುರಿತ||34||
ಜ್ಞಾನ ಕರ್ಮ ಇಂದ್ರಿಯಗಳಿಂದ ಏನೇನು ಮಾಡುವ ಕರ್ಮಗಳ
ಲಕ್ಷ್ಮೀ ನಿವಾಸನಿಗೆ ಅರ್ಪಿಸುತಲಿರು ಕಾಲಕಾಲದಲಿ
ಪ್ರಾಣ ಪತಿ ಕೈಕೊಂಡು ನಾನಾ ಯೋನಿಯೈದಿಸನು
ಒಮ್ಮೆ ಕೊಡದಿರೆ ದಾನವರು ಸೆಳೆದೊಯ್ವರು ಎಲ್ಲಾ ಪುಣ್ಯ ರಾಶಿಗಳ||35||
ಶ್ರುತಿ ಸ್ಮೃತಿ ಅರ್ಥವ ತಿಳಿದು ಅಹಂಮತಿ ವಿಶಿಷ್ಟನು ಕರ್ಮ ಮಾಡಲು
ಪ್ರತಿಗ್ರಹಿಸನು ಪಾಪಗಳನು ಕೊಡುತಿಪ್ಪ ನಿತ್ಯ ಹರಿ
ಚತುರ ದಶ ಭುವನ ಅಧಿಪತಿ ಕೃತ ಕೃತ ಕೃತಜ್ಞ ನಿಯಾಮಕನುಯೆನೆ
ಮತಿಭ್ರಂಶ ಪ್ರಮಾದ ಸಂಕಟ ದೋಷವಾಗಿಲ್ಲ||36||
ವಾರಿಜಾಸನ ಮುಖ್ಯರು ಆಜ್ಞಾಧಾರಕರು ಸರ್ವ ಸ್ವತಂತ್ರ ರಮಾರಮಣನು
ಎಂದರಿದು ಇಷ್ಟಾನಿಷ್ಟ ಕರ್ಮಫಲ
ಸಾರಭೋಕ್ತನಿಗೆ ಅರ್ಪಿಸಲು ಸ್ವೀಕಾರ ಮಾಡುವ
ಪಾಪಫಲವ ಕುಬೇರ ನಾಮಕ ದೈತ್ಯರಿಗೆ ಕೊಟ್ಟು ಅವರ ನೋಯಿಸುವ||37||
ಕ್ರೂರ ದೈತ್ಯರೊಳಿದ್ದು ತಾನೇ ಪ್ರೇರಿಸುವ ಕಾರಣದಿ ಹರಿಗೆ ಕುಬೇರನೆಂಬರು
ಎಲ್ಲರೊಳು ನಿರ್ಗತ ರತಿಗೆ ನಿರತಿ
ಸೂರಿ ಗಮ್ಯಗೆ ಸೂರ್ಯನೆಂಬರು ದೂರ ಶೋಕಗೆ ಶುಕ್ಲ ಲಿಂಗ ಶರೀರ
ಇಲ್ಲದ ಕಾರಣದಿ ಅಕಾಯನೆನಿಸುವನು||38||
ಪೇಳಲು ವಶವಲ್ಲದ ಮಹಾ ಪಾಪಾಳಿಗಳನು ಒಂದೇ ಕ್ಷಣದಿ ನಿರ್ಮೂಲಗೈಸಲು ಬೇಕು
ಎಂಬುವಗೆ ಒಂದೇ ಹರಿನಾಮ
ನಾಲಿಗೆಯೊಳುಳ್ಳವಗೆ ಪರಮ ಕೃಪಾಳು ಕೃಷ್ಣನು ಕೈವಿಡಿದು
ತನ್ನ ಆಲಯದೊಳಿಟ್ಟು ಅನುದಿನದಿ ಆನಂದ ಪಡಿಸುವನು||39||
ರೋಗಿ ಔಷಧ ಪಥ್ಯದಿಂದ ನಿರೋಗಿಯೆನಿಸುವ ತೆರದಿ
ಶ್ರೀಮದ್ಭಾಗವತ ಸುಶ್ರವಣಗೈದು ಭವಾಖ್ಯ ರೋಗವನು ನೀಗಿ
ಶಬ್ಧಾದಿ ಅಖಿಳ ವಿಷಯ ನಿಯೋಗಿಸು ದಶ ಇಂದ್ರಿಯ ಅನಿಲನೊಳು
ಶ್ರೀ ಗುರು ಜಗನ್ನಾಥ ವಿಠಲ ಪ್ರೀತನಾಗುವನು||40||
*****
ಹರಿಕಥಾಮೃತಸಾರೋಕ್ತ
ಶ್ರೀ ಮದ್ಭಾಗವತ ದ ಮಹಿಮೆ
ರೋಗಿಯೌಷಧ ಪಥ್ಯದಿಂದ ನಿ!
ರೋಗಿಯೆನಿಸುವ ತೆರದಿ ಶ್ರೀ ಮ!
ದ್ಭಾಗವತ ಸುಶ್ರವಣಗೈದು ಭವಾಖ್ಯರೋಗವನು!!
ನೀಗಿ ಸರ್ವಾದ್ಯಖಿಳ ವಿಷಯ ನಿ!
ಯೋಗಿಸು ದಶೇಂದ್ರಿಯವನಿಲನೊಳು!
ಶ್ರೀಗುರು ಜಗನ್ನಾಥವಿಠ್ಠಲ ಪ್ರೀತನಾಗುವನು!!
ಸರ್ವ ಸ್ವಾತಂತ್ರ್ಯ ಸಂಧಿ / ೪೦
ಒಟ್ಟಾರೆ ತಾತ್ಪರ್ಯ ಅತ್ಯಂತ ಸಂಕ್ಷಿಪ್ತವಾಗಿ ಹೇಳುವುದಾದರೆ
ಜ್ವರಾದಿ ರೋಗದಿಂದ ಪೀಡಿತನಾದ ಮನುಷ್ಯನು
ರೋಗಗಳನ್ನು ಪರಿಹರಿಸಿಕೊಳ್ಳಲೆಂದು ಯಾವ ರೀತಿಯಲ್ಲಿ ವೈದ್ಯರ ಸಲಹೆಯಂತೆ ಪಥ್ಯ ಮಾಡಿ ಔಷಧವನ್ನು ಸಕಾಲಕ್ಕೆ ಸೇವಿಸಿ ರೋಗದಿಂದ ಮುಕ್ತನಾಗ್ತಾನೋ
ಅದೇ ರೀತಿಯಲ್ಲಿ
ನಾನು ನನ್ನದು ಅನತಕ್ಕಂಥ
ಸಂಸಾರ ವೆಂಬ ರೋಗದಿಂದ
ಅನಾದಿಕಾಲದಿಂದಲೂ ಬಳಲುತ್ತಾ ಇರುವ ಈ ಜೀವರು
ಶ್ರೀ ಮದ್ಭಾಗವತ ಎಂಬ ದಿವ್ಯೌಷಧ ಪರಮೌಷಧವನ್ನು
ಸಮೀಚೀನ ಗುರುಗಳ ಮುಖದಿಂದ ಚೆನ್ನಾಗಿ ಶ್ರವಣ ಮಾಡಿ ಅರ್ಥಾತ್ ಭಾಗವತ ಧರ್ಮದಲ್ಲಿ ಹೇಳಿದಂತೆ ಯಥಾಯೋಗ್ಯತಾನುಸಾರ ವಾಗಿ ಅನುಷ್ಠಾನಕ್ಕೆ ತಂದುಕೊಂಡು ಸಂಸಾರಕ್ಕೆ ಕಾರಣೀಭೂತವಾದ
ನಾನು ನನ್ನದು ಎಂಬ ಮಹಾ ರೋಗವನ್ನು ಕಳೆದುಕೊಂಡು
ದಶೇಂದ್ರಿಯಗಳಿಂದ ಅರ್ಥಾತ್
ಪಂಚ ಜ್ಞಾನೇಂದ್ರಿಯಗಳು
ಪಂಚ ಕರ್ಮೇಂದ್ರಿಯಗಳು
ಒಂದು ಅತ್ಯಂತ ಮಹತ್ತರವಾದ ಮನಸ್ಸು
ಇವುಗಳನ್ನು ಸಮಸ್ತವಾದ ಚರಾಚರ ಪ್ರಪಂಚಕ್ಕೆ ಉತ್ತಮೋತ್ತಮನಾದ
( ತಾರತಮ್ಯದಲ್ಲಿ ಆದಿಭೂತನಾದವ ಸಮರೂ ಇಲ್ಲದ ಅಧಿಕರಂತೂ ಇಲ್ಲವೇ ಇಲ್ಲದ)
ಶ್ರೀ ಭಾರತೀರಮಣನಾದ ಮುಖ್ಯಪ್ರಾಣದೇವರ ಅಂತರ್ಗತನಾದ
ಶ್ರೀ ಮನ್ನಾರಾಯಣ ದೇವರಿಗೆ
ಸರ್ವಸ್ವವನ್ನೂ ಸಮರ್ಪಣೆ ಮಾಡಿದಾಗ
ಮುಖ್ಯಪ್ರಾಣದೇವರಿಗೂ
ಮುಖ್ಯ ಗುರುವಾದ ಆದಿಗುರುವಾದ ಶ್ರೀ ಲಕ್ಷ್ಮೀ ದೇವರಿಗೂ ಗುರುಭೂತನಾದಂಥ
ಶ್ರೀ ಜಗನ್ನಾಥದಾಸಾರ್ಯರ ಉಪಸ್ಯಮೂರ್ತಿಯಾದಂಥ
ಶ್ರೀ ಜಗನ್ನಾಥ ವಿಠ್ಠಲನು
(ಚರಾಚರ ಜಗತ್ತಿಗೆ ಸ್ವಾಮಿಯಾದಂಥ ಪಾಪ ಪರಿಹಾರಕನಾದಂಥ)
ಖೇಚರವಾಹ ಚರಾಚರಬಂಧಕ
ಮೋಚಕನಹುದೆಂದ್ಯೋಚಿಸುತಿಪ್ಪುದೇ
ಫಲವಿದು ಬಾಳ್ದುದಕೆ
ಸಿರಿನಿಲಯನ ಗುಣಗಳ ತಿಳಿದು ಭಜಿಸುವುದೇ..
ಎಂಬ ಅಣುಹರಿಕಥಾಮೃತಸಾರೋಕ್ತಿಯಂತೆ
ಸಂಸಾರದ ಬಂಧನಕ್ಕೆ ಕಾರಣೀಭೂತನಾದವನೇ
ಸಂಸಾರದ ಮೋಚನಕ್ಕೂ
ಕಾರಣಪುರುಷನಾದ ಏಕೈಕ
ದೈವ ಹೆದ್ದೈವನಾದ ಸ್ವರಾಟ್
ಶ್ರೀ ಜಗನ್ನಾಥ ವಿಠ್ಠಲನು
ಸಂತುಷ್ಟನಾಗಿ ಪ್ರೀತನಾಗಿ
ಸಂರಕ್ಷಣೆ ಮಾಡ್ತಾನೆ ಎಂಬುದರಲ್ಲಿ ಮುಖ್ಯ ತಾತ್ಪರ್ಯವಿದೆ..
ಹರಿ ಭಜನೆ ಮಾಡೋ ನಿರಂತರ
ಪರಗತಿಗಿದು ನಿರ್ಧಾರ ನೋಡೊ
ನಿತ್ಯವಲ್ಲ ಈ ಶರೀರ
ಅನಿತ್ಯವೆಂದು ನಂಬಿರಯ್ಯಾ
ಹಾಳು ಹರಟೆಯಾಡಿ ಮನವ
ಬೀಳುಮಾಡಿಕೊಳ್ಳಲು ಬೇಡಿ
ಏಳು ದಿನದ ಕಥೆಯ ಕೇಳಿ
ಏಳಿರೋ ವೈಕುಂಠಕೆ
ಹರಿಯ ನೆನೆಯಿರೋ ನರಹರಿಯ ಭಜಿಸಿರೋ
ವೈಕುಂಠ ಏಕಾದಶಿಯ
ನಿಮಿತ್ತವಾಗಿ
ಶ್ರೀ ಹರಿವಾಯುಗುರುಗಳ ಸೇವಾರೂಪದಲ್ಲಿ
ಕೇವಲ ವಾಕ್ ಶುದ್ಧಿಗಾಗಿ ಅತ್ಯಲ್ಪ ಪ್ರಯತ್ನ ಅಷ್ಟೇ...
ನಂದೇನದೋ ಸ್ವಾಮಿ ನಿಂದೇ ಇದೆಲ್ಲವೂ
ಜೈ ಜೈ ವಿಠ್ಠಲ ಪಾಂಡುರಂಗ
ಜೈ ಹರಿ ವಿಠ್ಠಲ ಪಾಂಡುರಂಗ
****
harikathAmRutasAra gurugaLa karuNadindApanitu kELuve/
parama BagavadBaktaru idanAdaradi kELuvudu||
SrInivAsana caritegaLa paramAnurAgadi besegoLalu
muni SaunakAdyarige arupidanu sUtArya dayadinda||
pacana BakShaNa gamana BOjana vacana maithuna Sayana vIkShaNa
acalanA calana prayatnadi sAdhyavE janake
Suci sadana dayadinda jIvara nicayadoLu tA nintu mADuva
ucitAnucita karmagaLanendaridu konDADu||1||
viShTara Srava dEhadoLage praviShTanAgi nirantaradi
bahu cEShTegaLa mADutire kanDu sajIviyenutiharu
hRuShTarAguvaru nODi kaniShTaru ellaru sEve mALparu
biTTa kShaNadali kuNapa samavendaridu anupEkShiparu||2||
krIDegOsuga avaravara gati nIDalOsuga dEhagaLa koTTu ADuvanu svEcceyali
brahma ISAdyaroLu pokku
mADuvanu vyApAra bahu vidha mUDha daityaroLiddu pratidina
kEDu lABagaLillavu idarinda Ava kAladali||3||
akShara IDyanu brahma vAyu tryakSha surapAsura asuraroLu
adhyakShanAgiddu ellaroLu vyApAra mADutiha
akShayanu satyAtmaka parApEkSheyillade
sarvaroLage vilakShaNanu tAnAgi lOkava rakShisutalippa||4||
SrI sarasvati BAratI girijA SacI rati rOhiNI sanj~jA Sata surUpAdi
aKiLa strIyaroLu strI rUpa vAsavAgiddellarige
viSvAsa tannali koDuva
avaraBilAShegaLa pUraisutippanu yOgyategaLaritu||5||
kOlu kudureya mADi ADuva bAlakara teradaMte
lakShmI lOla svAtantrya guNava brahmAdyaroLagiTTu
lIlegaivanu tannavarige anukUlanAgiddu ella kAladi
Kullarige pratikUlanAgiha prakaTanAgadale||6||
sauparNi varavahana nAnA rUpa nAmadi karesuta avara samIpadalliddu
aKiLa vyApAragaLa mADuvanu
pApa puNyagaLereDu avara svarUpagaLa anusarisi uNipa
parOpakAri parESa pUrNAnanda j~jAna Gana||7||
AhAra nidrA maithunagaLa aharAhara bayasi baLaluva
lakShmI mahitana mahA mahimegaLanu entariva nityadali
ahika sauKyava maredu manadali grahisi SAstrArthagaLa
paramOtsAhadi konDADutale maimaredavarigalladale||8||
baMdhamOkSha pradana j~jAnavu mandamatigaLigentu dorevudu
bindu mAtra suKAnuBava parvatake sama duHKavendu tiLiyade
anya daivagaLinda suKava apEkShisuvaru
mukundana ArAdhaneya biTTavage unTe mukti suKa||9||
rAja tanna amAtya karuNadi naija janarige koTTu kArya niyOjisuta
mAnApamAnava mALpa teradante
SrI janArdhana sarvaroLage aparAjitanu tAnAgi
sarva prayOjanava mADisuta mADuva Palake gurimADi||10||
vAsudEva svatantrava sarojAsanAdi amarAsurarige IyalOsuga ardhava tegedu
adaroLardhava caturBAgagaisi
vandanu Satavidha dvi pancASatAbjajage
aShTa catvAriMSad anilagitta vANI BAratIgardha||11||
dvitIya pAdava tegedukonDu ada Sata viBAgava mADi
tA viMSati umESanoLiTTa indranoLu aidadhika hattu
ratipanoLage initiTTa aKiLa dEvategaLoLage Iraidu
jIva pratatiyoLu daSa aidadhika nAlvattu daityaroLu||12||
kAruNika svAtantryatvava mUru vidhagaisi eraDu tannoLu
nArigondanu koTTa svAtantryava sarvarige dhAruNipa tanna anugarige
vyApAra koTTu guNAguNagaLa vicAra mADuva teradi
triguNa vyaktiyane mALpa||13||
puNya karmake sahAyavAguva dhanyarige kalyAdi daityara
puNya PalagaLanIva divijara pApa karma PalAnya karmava mALparige
anuguNya janarige koDuva
bahu kAruNya sAgaranu I teradi Baktaranu saMtaipa||14||
nirupamage sariyunTendu uccarisuvava tadBaktaroLu matsarisuvava
guNaguNigaLige BEdagaLa pELuvava
dara sudarSana Urdhva punDrava dharisuvaroLu dvEShisuva
hari caritegaLa kELadale lOgara vArte kELuvava||15||
EvamAdI dvEShavuLLa kujIvarellaru daityareMbaru
kOvidara vij~jAna karmava nODi niMdiparu
dEva dEvana biTTu yAvatjIva paryaMtaradi tuccara sEveyinda
upajIvisuvaru aj~jAnake oLagAgi||16||
kAma lOBa krOdha mada hiMsAmaya anRuta kapaTa
tridhAmana avatAragaLa BEdApUrNa suKabaddha
AmiSha anivEdita aBOjyadi tAmasa annavanu uMba tAmasa
SrI madAMdhara saMgadiMdali tamave vardhipudu||17||
j~jAna Bakti virakti vinaya purANa SravaNa SAstra cintana
dAna Sama dama yaj~ja satya ahiMsa BUtadaya
dhyAna BagavannAma kIrtana mauna japa tapa vrata
sutIrtha snAna mantra stOtra vandana sajjanara guNavu||18||
lESa svAtaMtrya guNavanu pravESagaisida kAraNadi
guNa dOShagaLu tOruvavu satyAsatya jIvaroLu
SvAsa BOjana pAna Sayana vilAsa maithuna gamana haruSha
klESha svapna suShupti jAgratiyu ahavu cEtanake||19||
ardha tannoLagirisi uLidondardhava viBAgagaisi
vRujina ardananu pUrvadali svAtantryava koTTante
svardhunIpita koDuva avara suKa vRuddhi gOsuga
brahma vAyu kapardi modalAda avaroLiddu avara yOgyateyanaritu||20||
haladharAnuja mALpa kRutyava tiLiyade ahankAradinda
ennuLidu vidhi niShEdha pAtrarillaveMbuvage
PalagaLa dvayakoDuva daityara kaluSha karmava biTTu puNyava seLedu
tanULagiTTu kramadiM koDuva Baktarige||21||
tOyajAptana kiraNa vRukSha CAya vyaktisuvante
kamaladaLAyatAkShanu sarvaroLu vyApisida kAraNadi
hEya sadguNa karma tOrpavu nyAya kOvidarige
niraMtara SrIyarasa sarvOttamOttamanu endu pELuvaru||22||
mUla kAraNa prakRutiyenipa mahAlakumi ellaroLagiddu sulIlegaivuta
puNya pApagaLarpisalu patige
pAlagaDaloLu bidda jala kIlAlavu enipude
jIvakRuta karmALi tadvatu SuBavenipavu ella kAladali||23||
j~jAna suKa bala pUrNa viShNuvige Enu mALpavu triguNa kArya
kRuSAnuvina kRumikavidu BakShipadunTe lOkadoLu
I naLinajAnDavanu brahma ISAna muKya surAsurara
kAlAnaLanavoL nunguvage I pApagaLa Bayave||24||
mOda Sira dakShiNa supakSha pramOda uttara pakShavendu
RugAdi SrutigaLu pELuvavu AnaMdamaya harige
mOda vaiShika suKa viSiShTa pramOda pAratrika suKapradanu
Ada kAraNadinda mOda pramOdanu enisidanu||25||
eMdigAdaru vRuShTiyinda vasundhareyoLagippa
aKiLa jaladiM sindhu vRuddhiyanu aiduvade bAradire baridahude
kundu korategaLilladiha svAnaMda saMpUrNa svaBAvage
bandu mADuvadEnu karmAkarma janya Pala||26||
dEha vRukShadoLu eraDu pakShigaLihavu endigu biDade parama snEhadindali
karmaja PalagaLuMba jIva Kaga
SrI hariyu tA sAraBOktanu drOhisuva kalyAdi daitya samUhake
Iva viSiShTa pApava lESavellarige||27||
dyumaNi kiraNava kanDa mAtradi timiravu ODuva teradi
lakShmI ramaNa nODida mAtradinda aGa nASavu aiduvadu
kamala saMBava muKya ellA sumanasaroLu iha pApa rASiya
amaramuKanandadali Basmava mALpa hari tAnu||28||
catura Sata BAgadi daSAMSadoLu itara jIvarigIva
lESava ditija dEvakkaLige koDuva viSiShTa duHKa suKa
mativihIna prANigaLige Ahutiya suKa mRuti duHKa
avara yOgyateyanaritu pipIlamaSakAdigaLigIva hari||29||
nitya nanirayAndhAKya kUpadi BRutyarindoDagUDi
punarAvRutti varjita lOkavaiduva kaliyu dvEShadali
satya lOkAdhipa caturmuKa tatva dEvakkaLa sahita
nijamuktiya aiduva hari padAbjava Bajisi Bakutiyali||30||
vidhi niShEdhagaLu eraDu mareyade madhu virOdhiya pAdakarpisu
aditi makkaLigIva puNyava pApa daityarige
sudarSana dharege Iyadire bandodagi oyvaru puNya daityaru
adhiparillada vRukShagaLa Paladante nityadali||31||
tilaja kalmaSa tyajisi dIpavu tiLiya tailava grahisi
mandiradoLage vyApisippa kattale Bangisuva teradi
kali modalugonDa aKiLa dAnava kulajaru anudina mALpa puNyaja Palava
brahmAdyarige koTTu allallE ramisuvanu||32||
iddaleyu nityadali mEdhyAmEdhya vastugaLunDu
lOkadi Suddha Suciyendenisi koMbanu vEda smRutigaLoLu
buddhipUrvakavAgi vibudharu Sraddheyinda arpisida karma
niShiddhavAdaru sariyE kaikonDu uddharisutippa||33||
oDeyaridda vanastha PalagaLa baDidu tiMbuvarunTe
kaMDare hoDedu bisuTuvareMba BayadiM nODalanjuvaru
biDade mADuva karmagaLa mane maDadi makkaLu bandhugaLu
kAroDalana ALgaLeMda mAtradali ODuvavu durita||34||
j~jAna karma indriyagaLinda EnEnu mADuva karmagaLa
lakShmI nivAsanige arpisutaliru kAlakAladali
prANa pati kaikonDu nAnA yOniyaidisanu
omme koDadire dAnavaru seLedoyvaru ellA puNya rASigaLa||35||
Sruti smRuti arthava tiLidu ahaMmati viSiShTanu karma mADalu
pratigrahisanu pApagaLanu koDutippa nitya hari
catura daSa Buvana adhipati kRuta kRuta kRutaj~ja niyAmakanuyene
matiBraMSa pramAda sankaTa dOShavAgilla||36||
vArijAsana muKyaru Aj~jAdhArakaru sarva svatantra ramAramaNanu
endaridu iShTAniShTa karmaPala
sAraBOktanige arpisalu svIkAra mADuva
pApaPalava kubEra nAmaka daityarige koTTu avara nOyisuva||37||
krUra daityaroLiddu tAnE prErisuva kAraNadi harige kubEraneMbaru
ellaroLu nirgata ratige nirati
sUri gamyage sUryaneMbaru dUra SOkage Sukla linga SarIra
illada kAraNadi akAyanenisuvanu||38||
pELalu vaSavallada mahA pApALigaLanu oMdE kShaNadi nirmUlagaisalu bEku
eMbuvage ondE harinAma
nAligeyoLuLLavage parama kRupALu kRuShNanu kaiviDidu
tanna AlayadoLiTTu anudinadi Ananda paDisuvanu||39||
rOgi auShadha pathyadinda nirOgiyenisuva teradi
SrImadBAgavata suSravaNagaidu BavAKya rOgavanu nIgi
SabdhAdi aKiLa viShaya niyOgisu daSa indriya anilanoLu
SrI guru jagannAtha viThala prItanAguvanu||40||
********* *
