ಧರೆಯೋದ್ಧಾರಕೆ ಮೆರೆವರು ಗುರುಗಳು ವರಮಂತ್ರಾಲಯ ankita hari vittalesha DHARAYODDHAARAKE MEREVARU GURUGALU VARA MANTRALAYA

ಗುರುಪದ ಹಾರ

ಧರೆಯೋದ್ಧಾರಕೆ ಮೆರೆವರು ಗುರುಗಳು ವರಮಂತ್ರಾಲಯದಲ್ಲಿ

ವರಪ್ರಹ್ಲಾದರು ವ್ಯಾಸ ಪ್ರಭುಗಳು ವರ ತುಂಗಾ ತಟದಲ್ಲಿ |೧|

ಕೊರೆದಿಹ ಕಂಬದಿ ಹರಿಯನು ತೋರಿಸಿ ಹರಿನಾಮವ ಜಗದಲ್ಲಿ

ಮೆರೆಸಿದ ವರಪ್ರಹ್ಲಾದರು ಮೆರವರು ವರಮಂತ್ರಾಲಯದಲ್ಲಿ |೨|

ಹರಿಮತ ಸಾರುವ ಹರಿಪದ ಹಾರವ ಪರಿ ಪರಿ ವಿಧಪದದಲ್ಲಿ

ಇಳೆಯೊಳು ಸಾರಿದ ವ್ಯಾಸರು ಮೆರೆವರು ವರಮಂತ್ರಾಲಯದಲ್ಲಿ |೩|

ಧರೆಯನು ಮುಸುಕಿದ ತಮವನು ತೆರೆಯಲು ಹರುಷದಿ ಕಲಿಯುಗದಲ್ಲಿ|

ಗುರು ರಾಘವೇಂದ್ರರು ಕರು(ಣೆ) ಮೆರೆದಿಹರು ವರಮಂತ್ರಾಲಯದಲ್ಲಿ |೪|

ತನು ಮನ ಧನಗಳ ಕೊನೆಗಾಣದೆ ಭವ ವನ ಚರಿಸುವ ಜನರಲ್ಲಿ

ಮಣಿದೀಪಕ ಮತಿ ಎನಿಸಿ ಮೆರೆದರು ವರಮಂತ್ರಾಲಯದಲ್ಲಿ |೫|

ವಿಷಯದ ವಿಷದಿಂದು-ಸಿರಿಡುತಲಿ ಬಲು ದೆಸೆಗೆಡುತಿಹ ಮನದಲ್ಲಿ

ಹೊಸ ಜ್ಯೋತಿಯ ತರ ಮೆರೆಯಲು ಮೆರೆವರು ವರಮಂತ್ರಾಲಯದಲ್ಲಿ |೬|

ದಿನ ಸಂಸಾರವ ನೆನದರೆ ಘೋರದ ಘನರಥ-ವೆಡೆ-ತಡೆದಲ್ಲಿ

ಮುನಿ ಮಹರಥಿಯಾಕ್ಷಣ ಬಂದೊಲಿವರು ವರಮಂತ್ರಾಲಯದಲ್ಲಿ |೭|

ಭುವಿಯೊಳು ಬಹುಪರಿ ಬಳಲುವ ಮನುಜರ ಬವಣೆಯ ಬಲುತಿಳಿದಿಲ್ಲಿ

ತವಕದಿ ಬಿಡಿಸಲು ಅವತರಿಸಿರುವರು ವರಮಂತ್ರಾಲಯದಲ್ಲಿ |೮|

ಕರೆದರೆ ಬರುವರು ಅರಘಳಿಗಿ-ರದಲೆ ಕರಕಶ ಹೃದಯಿಗಳಲ್ಲ|

ಧರೆಯೊಳು ಗುರುಗಳ ಮೊರೆಯಿಡಲಾರದ ನರರೇ ಪಾಪಿಗಳೆಲ್ಲಾ |೯|

ಸುರತರು ಫಲಿಸಿದೆ ವರತರು ದೊರೆತಿರೆ ವರಮಂತ್ರಾಲಯದಲ್ಲಿ

ತೆರೆವುದು ಮುಸುಕನು ಸ್ಥಿರವಲ್ಲವು-ತನು ಪರಸುಖ ಸಾಧನದಲ್ಲಿ |೧೦|

ಗುರುತರ ತಪಸು ಸಮಾಧಿಗಳಿಲ್ಲದೆ ದೊರೆವುದು ಸದ್ಗತಿ ಇಲ್ಲಿ

ಅರಿಯದೆ ವೇದ ಪುರಾಣ-ಶಾಸ್ತ್ರವ ದೊರೆವುದು ಸದ್ಗತಿ ಇಲ್ಲಿ |೧೧|

ಮಾಧವ ಮತದಾಂಭೋಧಿಗೆ ಚಂದ್ರರ ದೀಧಿತಿ ತೊಳಗುವುದಿಲ್ಲಿ

ವಾದಿಗಳೆಲ್ಲರ ಮೋದದಿ ಜೈಸಿದ ನಾದವು ಮೊಳಗುವದಿಲ್ಲಿ |೧೨|

ವೇದಾಂತದ ಪೂ-ದೋಟದ ಪರಿಮಳ ಸಾಧಿಸಿ ದೊರೆತಿಹುದಿಲ್ಲಿ

ವೇದವಿಶಾರದೆ ಸ್ವಾದಿಸಿ ಸುಧೆಯ ವಿನೋದದಿ ರಮಿಸುವಳಿಲ್ಲಿ |೧೩|

ಪಾವನತರ ಮಹಯಾತ್ರಾರ್ಥಿಗಳು-ಓವಿಸಿ ನೆಲೆಸಿಹರಿಲ್ಲಿ

ಭೂ ವಲಯಕೆ ಸಲೆ ಆ ವೈಕುಂಠವು ಧಾವಿಸಿ ಬಂದಿಹುದಿಲ್ಲಿ |೧೪|

ಧನುವಂತರಿಗಳು ತನುದೋರಿರುವರು ಅನುದಿನ ಮನವೊಲಿದಿಲ್ಲಿ

ಘನರೋಗಗಳಿಗೆ ಧನುವೇರಿಸಿ ಆ ಕ್ಷಣದೊಳು ಕಳೆದೊಗೆಯುವರಿಲ್ಲಿ |೧೫|

ಕುಷ್ಟಾದಿಗಳೆಂಬಷ್ಟಾ-ದಶೆಗಳು ಶ್ರೇಷ್ಟಾಲಯದೊಳಗಿಲ್ಲಿ

ನಷ್ಟಾಗುತ ಸಕಲೇಷ್ಟವು ದೊರೆವುದು ಸೃಷ್ಠೀಶನ ಕೃಪೆಯಲ್ಲಿ |೧೬|

ಪ್ರೇತ ಪಿಶಾಚಿ ಗ್ರಹಾದಿಗಳೆಲ್ಲವು ಸೋತಿವೆ ಬಲ ಮುರಿದಿಲ್ಲಿ

ತಾತರ ಮೊರೆಯೊಳು ಯಾತರ ಭಯವಿದೆ ಜ್ಯೋತಿರ್ ಪದಯುಗದಲ್ಲಿ |೧೭|

ಅಂಧರು ಗುರುಗಳ ಸುಂದರ ಮೂರ್ತಿಯ ಕಣ್ ತೆರದು ನೋಡುವರಿಲ್ಲಿ

ವಂಧ್ಯರು ಮಗುವಿನ ನಂದನದೊಳು ಆನಂದದಿ ಪಾಡುವರಿಲ್ಲಿ |೧೮|

ಜನುಮದ ಮೂಕರು ಚಿನುಮಯ ಮೂರ್ತಿಯ ವಿನುತದಿ ಕೀರ್ತಿಪರಿಲ್ಲಿ

ಘನಮಹ ಬಧಿರರು ಮನದಣಿ ಕೇಳುತ ಮುನಿಗಳ ಪ್ರಾರ್ಥಿಪರಿಲ್ಲಿ |೧೯|

ಯಂತರ ತಂತರನಂತ ಸ್ವತಂತ್ರರ ತಂತ್ರವು ರಾಜಿಪುದಿಲ್ಲಿ

ಅಂತರ ಹೊಳಹು ಗುರುಮಂತರ ಗಾನ ನಿರಂತರ ಸುಖವಿಹುದಿಲ್ಲಿ |೨೦|

ವ್ಯಂಗಕೆ ಸ್ವಂಗವು ಭಂಗಕೆ ಸಿಂಗಾರ ಕಂಗೆಡೆ ಮಂಗಳವಿಲ್ಲಿ

ಕಂಗೊಳಿಪುದು ಸುತರಂಗಿಣಿ ತೀರದ ಪುಂಗವರಾಲಯದಲ್ಲಿ |೨೧|

ಭವ ಸಾಗರವನು ದಾಟಿಸೆ ಬಲು ಅನುಭವಿಕರು ನಾವಿಕರಿಲ್ಲಿ

ತವಕದಿ ನಿಂದರೆ ಸವೆಯುವದೇತಕೆ ಭುವಿಯೊಳು ಬಹುಪರಿಯಲ್ಲಿ |೨೨|

ಸಂತತಿ ಸಂಪದ ಆಯುರಾರೋಗ್ಯವು ನಂದದಿ ದೊರೆಯುವುದಿಲ್ಲಿ

ಚಿಂತಿಪುದೇತಕೆ ಭ್ರಾಂತಿಯೊಳೆಲ್ಲರು ಪಂಥದಿ ಗುರು ನಿಂತಲ್ಲಿ |೨೩|

ರಾಜರ ರಾಜರ ಗುರುಮಹರಾಜರ ತೇಜವ ಬಣ್ಣಿಪುದೆಂತು

ರಾಜಿಪ ಶ್ರೀಹರಿ ಪಾದ ಸರೋಜವ ಪೂಜಿಪ ಸಂಪದರಿಂತು |೨೪|

ಅನಘರು ಇವರಾ ಘನತೆಯ ನೆಲೆಯನು ಮನುಜರಿ-ಗರಿಯುವದೆಂತು

ಘನ ವ್ಯಾಪಕ ಜಗ ಜನಕ ಜನಾರ್ಧನ ಅಣಿಯಾಗಿರೆ ಬಲುನಿಂತು |೨೫|

ತುಂಗಾ ತೀರ ವಿರಾಜರ ಕೀರ್ತಿಯು ಬಂಗಾರದ ಹೊಳೆಯಲ್ಲಿ

ಶೃಂಗಾರದಿ ಹರಿ ಪೊಂಗೊಳಲುದೂತ ಕಂಗೋಚರಿಸುವನಿಲ್ಲಿ |೨೬|

ಅನಿಮಿಷರೆಲ್ಲರು ಮುನಿಕುಲರೊಂದಿಗೆ ಕುಣಿಯುವರನು-ನಯದಿಂದಾ

ವನಗೋಪಾಲನ ಘನತೆಯ ಕೀರ್ತಿಸಿ ವಿನುತದಿ ಸಂಭ್ರಮದಿಂದಾ |೨೭|

ಭೂಸುರರೆಲ್ಲರು ಶ್ರೀಶನ ಗುಣಗಳ ಸಾಸಿರ ನಾಮಗಳಿಂದಾ|

ಕೇಶವನೊಲಿದನ ತೋಷದಿ ತುತಿಪರು ಸೂಸುವ ಭಾಷ್ಪಗಳಿಂದಾ |೨೮|

ಬೃಂದಾವನ ಗೋವಿಂದನು ಗುರುಗಳ ವೃಂದಾವನ-ದೊಳಗಿಂದು|

ಮುಂದೋರದ ಭವ ಬಂಧದಿ ಸಿಲುಕಿದ ಬೃಂದವ ಪೊರೆಯುವರಿಂದು |೨೯|

ಸುಂದರ ಗುಡಿ ಶೃಂಗಾರದಿ ಶೋಭಿಪ ಚಂದದಿ ಮಂಟಪದಲ್ಲಿ

ವಂದಿತ ಗುರು ಬೃಂದಾರಕ-ರೆಸೆವರು ಕುಂದದ ಕಾಂತಿಯೊಳಿಲ್ಲಿ |೩೦|

ಮುತ್ತಿನ ಹಾರವು ಕಸ್ತೂರಿ ತಿಲಕವು ರತ್ನದ ಪದಕಗಳಿಂದ

ಚಿತ್ತದ ಭ್ರಾಂತಿಯನುತ್ತರಿಪರು ಪುರುಷೋತ್ತಮ ಗಾಯನದಿಂದ |೩೧|

ದ್ವಾದಶನಾಮವು ಮೋದದಿ ಗುರುಗಳ ಸಾದೃಶ ಸದ್ಗುರುವೆಂದು

ಭೂದಿವಿಜರಿ-ಗನುವಾದಿಸಿ ತೋರ್ಪುದು ಶ್ರೀಧರ ಸಂಪದರೆಂದು |೩೨|

ದಂಡ ಕಮಂಡಲ ಕೊಂಡಿಹ ವಸನದಿ ಮಂಡಿತ ಗುರುವರರಿಂದು

ಪಂಢರಿನಾಥನ ಖಂಡಿತ ಪ್ರೀಯರು ದಂಡ ಪ್ರಮಾಣಗಳಿಂದಾ |೩೩|

ಎಳೆತುಳಸಿಯ ವನಮಾಲೆಯು ಕೊರಳೊಳು ವಿಲಸಿತ ಕುಸುಮಗಳಿಂದಾ

ಕೊಳಲುದೂವ ಹರಿ ಕಳೆಯನು ತೋರ್ಪುದು ಮೊಳಗುವ ವಾದ್ಯಗಳಿಂದಾ |೩೪|

ರಥವೇರಿದ ಗುರು ಪಥದೊಳು ಸಾಗಿರೆ ಪೃಥುವಿಯು-ಧಿಮಿಧಿಕೆಂದು

ರಥಿಕರ ಡಂಗುರ ನಾದನಿನಾದದಿ ಪ್ರತಿ ಧ್ವನಿ ಕೊಡುತಿಹರಿಂದು |೩೫|

ಭುವಿಯೊಳು ಮೊಳಗುವ ಜಯಭೇರಿಗೆ ಆ ದಿವಿಜರು ಸಂಭ್ರಮದಿಂದಾ

ಜವದೊಳು ಪೂಮಳೆಗೆರೆವರು ಘೋಷಿಸಿ ದಿನ ದುಂಧುಭಿ-ಧ್ವನಿಯಿಂದಾ |೩೬|

ವರಮಂತ್ರಾಲಯ ಗುರು ಸಾಮ್ರಾಟರು ಮೆರೆವರು ವೈಭವದಿಂದಾ

ಗುರು ಮಧ್ವೇಶನ ಹಿರಿಯ ಪತಾಕೆಯು ತೆರೆದುದು ಬಹುಸಿರಿಯಿಂದಾ |೩೭|

ಹರಿಯನು ತೋರಿದ ಗುರುಸಂದರ್ಶನ ಗುರುತರ ಪುಣ್ಯವದಿಂದು

ಗುರು ಸಂಕೀರ್ತನೆ ಸಿರಿ-ಸಂಪದದೊಳು ನಿರುತದಿ ಪಾಲಿಪುದೆಂದು |೩೮|

ಗುರು ಪಾದೋದಕ ಪೊರೆವುದು ಭಕ್ತರ ಧುರಿತೌ-ಘವ-ಕಳೆದಿಂದು

ಗುರುಸೇವೆಯು ವರಪದವಿಯ ನೆರವುದು ಅರಿವುದು ಸತ್ಯವಿದೆಂದು |೩೯|

ಗುರುಮಹರಾಜರೆ ವರ ಮುನಿತೇಜರೆ ಎರಗುವೆ ನಿಮ್ಮಡಿಗಿಂದು

ಸೆರೆ-ಸಂಸಾರದೊಳು-ರುತರಗಾದೆನು ಪೊರೆವುದು ಕರುಣದೊಲಿಂದು |೪೦|

ಘನಭವರೋಗದಿ ಅನುಭವರೋಗದಿ ತನುಮನ ತಾಪದಿ ನೊಂದು

ದಿನದಿನ ಕೊರಗಿದೆ ಮನದೊಳು ಮರುಗಿದೆ ಕನಿಕರ ತೋರುವುದಿಂದು |೪೧|

ಹಸಿ-ತೃಷೆ ವಿಷಯದಿ ವ್ಯಸನದಿ ಬಹು ಪರ ವಶನಾದೆನು ಸೆರೆಗೊಂಡು

ಬಿಸಜಾಕ್ಷನ ಪದ ತುಸು-ಸಹ ನೆನಯದೆ ಪಶು ಜೀವನ ಕೈಗೊಂಡು |೪೨|

ಶಿಶುವೆಂದರಿಯುತ ಶಶಿ ಹಾಸದಿ ನರ ಪಶು ಮಹಪಾಪಿಯನಿಂದು

ಅಸದಳ ಭಕುತಿಯೊಳೆಸೆಯುವ ಮತಿಮನನಿಸಿ ಸಲೆ ಪೊರೆಯುವದಿಂದು |೪೩|

ಮೀಸಲು ಮುಡಿಪಿದು ಸೂಸಿತು ಹೃದಯದಿ ಭಾವಿಸಿ ಗುರುಪದಕೆಂದು

ಪೂಸಿದ ಪರಿಮಳ ವಾಸಿಸೆ ಬಲು-ಸುವಿಕಾಸಿತ ಹಾರವಿದೆಂದು |೪೪|

ಗುರುಪದ ಸೇವಿಸಿ ಹರುಷದಿ ಭಾವಿಸಿ ಗುರುಪದ ಹಾರವನಿಂದು

ಇರಿಸಿದೆ ಪದದೊಳು ಹರಿ ವಿಠ್ಠಲೇಶನೆ ನಿರುತದಿ ಪಾಲಿಪುದೆಂದು |೪೫|

***

ಧರೆಯೋದ್ಧಾರಕೆ ಮೆರವರು ಗುರುಗಳು ವರಮಂತ್ರಾಲಯದಲ್ಲಿ |

ವರಪ್ರಹ್ಲಾದರು ವ್ಯಾಸ ಪ್ರಭುಗಳು ವರ ತುಂಗಾ ತಟದಲ್ಲಿ || | ||

ಕೊರದಿಹ ಕಂಬದಿ ಹರಿಯನು ತೋರಿಸಿ ಹರಿನಾಮವ ಜಗದಲ್ಲಿ |

ಮೆರೆಸಿದ ಪ್ರಹ್ಲಾದರು ಮೆರವರು ವರಮಂತ್ರಾಲಯದಲ್ಲಿ || 2 ||

ಹರಿಮತ ಸಾರವ ಹರಿಪದ ಹಾರವ ಪರಿ ಪರಿ ವಿಧಪದ ದಲ್ಲಿ |

ಇಳೆಯೊಳು ಸಾರಿದ ವ್ಯಾಸರು ಮೆರೆವರು ವರಮಂತ್ರಾಲಯದಲ್ಲಿ || 3 ||

ಧರೆಯನು ಮುಸುಕಿದ ತಮವನು ತೆರಯಲು ಹರುಷದಿ ಕಲಿಯುಗದಲ್ಲಿ |

ಗುರು ರಾಘವೇಂದ್ರರು ಕರು ಮೆರೆದಿಹರು ವರಮಂತ್ರಾಲಯದಲ್ಲಿ || 4 ||

ತನುಮನಧನಗಳ ಕೊನೆಗಾಣದೆ ಭವ ವನಚರಿಸುವ ಜನರಲ್ಲಿ |

ಮಣೀದೀಪಕ ಮತಿ ಮನನಿಸಿ ಮೆರೆದರು ವರಮಂತ್ರಾಲಯದಲ್ಲಿ || 5 ||

ವಿಷಯದ ವಿಷದಿಂದುಸಿರಿಡುತಲಿ ಬಲುದೆಷೆಕೆಡುತಿಹ ಮನದಲ್ಲಿ |

ಹೊಸ ಜ್ಯೋತಿಯ ಕರಮೆರೆಯಲು ಮೆರವರು ವರಮಂತ್ರಾಲಯದಲ್ಲಿ || 6 ||

ದಿನ ಸಂಸಾರದ ನೆನದರೆ ಗೋರದ ಘನರಥ ಎಡತಡೆದಲ್ಲಿ |

ಮುನಿ ಮಹಾರಥಿ ಆಕ್ಷಣ ಬಂದೊಲಿವರು ವರಮಂತ್ರಾಲಯದಲ್ಲಿ || 7 ||

ಭುವಿಯೊಳು ಬಹುಪರಿ ಬಳಲುವ ಮನುಜನ ಭವಣೆಯ ಬಲುತಿಳಿದಿಲ್ಲಿ |

ತವಕದಿ ಬಿಡಿಸಲು ಅವತರಿಸಿರುವರು ವರಮಂತ್ರಾಲಯದಲ್ಲಿ || 8 ||

ಕರೆದರೆ ಬರುವರು ಅರಗಳಿಗಿರದಲೆ ಕರೆಸಿದದಯಿಗಳೆಲ್ಲಾ |

ಧರೆಯೊಳು ಗುರುಗಳ ಮೊರೆಯಿಡಲಾರದ ನರರೆ ಪಾಪಿಗಳೆಲ್ಲ || 9 ||

.

ಸುರತರು ಫಲಿಸಿದೆ ವರಕರು ದೊರೆತಿದೆ ವರಮಂತ್ರಾಲಯದಲ್ಲಿ |

ತೆರೆವುದು ಮುಸುಕನು ಸ್ತಿರವಲ್ಲವು ತನ ಪರಸುಖ ಸಾಧನದಲ್ಲಿ || 10 ||

ಉರುತರ ತಪಸ್ಸು ಸಮಾಧಿಗಳಿಲ್ಲದೆ ದೊರೆವುದು ಸದ್ಗತಿಯಿಲ್ಲಿ |

ಅರಿಯದೆ ವೇದ ಪುರಾಣ ಶಾಸ್ತ್ರವ ದೊರೆವುದು ಸನ್ಮತಿಯಿಲ್ಲಿ || 11 ||

ಮಾಧವ ಮತದಾಂಭೋನಿಧಿಚಂದ್ರರ ದಿಧೀತಿ ತೊಳಗುವುದಿಲ್ಲಿ |

ವಾದಿಗಳೆಲ್ಲರ ಮೊದದಿ ಜಯಿಸಿದ ನಾದವು ಮೊಳಗುವದಿಲ್ಲಿ || 12 ||

ವೇದಾಂತದ ಪೂದೋಟದ ಪರಿಮಳ ಸಾಧಿಸಿ ದೊರೆತಿಹುದಿಲ್ಲಿ |

ವೇದವಿಶಾರದೆ ಸ್ವಾದಿಸಿ ಸುಧೆಯ ವಿನೋದದಿ ರಮಿಸುವಳಿಲ್ಲಿ || 13 ||

ಪಾವನತರ ಮಹಯಾತ್ರಾ ತೀರ್ಥಿಗಳೋವಿಸಿ ನೆಲೆಸಿಹರಿಲ್ಲಿ |

ಭೂವಲಯಕೆ ಸಲೆ ಆ ವೈಕುಂಠವು ಧಾವಿಸಿ ಬಂದಿಹುದಿಲ್ಲಿ || 14 ||

ಧನ್ವಂತರಿಗಳು ತನುದೋರಿರುವರು ಅನುದಿನ ಮನ ಒಲಿದಿಲ್ಲಿ |

ಘನರೋಗಗಳಿಗೆ ಧನುವೇರಿಸಿ ಆ ಕ್ಷಣದೊಳು ಕಳೆದೋಯುವವಿಲ್ಲಿ || 15 ||

ಕುಷ್ಠಾದಿಗಳೆಂಭಷ್ಟಾದೆಶೆಗಳ ಶ್ರೇಷ್ಟಾಲಯದೊಳಗಿಲ್ಲಿ |

ನಷ್ಟಾಗುತ ಸಕಲೇಷ್ಟವು ದೊರೆವುದು ಸೃಷ್ಟೀಷನ ಕೃಪೆಯಲ್ಲಿ || 16 ||

ಪ್ರೇತ ಪಿಶಾಚಗ್ರಹಾದಿಗಳೆಲ್ಲವು ಸೋತಿವೆ ಬಲಮುರಿದಿಲ್ಲಿ |

ಆತರ ಮೊರೆಯೊಳು ಯಾತರ ಭಯವಿದೆ ಜ್ಯೋತಿರೆ ಪದಯುಗದಲ್ಲಿ || 17 || ||

ಅಂಧರು ಗುರುಗಳ ಸುಂದರ ಮೂರ್ತಿಯ ಕಣ್ತೆರೆದು ನೋಡುವರಿಲ್ಲಿ |

ವಂದ್ಯರು ಮಗುವಿನ ನಂದನದೊಳು ಆನಂದದಿ ಪಾಡುವರಿಲ್ಲಿ || 18 ||

ಜನುಮದ ಮೂಕರು ಚಿನ್ಮಯ ಮೂರ್ತಿಯ ವಿನುತದಿ ಕೀರ್ತಿಪರಿಲ್ಲಿ |

ಘನಮಹಬದಿರರು ಮನದಣಿ ಕೇಳುತ ಮುನಿಗಳ ಪ್ರಾರ್ಥಿಪರಿಲ್ಲಿ || 19 ||

ಯಂತರ ಗುರುಗಳ ತಂತರನಂತಸ್ವತಂತ್ರವು ರಾಜಿಪುದಿಲ್ಲಿ |

ಅಂತರ ಹೊಳೆ ಗುರುವಂತರ ಗಾನ ನಿರಂತರ ಸುಖವಿಹುದಿಲ್ಲಿ || 20 ||

ವ್ಯಂಗಕೆ ಸಂಗವು ಭಂಗಕೆ ಸಿಂಗರ ಕಂಗೆಡೆ ಮಂಗಳವಿಲ್ಲಿ |

ಕಂಗೊಳಿಪುದು ಸುತರಂಗಿಣಿ ತೀರದ ಪುಂಗವರಾಲಯದಲ್ಲಿ || 21 ||

ಧರೆಯೋದ್ಧಾರಕೆ ಭವ ಸಾಗರವನು ದಾಟಿಸೆ ಬಲು ಅನುಭವಿಕರು ನಾವಿಕರಿಲ್ಲಿ |

ತವಕದಿ ನಿಂದಿರೆ ಸವಿಯುವದೇತಕೆ ಭುವಿಯೊಳು ಬಹುಪರಿಯಿಲ್ಲಿ || 22 ||

ಸಂತತಿ ಸಂಪದ ಆಯುರರೋಗ್ಯವು ನಂದದಿ ದೊರೆಯುವುದಿಲ್ಲಿ |

ಚಿಂತಿಪುದೇತಕೆ ಭ್ರಾಂತಿಯೊಳೆಲ್ಲರು ಪಂತದಿ ಗುರುನಿಂತಲ್ಲಿ || 23 ||

ರಾಜರ ರಾಜರ ಗುರುಮಹರಾಜರ ದೇಹವ ಬಣ್ಣಿಪುದೆಂತು |

ರಾಜಿಪ ಶ್ರೀಹರಿ ಪಾದ ಸರೋಜವ ಪೂಜಿಪ ಸಂಪದರಿಂತು || 24 ||

ಅನಗರು ಇವರಾ ಘನತೆಯ ನೆಲೆಯದು ಮನುಜರಿಗರಿಯುವದೆಂತು |

ಘನವ್ಯಾಪಕ ಜಪ ಜನಕ ಜನಾರ್ದನ ಅಣಿಯಾಗಿರೆ ಬಲುನಿಂತು || 25 || ||

ತುಂಗಾ ತೀರ ವಿರಾಜರ ಕೀರ್ತಿಯು ಬಂಗಾರದ ಹೊಳೆಯಲ್ಲಿ |

ಶೃಂಗಾರದಿ ಹರಿ ಪೊಂಗೊಳಲೂದುತ ಕಂಗೋಚರಿಸುವನಿಲ್ಲಿ || 26 ||

ಅನಿಮಿಷರೆಲ್ಲರು ಮುನಿಕುಲರೊಂದಿಗೆ ಕುಣಿಯುವರನುನಯದಿಂದಾ |

ವನಗೋಪಾಲನ ಘನತೆಯ ಕೀರ್ತಿಸಿ ವಿನುತದಿ ಸಂಭ್ರಮದಿಂದಾ || 27 ||

ಭೂಸುರರೆಲ್ಲರು ಶ್ರೀಷನ ಗುಣಗಳ ಸಾಸಿರ ನಾಮಗಳಿಂದಾ |

ಕೇಶವನೊಲಿದನ ತೋಷದಿ ತುತಿಪರು ಸೂಸುವ ಭಾಷ್ಪಗಳಿಂದಾ || 28 ||

ಬೃಂದಾವನ ಗೋವಿಂದನು ಗುರುಗಳ ವೃಂದಾವನದೊಳಗಿಂದು |

ಮುಂದೋರದ ಭವ ಬಂದದಿ ಸಿಲುಕಿದ ವೃಂದವ ಪೊರೆಯುವನಿಂದು || 29 ||

ಸುಂದರ ಗುಡಿ ಶೃಂಗಾರದಿ ಶೋಭಿಪ ಚಂದದಿ ಮಂಟಪದಲ್ಲಿ |

ವಂದಿತ ಗುರು ವೃಂದಾರಕರೆಸವರು ಕುಂದದ ಕಾಂತಿಯೊಳಿಲ್ಲಿ || 30 ||

ಮುತ್ತಿನ ಹಾರವು ಕಸ್ತೂರಿ ತಿಲಕವು ರತ್ನದಪದಕಗಳಿಂದಾ |

ಚಿತ್ತದ ಭ್ರಾಂತಿಯನುತ್ತರಿಪವು ಪುರುಷೋತ್ತಮ ಗಾಯನದಿಂದಾ || 31 ||

ದ್ವಾದಶನಾಮವು ಮೋದದಿ ಗುರುಗಳ ಸಾದೃಷ ಸದ್ಗುರುವೆಂದು |

ಭೂದಿವಿಜರಗನುವಾಧಿಸಿ ತೋರ್ಪುದು ಶ್ರೀಧರ ಸಂಪದರೆಂದು || 32 ||

ದಂಡ ಕಮಂಡಲ ಕೊಂಡಿಹ ವಸನದಿ ಮಂಡಿತ ಗುರುವರರಿಂದು |

ಪಂಡರಿನಾಥನ ಕಂಡಿತ ಪ್ರೀಯರು ದಂಡ ಪ್ರಣಾಮಗಳಿಂದು || 33 ||

ಎಳೆತುಳಸಿಯ ವನಮಾಲೆಯ ಕೊರಳೊಲು ವಿಲಸಿತ ಕುಸುಮಗಳಿಂದಾ |

ಕೊಳಲುದೂವ ಹರಿ ಕಳೆಯನು ತೋರ್ಪುದು ಮೊಳಗುವ ವಾದ್ಯಗಳಿಂದಾ || 34 ||

ರಥವೇರಿದ ಗುರು ಪತದೊಳು ಸಾಗಿರೆ ಪೃಥಿವಿಯು ಧಿಮಿಧಿಮಿಕೆಂದು |

ರಥಿಕರ ಡಂಗುರ ನಾದನಿನಾದದಿ ಪ್ರತಿಧ್ವನಿ ಕೊಡುತಿಹರಿಂದು || 35 ||

ಭುವಿಯೊಳು ಮೊಳಗುವ ಜಯಬೇರಿಗೆ ಆ ದಿವಿಜರು ಸಂಭ್ರಮದಿಂದಾ |

ಜವದೊಳು ಪೂಮಳೆ ಗರೆವರು ಪೋಷಿಸಿ ದಿನ ದುಂಧುಭಿಧ್ವನಿಯಿಂದಾ || 36 ||

ವರಮಂತ್ರಾಲಯ ಗುರು ಸಮ್ರಾಟರು ಮೆರೆವರು ವೈಭವದಿಂದಾ |

ಗುರು ಮಧ್ವೇಶನ ಹಿರಿಯ ಪತಾಕೆಯ ತೆರದುದು ಬಹು ಸಿರಿಯಿಂದಾ || 37 ||

ಹರಿಯನು ತೋರಿಸಿ ಗುರುಸಂದರ್ಶನ ಉರುತರ ಪುಣ್ಯವದಿಂದು |

ಗುರು ಸಂಕೀರ್ತನೆ ಸಿರಿಸಂಪದದೊಳು ನಿರುತದಿ ಪಾಲಿಪುದೆಂದು || 38 ||

ಗುರು ಪಾದೋದಕ ಪೊರೆವುದು ಭಕ್ತರ ಧುರಿತೊವ್ಗವಕಳೆದಿಂದು |

ಗುರುಸೇವೆಯು ವರಪದವಿಯ ಮೆರೆವುದು ಅರಿವುದು ಸತ್ಯವಿದೆಂದು || 39 ||

ಗುರುಮಹರಾಜರೆ ವರ ಮುನಿತೇಜರೆ ಎರಗುವೆ ನಿಮ್ಮಡಿಗಿಂದು |

ಘನಸಂಸಾರದೊಳಿರೆ ತರಗಾದೆನು ಪೊರೆವುದು ಕರುಣದೊಳಿಂದು || 40 ||

ಘನಭವರೋಗದಿ ಅನುಭವಭೋಗದಿ ತನುಮನ ತಾಪದಿ ನೊಂದು |

ದಿನದಿನ ಕೊರಗಿದೆ ಮನದೊಳು ಮರುಗಿದೆ ಕನಿಕರ ತೋರುವುದಿಂದು || 41 ||

ಹಸು ತೃಷೆ ವಿಷಯದಿ ವ್ಯಸನದಿ ಬಹುಪರ ವಶನಾದೆನು ಸೆರೆಗೊಂಡು |

ಬಿಸಜಾಕ್ಷನ ಪದ ತುಸುಸಹ ನೆನಯದೆ ಪಶು ಜೀವನ ಕೈ ಕೊಂಡು || 42 ||

ಶಿಶುವೆಂದರಿಯುತ ಶಶಿ ಹಾಸದಿ ನರ ಪಶು ಮಹಪಾಪಿಯನಿಂದು |

ಅಸದಳ ಭಕುತಿಯೊಳೆಸೆಯುವ ಮತಿಮನನಿಸಿ ಸೆಲೆ ಪೊರುಯುವದಿಂದು || 43 ||

ಮೀಸಲು ಮುಡುಪಿದು ಸೂಸಿತು ಹೃದಯದಿ ಭಾವಿಸಿ ಗುರುಪದಕೆಂದು |

ಪೂಸಿದ ಪರಿಮಳ ವಾಸಿಸೆ ಬಲು ಸುವಿಕಾಸಿತ ಹಾರವಿದೆಂದು || 44 ||

ಗುರುಪದ ಸೇವಿಸಿ ಹರುಷದಿ ಭಾವಿಸಿ ಗುರುಪದ ಹಾರವನಿಂದು |

ಇರಿಸಿದೆ ಪದದೊಳ್ ಹರಿ ವಿಠ್ಠಲೇಶನೆ ನಿರುತದಿ ಪಾಲಿಪುದೆಂದು || 45 ||

***

dhareyOddhArake meravaru gurugaLu vara mantralayadalli |

varaprahlAdaru vyAsa praBugaLu vara tungA taTadalli || 1 ||

koradiha kaMbadi hariyanu tOrisi harinAmava jagadalli |

merasida varaprahlAdaru meravaru vara mantralayadalli || 2 ||

harimata sArava haripada hArava pari pari vidhapada dalli |

iLeyoLu sArida vyAsaru merevaru vara mantralayadalli || 3 ||

dhareyanu musukida tamavanu terayalu haruShadi kaliyugadalli |

guru raghavendraru karumerediharu vara mantralayadalli || 4 ||

tanumanadhanagaLa konegANade Bava vanacarisuva janaralli |

maNIdIpaka mati mananisi meredaru vara mantralayadalli || 5 ||

viShayada viShadindusiriDutali baludeShekeDutiha manadalli |

hosa jyOtiya karamereyalu meravaru vara mantralayadalli || 6 ||

dina saMsArada nenadare gOrada Ganaratha vedataDedalli |

muni mahArathi AkShaNa bandolivaru vara mantralayadalli || 7 ||

BuviyoLu bahupari baLaluva manujana BavaNeya balutiLidilli |

tavakadi biDisalu avatarisiruvaru vara mantralayadalli || 8 ||

karedare baruvaru aragaLigiradale karesidadayigaLellA |

dhareyoLu gurugaLa moreyiDalArada narare pApigaLella || 9 ||

surataru Paliside varakaru doretide varamaMtrAlayadalli |

terevudu musukanu stiravallavu tana parasuKa sAdhanadalli || 10 ||

urutara tapas susamAdhigaLillade dorevudu sadgatiyilli |

ariyade vEda purANa SAstrava dorevudu sanmatiyilli || 11 ||

mAdhava matadAMBOnidhi chandrara didhIti moLaguvudilli |

vAdigaLellara modadi jayisida nAdavu moLaguvadilli || 12 ||

vEdAntada pUdOTada parimaLa sAdhisi doretihudilli |

vEdaviSArade svAdisi sudheya vinOdadi ramisuvaLilli || 13 ||

pAvanatara mahayAtrA tIrthigaLOvisi nelesiharilli |

BUvalayake sale A vaikunThavu dhAvisi bandihudilli || 14 ||

dhanvantarigaLu tanudOriruvaru anudina mana olidilli |

GanarOgagaLige dhanuvErisi A kShaNadoLu kaLedOyuvavilli || 15 ||

kuShThAdigaLeMBaShTAdeSegaLa SrEShTAlayadoLagilli |

naShTAguta sakalEShTavu dorevudu sRuShTIShana kRupeyalli || 16 ||

prEta piSAcagrahAdigaLellavu sOtive balamuridilli |

Atara moreyoLu yAtara Bayavide jyOtire padayugadalli || 17 ||

andharu gurugaLa sundara mUrtiya kaNteredu nODuvarilli |

vandyaru maguvina nandanadoLu Anandadi pADuvarilli || 18 ||

janumada mUkaru cinmaya mUrtiya vinutadi kIrtiparilli |

Ganamahabadiraru manadaNi kELuta munigaLa prArthiparilli || 19 ||

yantara gurugaLa tantaranantasvatantravu rAjipudilli |

aMtara hoLe guruvaMtara gAna nirantara suKavihudilli || 20 ||

vyangake sangavu Bangake singara kangeDe mangaLavilli |

kangoLisudu sutarangiNi tIrada pungavarAlayadalli || 21 ||

Bava sAgaravanu dATise balu anuBavikaru nAvikarilli |

tavakadi nindire saviyuvadEtake BuviyoLu bahupariyilli || 22 ||

santati saMpada AyurarOgyavu nandadi doreyuvudilli |

cintipudEtake BrAntiyoLellaru pantadi gurunintalli || 23 ||

rAjara rAjara gurumaharAjara dEhava baNNipudentu |

rAjipa SrIhari pAda sarOjava pUjipa sampadarintu || 24 ||

anagaru ivarA Ganateya neleyadu manujarigariyuvadentu |

GanavyApaka japa janaka janArdana aNiyAgire balu nintu || 25 ||

tungA tIra virAjara kIrtiyu bangArada hoLeyalli |

SRungAradi hari pongoLalUduta kangOcarisuvanilli || 26 ||

animiSharellaru munikularondige kuNiyuvaranunayadindA |

vanagOpAlana Ganateya kIrtisi vinutadi saMBramadindA || 27 ||

BUsurarellaru SrIShana guNagaLa sAsira nAmagaLindA |

kESavanolidana tOShadi tutiparu sUsuva BAShpagaLindA || 28 ||

bRundAvana gOvindanu gurugaLa vRundAvanadoLagindu |

mundOrada Bava bandadi silukida vRundavaporeyuvanindu || 29 ||

sundara guDi SRungAradi ShoBipa candadi manTapadalli |

vandita guru vRundArakaresavaru kundada kAntiyoLilli || 30 ||

muttina hAravu kastUri tilakavu ratnadapadakagaLindA |

cittada BrAntiyanuttaripavu puruShOttama gAyanadindA || 31||

dvAdaSanAmavu mOdadi gurugaLa sAdRuSha sadguruveMdu |

BUdivijaraganuvAdhisi tOrpudu SrIdhara saMpadarendu || 32 ||

danDa kamanDala konDiha vasanadi manDita guruvararindu |

phanDari nAthana kanDita prIyaru danDapraNAmagaLindu || 33 ||

eLetuLasiya vanamAleya koraLolu vilasita kusumagaLindA |

koLaludUva hari kaLeyanu tOrpudu moLaguva vAdyagaLindA || 34 ||

rathavErida guru patadoLu sAgire pRuthiviyu dhimidhimikendu |

rathikara DaMgura nAdaninAdadi pratidhvani koDutiharindu || 35 ||

BuviyoLu moLaguva jayabErige A divijaru saMBramadindA |

javadoLu pUmaLe garevaru pOShisi dina dundhuBidhvaniyindA || 36 ||

varamantrAlaya guru samrATaru merevaru vaiBavadindA |

guru madhvESana hiriya patAkeya teradudu bahu siriyindA || 37 ||

hariyanu tOrisi gurusandarSana urutara puNyavadindu |

guru sankIrtane sirisanpadadoLu nirutadi pAlipudendu || 38 ||

guru pAdOdaka porevudu Baktara dhuritovgavakaLedindu |

gurusEveyu varapadaviya merevudu arivudu satyavidendu || 39 ||

gurumaharAjare vara munitEjare eraguve nimmaDigindu |

SarasansAradoLire taragAdenu porevudu karuNadoLindu || 40 ||

GanaBavarOgadi anuBavaBOgadi tanumana tApadi nondu |

dinadina koragide manadoLu marugide kanikara tOruvudindu || 41 ||

hasu tRuShe viShayadi vyasanadi bahupara vaSanAdenu seregonDu |

bisajAkShana pada tususaha nenayade paSu jIvana kaikonDu || 42 ||

SiSuvendariyuta SaSi hAsadi nara paSu mahapApiyanindu |

asadaLa BakutiyoLeseyuva matimananisi sele poruyuvadindu || 43 ||

mIsalu muDupidu sUsitu hRudayadi BAvisi gurupadakendu |

pUsida parimaLa vAsise balu suvikAsita hAravidendu || 44 ||

gurupada sEvisi haruShadi BhAvisi gurupada haaravanindu |

iriside padadoLu hariviThThalESane nirutadi pAlipudendu || 45 ||

***