ರಾಗ – : ತಾಳ –
ಕರಿಗಿರೀಶ ನಿನ್ನ ಬೇಡುವೆನೀಗ
ಪರಿಪಾಲಿಸೊ ಸತತ ll ಪ ll
ನರಹರಿ ಭಕ್ತರ ಪೊರೆಯುವೆ ನೀನೆಂ-
ದರುಹಿದರೆನಗೆ ಶ್ರೀ ಗುರುಗಳು ಇಂದು ll ಅ ಪ ll
ನಾರಸಿಂಹ ನಿನ್ನ ಸಾರಿ ಭಜಿಸುವೆನು
ತೋರೊ ನಿನ್ನ ಪದವ
ಬಾರಿಬಾರಿಗೆ ಸ್ತುತಿಸಲು ಬಾಲನು
ಘೋರ ದೈತ್ಯನ ಸೀಳಿ ಪೊರೆದೆಯೊ ll 1 ll
ಶೇಷಾಂತರ್ಗತ ನಾರಸಿಂಹ ವಿ-
ಶೇಷ ಮಹಿಮೆ ತೋರೊ
ಶೇಷಶಯನ ಮಹರುದ್ರಾನ್ತರ್ಗತ
ಪೋಷಿಸೊ ಭಕ್ತರ ಶಾಂತರೂಪದಿ ll 2 ll
ಲೀಲೆಯಿಂದ ಶ್ರೀ ಲಕುಮಿ ಹಿತದಿ
ವ್ಯಾಲಶಯನನಾಗಿ
ಪಾಲಿಸಬೇಕೆನ್ನನು ಸತತದಿ ಗೋ-
ಪಾಲಕೃಷ್ಣವಿಟ್ಠಲ ನೀ ದಯದಿ ll 3 ll
***
