ಶ್ರೀಮತಿ ಓರೆಬಾಯಿ ಲಕ್ಷ್ಮೀದೇವಮ್ಮನವರ ಕೃತಿ
ರಾಗ - : ತಾಳ -
ನರಸಿಂಹಾ ಲಕ್ಷ್ಮೀನರಸಿಂಹ ll ಪ ll
ನಮಿಸುವೆ ಲಕ್ಷ್ಮೀನರಸಿಂಹ ಆಹಾ ಕನಕಕಶ್ಯಪನಳಿದು
ಜನಕೆ ಸುಖವನಿತ್ತು ಘನಪುರುಷನೆ ಕ್ಷಣ ಕ್ಷಣ ನಮಿಸುವೆ ll ಅ ಪ ll
ಪುಟ್ಟ ಪ್ರಹ್ಲಾದನ ಮೊರೆಯ l ಕೇಳಿ
ಅಟ್ಟಹಾಸದಿ ಕಂಭಸಿಡಿದೂ l ಬಲು
ಸಿಟ್ಟಿನಿಂದಲಿ ಹಲ್ಲು ಕಡಿದೂ l ಆಹಾ
ಕಟ್ಟುಗ್ರತನದ ಕೆಟ್ಟ ಹಿರಣ್ಯನ
ಹೊಟ್ಟೆಯ ಬಗೆದಂಥ ಶ್ರೇಷ್ಠಮಹಿಮನೆ ll 1 ll
ಕಂಡು ಹಿಡಿದು ಅವನ ರೆಟ್ಟೆ l ಎಳೆತಂದೂ
ತೊಡೆಯ ಮೇಲಿಟ್ಟೆ l ಬಹು
ಕೆಂಡ ಕೋಪದಿ ಅವನ ಹೊಟ್ಟೆಯಸೀಳಿದ
ಸೊಂಡೂರು ಪುರಮಧ್ಯ ಗುಂಡಿ ನರಸಿಂಹನ
ಕಂಡೆ ಈ ದಿನ ll 2 ll
ಸೂರಿಗಳರಸ ಒಡೆಯಾ l ಮೇಲೆ
ಸುರಸೋದರರೊಳುಮೆರೆಯ l ಆಹಾ
ಕ್ರೂರ ದೈತ್ಯನ ಕೊರಳಹರಿದ ಅ
ಪಾರ ಮಹಿಮಸಿರಿ ಸಿಂಹವಿಟ್ಠಲ
*****
