ಗುರುರಾಜರ ನಂಬಿರೋ ಸಾರುವೆ ನಾ ankita narahari P

 ..

kruti by pradyumna teertha ಪ್ರದ್ಯುಮ್ನತೀರ್ಥರು

ಗುರುರಾಜರ ನಂಬಿರೋ ಸಾರುವೆ ನಾ

ಸಾರುವೆ ನಾ ಸಾರುವೆ ನಾ ಪ

ಗುರು ವಾದಿರಾಜರ ಚರಣ ಸ್ಮರಣೆಯಿಂದ

ದುರಿತ ರಾಶಿಗಳೆಲ್ಲ ಪರಿಹಾರವಾಗುವುದು ಅ.ಪ

ಕರುಣಾಸಾಗರರಿವರು ಸ್ಮರಿಪರಘ ಸ್ಮರಿಸದೆ ಪರತತ್ವವರಿದು

ಬಾರಿ ಬಾರಿಗೊದಗಿದಪಾರ ಸಂಶಯ

ದೂರಗೈಸಿ ಮುರಾರಿ ಚರಣವ ತೋರ್ಪ

ಸುರರಿಗೆ ಮರುತರೆನಿಪರು ಬರುÀವ ಕಲ್ಪಕೆ 1

ಗುರು ವಾದಿರಾಜರೆಂಬ ಸುರತರು

ಇರುವುದು ಸೋದಾಪುರದಿ

ಅರಿತು ನಿರುತದಿ ಪರಮ ಭಕುತಿಯಲಿ

ಸೇರಿ ಸೇವೆಯ ಮಾಳ್ವ ಸುಜನಕೆ

ಬೀರುವರು ಪುರುಷಾರ್ಥಗಳನು

ಪಾರುಗಾಣರು ಸುರರು ಮಹಿಮೆಯ 2

ಉಪಚಾರವಲ್ಲವಿದು ಶ್ರೀಪತಿಯಾಣೆ

ಗುಪಿತದಿಂದಿವರ ಮಂತ್ರ

ಜಪಿಸಿ ಭೂತರಾಜರೆಂಬೊರು

ತಾಪಹಾರಕರಾಗಿ ಸುಜನಕೆ

ತಪವ ಮಾಳ್ವರು ರುದ್ರ ಪದವಿಗೆ

ಶ್ರೀ ನರಹರಿ ಪಾದ ಇವರಲಿ 3

***