ನಾ ನಿನಗೇನು ಬೇಡುವುದಿಲ್ಲ ಎನ್ನ ಹೃದಯ purandara vittala

ಶ್ರೀಪುರಂದರದಾಸರು. check rangavittla also. already audio is there

ನಾ ನಿನಗೇನು ಬೇಡುವುದಿಲ್ಲ 

ಎನ್ನ ಹೃದಯ ಕಮಲದೊಳು ನೆಲೆಸಿರು ಹರಿಯೆ ll ಪ ll

ಶಿರ ನಿನ್ನ ಚರಣಕ್ಕೆರಗಲಿ ಚಕ್ಷು

ಎರಕದಿಂದಲಿ ನಿನ್ನ ನೋಡಲಿ ಹರಿಯೆ l

ನಿರುಮಾಲ್ಯ ನಾಸ ಘ್ರಾಣಿಸಲಿ ಎನ್ನ

ಕರಣ ಗೀತಂಗಳ ಕೇಳಲಿ ಹರಿಯೆ ll 1 ll

ನಾಲಿಗೆ ನಿನ್ನ ಕೊಂಡಾಡಲಿ ಎನ್ನ

ತೋಳು ಕರಂಗಳ ಮುಗಿಯಲಿ ಹರಿಯೆ l

ಕಾಲು ತೀರ್ಥ ಯಾತ್ರೆಗೆ ಪೋಗಲಿ, ಮನ

ಓಲೈಸಿ ನಿನ್ನನು ಸ್ಮರಿಸಲಿ ಹರಿಯೆ ll 2 ll

ಚಿತ್ತ ನಿನ್ನೊಳು ಮುಳುಗಾಡಲಿ ನಿನ್ನ

ಭಕ್ತ ಜನರ ಸಂಗ ದೊರಕಲಿ ಹರಿಯೆ

ತತ್ತ್ವಯೋಗಾಭ್ಯಾಸಕ್ಕಾಗಲಿ ಉಕ್ತಿ

ಸತ್ಯಮೂರುತಿ ನಮ್ಮ ಪುರಂದರವಿಟ್ಠಲ ll 3 ll

***