ಹರಿಕಥಾಮೃತಸಾರ ಸಂಧಿ 26 ankita jagannatha vittala ಅವರೋಹಣ ತಾರತಮ್ಯ ಸಂಧಿ HARIKATHAMRUTASARA SANDHI 26 AVAROHANA TARATAMYA SANDHI

     

Audio by Mrs. Nandini Sripad

ರಚನೆ : ಶ್ರೀ ಜಗನ್ನಾಥ ದಾಸರು 
for saahitya click   ಹರಿಕಥಾಮೃತಸಾರ ಸಂಧಿ 1 to 32  

ಶ್ರೀಜಗನ್ನಾಥದಾಸಾರ್ಯ ವಿರಚಿತ ಹರಿಕಥಾಮೃತಸಾರ

ಅವರೋಹಣ ತಾರತಮ್ಯ ಸಂಧಿ 26  ರಾಗ - ಅಠಾಣಾ 

ಹರಿಕಥಾಮೃತಸಾರ ಗುರುಗಳ ಕರುಣದಿಂದಾಪನಿತು ಕೇಳುವೆ

ಪರಮ ಭಗವದ್ಭಕ್ತರು ಇದನಾದರದಿ ಕೇಳುವುದು||

ಶ್ರೀರಮಣ ನಿಜಭಕ್ತರೆನಿಸುವ ವಾರಿಜಾಸನ ಮುಖ್ಯ ನಿರ್ಜರ

ತಾರತಮ್ಯವ ಪೇಳ್ವೆ ಸಂಕ್ಷೇಪದಲಿ ಗುರುಬಲದಿ||

ಕೇಶವಗೆ ನಾರಾಯಣಗೆ ಕಮಲಾಸನ ಸಮೀರರಿಗೆ ವಾಣಿಗೆ

ವೀಶ ಫಣಿಪ ಮಹೇಶರಿಗೆ ಷಣ್ಮಹಿಷಿಯರ ಪದಕೆ

ಶೇಷ ರುದ್ರರ ಪತ್ನಿಯರಿಗೆ ಸುವಾಸದ ಪ್ರದ್ಯುಮ್ನರಿಗೆ

ಸಂತೋಷದಲಿ ವಂದಿಸುವೆ ಭಕ್ತಿ ಜ್ಞಾನ ಕೊಡಲೆಂದು||1||

ಪ್ರಾಣದೇವಗೆ ನಮಿಪೆ ಕಾಮನ ಸೂನು ಮನು ಗುರು ದಕ್ಷ ಶಚಿ ರತಿ ಮಾನಿನಿಯರಿಗೆ

ಪ್ರವಹ ದೇವಗೆ ಸೂರ್ಯ ಸೋಮ ಯಮ ಮಾನವಿಗೆ ವರುಣನಿಗೆ

ವೀಣಾ ಪಾಣಿ ನಾರದ ಮುನಿಗೆ ನಪಿಸುವೆ

ಜ್ಞಾನ ಭಕ್ತಿ ವಿರಕ್ತಿ ಮಾರ್ಗವ ತಿಳಿಸಲಿ ಎನಗೆಂದು||2||

ಅನಳ ಭೃಗು ದಾಕ್ಷಾಯಣಿಯರಿಗೆ ಕನಕ ಗರ್ಭಜ ಸಪ್ತರ್ಷಿಗಳಿಗೆ ಎಣೆಯೆನಿಪ

ವೈವಸ್ವತ ಮನು ಗಾಧಿ ಸಂಭವಗೆ

ದನುಜ ನಿರ್ಋತಿ ತಾರ ಪ್ರಾವಹಿ ವನಜ ಮಿತ್ರಗೆ ಅಶ್ವಿನೀ ಗಣಪಾ

ಧನಪ ವಿಶ್ವಕ್ಸೇನರಿಗೆ ವಂದಿಸುವೆನು ಅನವರತ||3||

ಉಕ್ತ ದೇವರ್ಕಳನು ಉಳಿದೆಂಭತ್ತೈದು ಜನರುಗಳು ಮನುಗಳು

ಚಿಥ್ಯ ಚಾವನ ಯಮಳರಿಗೆ ಕರ್ಮಜರು ಎನಿಸುತಿಪ್ಪ

ಕಾರ್ತವೀರ್ಯಾರ್ಜುನ ಪ್ರಮುಖ ಶತಸ್ಥರಿಗೆ ಪರ್ಜನ್ಯ ಗಂಗ

ಆದಿತ್ಯ ಯಮ ಸೋಮ ಅನಿರುದ್ಧರ ಪತ್ನಿಯರ ಪದಕೆ||4||

ಹುತವಹನ ಅರ್ಧಾಂಗಿನಿಗೆ ಚಂದ್ರಮ ಸುತ ಬುಧಗೆ ನಾಮಾತ್ಮಿಕ ಉಷಾ ಸತಿಗೆ

ಛಾಯಾತ್ಮಜ ಶನೈಶ್ಚರಗೆ ಅನಮಿಪೆ ಸತತ

ಪ್ರತಿ ದಿವಸದಲಿ ಬಿಡದೆ ಜೀವ ಪ್ರತತಿ ಮಾಡುವ ಕರ್ಮಗಳಿಗೆ

ಅಧಿಪತಿಯು ಎನಿಪ ಪುಷ್ಕರನ ಪಾದಾಂಬುಜಗಳಿಗೆ ನಮಿಪೆ||5||

ಆ ನಮಿಪೆ ಅಜಾನಜರಿಗೆ ಸುಕೃಶಾನು ಸುತರಿಗೆ ಗೋವ್ರಜದೊಳಿಹ

ಮಾನಿನಿಯರಿಗೆ ಚಿರಪಿತರು ಶತನೂನ ಶತಕೋಟಿ ಮೌನಿ ಜನರಿಗೆ

ದೇವಮಾನವ ಗಾನ ಪ್ರೌಢರಿಗೆ ಅವನಿಪರಿಗೆ

ರಮಾ ನಿವಾಸನ ದಾಸವರ್ಗಕೆ ನಮಿಪೆನು ಅನವರತ||6||

ಅನುಕ್ರಮಣಿಕ ತಾರತಮ್ಯವ ಅನುದಿನದಿ ಸದ್ಭಕ್ತಿ ಪೂರ್ವಕ ನೆನೆವರಿಗೆ

ಧರ್ಮಾರ್ಥ ಕಾಮಾದಿಗಳು ಫಲಿಸುವವು

ವನಜ ಸಂಭವ ಮುಖ್ಯರು ಅವಯವರು ಎನಿಸುವ ಜಗನ್ನಾಥ ವಿಠಲನ

ವಿನಯದಿಂದಲಿ ನಮಿಸಿ ಕೊಂಡಾಡುತಿರು ಮರೆಯದಲೆ||7||

********

harikathAmRutasAra gurugaLa karuNadindApanitu kELuve

parama BagavadBaktaru idanAdaradi kELuvudu||

SrIramaNa nijaBaktarenisuva vArijAsana muKya nirjara

tAratamyava pELve saMkShEpadali gurubaladi||

kESavage nArAyaNage kamalAsana samIrarige vANige

vISa PaNipa mahESarige ShaNmahiShiyara padake

SESha rudrara patniyarige suvAsada pradyumnarige

saMtOShadali vaMdisuve Bakti j~jAna koDalendu||1||

prANadEvage namipe kAmana sUnu manu guru dakSha Saci rati mAniniyarige

pravaha dEvage sUrya sOma yama mAnavige varuNanige

vINA pANi nArada munige napisuve

j~jAna Bakti virakti mArgava tiLisali enageMdu||2||

anaLa BRugu dAkShAyaNiyarige kanaka garBaja saptarShigaLige eNeyenipa

vaivasvata manu gAdhi saMBavage

danuja nir^^Ruti tAra prAvahi vanaja mitrage aSvinI gaNapA

dhanapa viSvaksEnarige vandisuvenu anavarata||3||

ukta dEvarkaLanu uLideMBattaidu janarugaLu manugaLu

cithya cAvana yamaLarige karmajaru enisutippa

kArtavIryArjuna pramuKa Satastharige parjanya ganga

Aditya yama sOma aniruddhara patniyara padake||4||

hutavahana ardhAMginige caMdrama suta budhage nAmAtmika uShA satige

CAyAtmaja SanaiScarage anamipe satata

prati divasadali biDade jIva pratati mADuva karmagaLige

adhipatiyu enipa puShkarana pAdAMbujagaLige namipe||5||

A namipe ajAnajarige sukRuSAnu sutarige gOvrajadoLiha

mAniniyarige cirapitaru SatanUna SatakOTi mauni janarige

dEvamAnava gAna prauDharige avaniparige

ramA nivAsana dAsavargake namipenu anavarata||6||

anukramaNika tAratamyava anudinadi sadBakti pUrvaka nenevarige

dharmArtha kAmAdigaLu Palisuvavu

vanaja saMBava muKyaru avayavaru enisuva jagannAtha viThalana

vinayadindali namisi konDADutiru mareyadale||7||

*********