ದೀನಬಂಧು ನಿನ್ನನೆ vijaya vittala ankita suladi ತೋತಾದ್ರಿ ಮಹಿಮೆ ಸುಳಾದಿ DEENA BANDHU NINNANE TOTAADRI MAHIMA SULADI

Audio by Vidwan Sumukh Moudgalya

ಶ್ರೀ ವಿಜಯದಾಸಾರ್ಯ ವಿರಚಿತ ತೋತಾದ್ರಿ ಮಹಿಮೆ ಸುಳಾದಿ 

 ರಾಗ : ದರ್ಬಾರಿ ಕಾನಡ 

 ಧ್ರುವತಾಳ 

ದೀನ ಬಂಧು ನಿನ್ನನೆ ನೆರೆ ನಂಬಿದೆ 

ಜ್ಞಾನಾಂಬುಧಿ ಯೊಳಗಾನಂದ ವಾಡಿಸು

ಭಾನುವಿನ ಕೋಟಿ ಭಾನುವಿನಂತೆ ದಿ-

ಕ್ಕನು ಪ್ರಕಾಶಿಸುವ ಮೌನಿಗಳೊಡಿಯಾ

ಏನು ಪೇಳಲಿ ನಿನ್ನ ನಾಟಕತನವು 

ಕಾಣುವರಾರು ಗೀರ್ವಾಣರೊಳು 

ಅನಂತ ಜನುಮದಲಿ ನಾನೆ ನಿನ್ನವನಯ್ಯಾ 

ಮಾಣಾದೆ ಸಾಕುವದು ಮಾನದಿಂದ 

ಈ ನಾಡಿನೊಳಧಿಕ ತೋತಪರ್ವತ ವಾಸ 

ಶ್ರೀ ನಾರಿಯರಸ ವಿಜಯವಿಠಲ ಸುರ -

ಧೇನು ಚಿಂತಾಮಣಿ ನೀ ನೊಲಿದವರಿಗೆ ll1ll

 ಮಟ್ಟತಾಳ 

ತೋತನೆಂಬವ ಕಿರಾತನು ಪ್ರತಿದಿನ 

ಭೂತಳದೊಳು ತನ್ನ ಜಾತಿ ಧರ್ಮದಿಂದ 

ತಾ ತಿರುಗುತಲಿರೆ ಸೂತನ ತಾತನು 

ಪ್ರೀತಿ ಯಿಂದಲಿ ಬರಲಾತಗೆ ಅವನಂದು 

ಭೀತಿಯ ತೋರಿದನು ಭೀತಿಯ ತೋರಿದನು 

ನೂತನಾಂಗ ದೇವ ವಿಜಯವಿಠಲನ್ನ 

ಮಾತು ಮಾತಿಗೆ ನೆನದ ಮಾತುರ ಭೀತಿಹರ ll2ll

 ತ್ರಿವಿಡಿತಾಳ 

ಮುನಿರೋಮಹರಷನ ತನು ಮನವನು ಕಂಡು 

ವನಚರ ತಿಳಿದು ಕರುಣವ ಮಾಡಿದನು 

ಎನಗೆ ನೀನು ನಿಂದು ನೆನದಾತನ ತೋರಿ 

ಮನಕೆ ಸಮ್ಮತ ಬಡಿಸೆಂದನಲಾಗಿ ನಸುನಗುತ 

ವನ ಕರೆದು ಹರಿಮಹಿಮೆಯನು ಪೇಳಿದನು ಇತ್ತ 

ಮುನಿ ಸಮಾಧಿಯಲಿ ಸಾಧನದಿಂದ ಒಪ್ಪಿದನು 

ಅನಿಮಿಷರೊಡಿಯಾ ನಮ್ಮ ವಿಜಯವಿಠಲರೇಯನ 

ವನಜಯುಗಳ ಚರಣಾವನು ಮನದಲಿನೆನಿಸಿ ll3ll

 ಅಟ್ಟತಾಳ 

ಬಲುಕಾಲಾಮುನಿ ಇಲ್ಲಿ ಒಲಿಸಿ ಧ್ಯಾನವಮಾಡೆ 

ಜಲಜ ಲೋಚನ ಮೆಚ್ಚಿ ಒಲಿದು ಬಂದನು ತಾ 

ಇಳಿಯೊಳು ಮಹೇಂದ್ರಾಚಲದ ತಪ್ಪಲಲ್ಲಿ 

ಲಲಿತವಿಗ್ರಹನಾಗಿ ಥಳಥಳ ಪೊಳೆವುತ್ತ 

ದಳದಳಸುರರು ಪೊಮಳೆಯನ್ನು ಕರಿಯಲು 

ತಿಳಿಯ ಕಸ್ತುರಿಯ ತಿಲಕ ಮಕುಟ ಕುಂಡಲ 

ಸುಳಿಗುರುಳು ಕೊರಳ ಹಾರ ಕೌಸ್ತುಭ 

ಥಳಕು ಪದಕ ಪಚ್ಚೆವಳಿತ್ರಯ ಸುಳಿನಾಭಿ 

ಬೆಲೆಯಿಲ್ಲ ದುಡಧಾರಾ ರುಳಿಗೆಜ್ಜೆ ಅಂದಿಗೆ

ಘಲಕೆಂಬೊ ಪೆಂಡೆಯು 

ಚಲುವ ದೇವರ ದೇವ ತೋತ ಗಿರಿ ಸದಾ 

ನಿಲಯಾನೆ ವಿಜಯವಿಠಲನೆ ಹಮ್ಮಿ ನದೈವ ll4ll

 ಆದಿತಾಳ 

ಆ ಮುನಿಗೆ ವರವಿತ್ತಾ  ಭೂಮಿಯೊಳಗಾವ ಮನುಜಾ 

ತಾಮಸವ ಕಳೆದುನಿ  ಘ್ಯಾಮದಲಿ ಬಂದು ಇಲ್ಲಿ 

ಯಾವವಾದರು ವಾಸವಾಗಿ ರೋಮ ಹರುಷ ತೀರ್ಥದಲ್ಲಿ 

ರೋಮಾ ಒಂದಾದರದ್ದಲು ರೋಮಾಂಚನುಬ್ಬಿ ಕ-

ಣ್ಣ ಮನಕೆ ಸುಖಾ ಬಪ್ಪದು ಆ ಮಹಾ ಮೂರುತಿಯನ್ನು 

ಪ್ರೇಮದಿಂದ ನೋಡಲಾಗಿ  ತಾ ಮರಳಿ ಬಾರನಯ್ಯಾ 

ಭೂಮಿ ಮೇಲಣ ಲೀಲೆಗೆ  ಶೀಮೆಯೊಳು ತೋತ ಶೈಲಾ 

ಧಾಮಾ ವಿಜಯವಿಠಲನ್ನಾ 

ನಾಮ ನೆನೆಯೆ ಪಾಪವೆಂಬಾ 

ರಾಮಾ ದಹಿಸಿ ಪೋಗುವಾದು ll5ll

 ಜತೆ 

ಪರಮೇಷ್ಟಿಯಿಂದಾರ್ಚನೆಗೊಂಡ ತೋತಾದ್ರಿ 

ವರಮಂದಿರವಾಸ ವಿಜಯವಿಠಲಧೀಶಾ ll6ll

*******