ದಾಸರಿಗುಂಟೆ ಭಯಶೋಕ ankita jagannatha vittala

by ಜಗನ್ನಾಥದಾಸರು
ರಾಗ- ನಾದನಾಮಕ್ರಿಯೆ (ಕಾಲಿಂಗಡಾ) ಅಟತಾಳ( ಕಹರವಾ)

ದಾಸರಿಗುಂಟೇ ಭಯ ಶೋಕ , ಹರಿ- ||ಪ||

ದಾಸರಿಗುಂಟೇ ಭಯ ಶೋಕ
ವಾಸುದೇವನ ಸದಾ ಸ್ಮರಿಸುವ ಹರಿ-
ದಾಸರಿಗುಂಟೇ ಭಯ ಶೋಕ ||ಅ.ಪ||

ಕಾಮಧೇನು ವರ ಕಲ್ಪವೃಕ್ಷ ಚಿಂ-
ತಾಮಣಿ ಕೈಸೇರಿದಕಿಂತ
ನಾಮತ್ರಯದಿಂದಪ್ಪುದು ಸುಖವು ಸು-
ಧಾಮನೆ ಸಾಕ್ಷಿದಕೆಂಬ ಹರಿ ||೧||

ರಾಮಚಂದ್ರ ಶಬರಿ ತಿಂದೆಂಜಲ-
ಜಾಮಿಳ ಮಾಡ್ದ ಕುಕರ್ಮಗಳ
ಧೂಮಕೇತು ತಾ ಭುಂಜಿಸುವಂದದಿ
ಮೇಧ್ಯಾಮೇಧ್ಯ ಕೈಗೊಂಬನೆಂಬ ಹರಿ ||೨||

ನೇಮ ಮಂತ್ರ ಜಪ ದೇವತಾರ್ಚನ ಸ-
ಕಾಮುಕವಾಗಲು ತ್ಯಜಿಸುತಲಿ
ಧೀಮಂತರಾಗತಿಪ್ರಿಯವಾಗಲು ಬಹು
ತಾಮಸ ಕರ್ಮವ ಮಾಳ್ಪುದೆಂಬ ಹರಿ ||೩||

ಏನು ಮಾಡಿದಪರಾಧವ ಕ್ಷಮಿಸುವ
ಏನು ಕೊಟ್ಟುದನು ಕೈಗೊಂಬ
ಏನು ಬೇಡಿದಿಷ್ಟಾರ್ಥವ ಕೊಡುವ ದ-
ಯಾನಿಧಿ ಅನುಪಮನೆಂಬ ಹರಿ ||೪||

ಪ್ರಹ್ಲಾದವರದ ಪ್ರಕಟನಾಗದಲೆ
ಎಲ್ಲರೊಳಿಪ್ಪನು ಪ್ರತಿದಿನದಿ
ಬಲ್ಲಿದವರಿಗೆ ಬಲ್ಲಿದ ಜಗನ್ನಾಥ
ವಿಠ್ಠಲ ವಿಶ್ವವ್ಯಾಪ್ತನೆಂಬ ಹರಿ ||೫||
***

pallavi

dAsariguNTE bhaya shOka hari

anupallavi

dAsariguNTE bhaya shOka vAsudEvana sadA smarisuva haridAsariguNTE bhaya shOka

caraNam 1

kAmadhEnu vara kalpavrakSa ccintAmaNi kai sEridakinta

nAmatrayadindappudu sukhavu sudhAmane sAkSidakemba hari

caraNam 2

rAmacandra shabari tindejala jAmiLa mADda kukarmagaLa

dhUdukEtu tA gunjisuvandadi mEdhyAmEdhya kaigombanemba hari

caraNam 3

nEma mantra japa dEvatArcana sakhAmukavAgalu tyajisali

dhImantarAgati priyavAgalu bahu tAmasa karmava mALpudemba hari

caraNam 4

Enu mADidaparAdhava kSamisuva Enu koTTudanu kaigomba

Enu bEDidiSTArthava koDuva dayAnidhi anupamanemba hari

caraNam 5

prahlAda varada prakaTanAgadale ellaroLippanu prati dinadi

balladavige ballida jagannAtha viThala vishva vyAptanemba hari

***

ದಾಸರಿಗುಂಟೆ ಭಯಶೋಕ ಪ

ವಾಸುದೇವನ ಸದಾ ಸ್ಮರಿಸುವ ಹರಿ
ದಾಸರಿಗುಂಟೆ ಭಯಶೋಕ ಅ.ಪ.

ಕಾಮಧೇನು ವರ ಕಲ್ಪವೃಕ್ಷ ಚಿಂ
ತಾಮಣಿ ಕೈ ಸೇರಿದಕಿಂತ
ನಾಮತ್ರಯದಿಂದಪ್ಪುದು ಸುಖವು ಸು
ಧಾಮನೆ ಸಾಕ್ಷಿದಕೆಂಬ ಹರಿ 1

ರಾಮಚಂದ್ರ ಶಬರಿ ತಿಂದೆಂಜಲ
ಜಾಮಿಳ ಮಾಡ್ದ ಕುಕರ್ಮಗಳ
ಧೂಮಕೇತು ತಾ ಭುಂಜಿಸುವಂದದಿ
ಮೇಧ್ಯಾಮೇಧ್ಯ ಕೈಗೊಂಬನೆಂಬ ಹರಿ 2

ನೇಮ ಮಂತ್ರ ಜಪ ದೇವತಾರ್ಚನ ಸ
ಕಾಮುಕವಾಗಲು ತ್ಯಜಿಸುತಲಿ
ಧೀಮಂತರಾಗತಿಪ್ರಿಯವಾಗಲು ಬಹು
ತಾಮಸ ಕರ್ಮವ ಮಾಳ್ಪುವೆಂಬ ಹರಿ 3

ಏನು ಮಾಡಿದಪರಾಧವ ಕ್ಷಮಿಸುವ
ಏನು ಕೊಟ್ಟುದನು ಕೈಗೊಂಬ
ಏನು ಬೇಡಿದಿಷ್ಟಾರ್ಥವ ಕೊಡುವ ದ
ಯಾನಿಧಿ ಅನುಪಮನೆಂಬ ಹರಿ 4

ಪ್ರಹ್ಲಾದವರದ ಪ್ರಕಟನಾಗದಲೆ
ಎಲ್ಲರೊಳಿಪ್ಪನು ಪ್ರತಿದಿನದಿ
ಬಲ್ಲಿದವರಿಗೆ ಬಲ್ಲದ ಜಗನ್ನಾಥ
ವಿಠ್ಠಲ ವಿಶ್ವವ್ಯಾಪಕನೆಂಬ ಹರಿ 5
*******