ಲಾಲಿ ಲಾಲಿ ಹನುಮ ಭೀಮ ಮಧ್ವಾರ್ಯ ankita hayavadana LAALI LAALI HANUMA BHEEMA MADHWARYA

 ಲಾಲಿ ಲಾಲಿ ಹನುಮ ಭೀಮ ಮಧ್ವಾರ್ಯ

ಲಾಲಿ ರಾಮಕೃಷ್ಣ ವ್ಯಾಸರ ಪ್ರೀಯ ||ಪ||

ಮೂಜಗದಲಿ ನೀ ಬಾಲ ಬ್ರಹ್ಮಚಾರಿ

ಈ ಜಗದಲಿ ಕಪಿ ರಾಜ್ಯವನಾಳಿ

ತೇಜಮುತ್ತಿನ ಕವಚ ಕುಂಡಲಧಾರಿ

ಪೂಜಿಪರ ಪಾಲಿಪೆ ಸುಜನರುಪಕಾರಿ ||೧||

ಭೂಮಿ ಭಾರವನಿಳುಹೆ ಬಂದೆ ಕಲಿಭೀಮ

ಕಾಮಿ ಕೀಚಕರನ್ನು ಕುಟ್ಟಿ ರಣಧಾಮ

ಭಾಮಿನಿ ದ್ರೌಪದಿ ಕಷ್ಟನಿರ್ಧೂಮ

ಕಾಮಿತಾರ್ಥಗಳಿತ್ತು ಸಲಹೋ ನಿಸ್ಸೀಮ ||೨||

ಸೌಂದರ್ಯರೂಪದ ಶ್ರೀಮದಾನಂದ

ತಂದೆ ಹಯವದನನ ಮೋಹದ ಕಂದ

ಬಂದು ಉಡುಪಿಯಲಿ ನೆಲೆಯಾಗಿ ನಿಂದ

ವಂದಿಸುವೆ ನಿದ್ರೆಗೈ ಹರಿಧ್ಯಾನದಿಂದ ||೩||

***

laali laali hanuma bhima madhvaarya 

laali raamakrrishhNa vyaasara priya ||p|| 

mujagadali ni baala brahmachaari 

ia jagadali kapi raajyavanaaLi 

thejamuththina kavacha kumDaladhaari 

pujipara paalipe sujanarupakaari ||೧|| 

bhumi bhaaravaniLuhe bamde kalibhima 

kaami kichakarannu kuTTi raNadhaama 

bhaamini draupadi kashhTanirdhuma 

kaamithaarthhagaLiththu salaho nissima ||೨|| 

saumdaryarupada shrimadaanamda 

thamde hayavadanana mohada kamda 

bamdu uDupiyali neleyaagi nimda 

vamdisuve nidregai haridhyaanadimda ||೩||

***