ಪೀಠಕೀಗ ಬಾರೊ ದೇವನೆ ಆದ ಪಾಠ ಸಾಕೊ ಕೃಷ್ಣನೆ ankita shreekrishna

 ರಾಗ -  :  ತಾಳ - 

ಪೀಠಕೀಗ ಬಾರೊ ದೇವನೆ ಆದ ಪಾಠ ಸಾಕೊ ಕೃಷ್ಣನೆ ll ಪ ll

ಮುತ್ತಿನಾಭರಣವ ತೊಡಿಸುವೆನು

ಕಸ್ತೂರಿ ತಿಲಕವ ತಿದ್ದುವೆನೊ ಕೃಷ್ಣ

ಮಸ್ತಕದರಳೆಲೆ ಮಾಗಾಯಿ ಪೊಳೆಯುತ

ಕಸ್ತೂರಿ ರಂಗ ಬಾರೊ ll 1 ll

ಕಂಗಳಿಗೆ ಕಪ್ಪು ಹಚ್ಚುವೆನೊ

ರಂಗಗೆ ಪೀತಾಂಬರುಡಿಸುವೆನೊ

ಮಂಗಳಾಂಗಗೆ ನಾ ಶೃಂಗಾರ ಮಾಡಿ

ಕಂಗಳಿಂ ನೋಡುವೆನೊ ll 2 ll

ಕಾಲಲಂದಿಗೆ ಗೆಜ್ಜೆ ಘಳಿರೆನುತ

ನೀಲಮೇಘ ಶ್ಯಾಮ ಶ್ರೀ ಶ್ರೀನಿವಾಸ

ಬಾಲ ಗೋಪಾಲ ಸುಶೀಲ ಮುರಳಿಧರ

ರಮಾಲೋಲ ಶ್ರೀಕೃಷ್ಣ ಬಾರೋ ll 3 ll

***