ಎಂದಿಗಾದರೂ ಒಮ್ಮೆ ವೃಂದಾವನದಿಂದ ankita prasannavenkata

 ರಾಗ: ಮಿಶ್ರಕಮಾಚ್ ತಾಳ: ಝಂಪೆ

ಎಂದಿಗಾದರೂ ಒಮ್ಮೆ ವೃಂದಾವನದಿಂದ

ಬಂದು ಈ ಕಂದನನು ಕೂಗಲಾರೆಯ ಗುರುವೆ ಪ

ಮಂದರೋದ್ಧರನ ಮಹಾ ಮಂದಿರವ ತಂದಿಳಿಸಿ

ಚೆಂದ ಮುಕುತಿ ಜ್ಞಾನದಾನಂದವನೀಡಿ ಅ ಪ

ಅಪ್ರಮೇಯನೆ ನೀನು ಅಪರೂಪದಲಿ ಅಂದು

ಅಪ್ಪಣ್ಣಾಚಾರ್ಯರಿಗೆ ಪ್ರಕಟಗೊಂಡು

ಸ್ವಪದವಲಂಬಿತರ ಪೊರೆವ ಗುರು ನೀ ಎಂಬ

ಸುಪ್ರಸಿದ್ಧಿಯ ಕೇಳಿ ಒಪ್ಪಿಸಿ ಬಂದಿರುವೆ 1

ಅಶನವಸನಗಳಾಶೆ ಹುಸಿಮಾತನಾಡಿಸಿ

ಘಾಸಿಗೊಳಿಸಿದೆ ಎನ್ನ ಮನಕೆ ಮುಸುಕ್ಹಾಕಿ

ಮೋಸಹೋದೆ ಗುರುವೆ ಭವಪಾಶದಲಿ ಸಿಲುಕಿ

ಆಸರೆಯ ನೀಡು ಬಾ ಹರಿದಾಸನೆನಿಸಿ 2

ಧನಕನಕಗಳ ಬಯಸಿ ನಿನ್ನ ಕರೆಯುವನಲ್ಲ

ನಿನ್ನವರ ಮನೆಯಲ್ಲಿ ಕುನ್ನಿಯಾಗಿರಿಸೆನ್ನ

ಮನೋಜನಿತಜನಕ ಶ್ರೀ ಪ್ರಸನ್ನವೆಂಕಟನೊಲುಮೆ

ಸನ್ನುತವು ಕೊಡಿಸೆನ್ನ ಅನುಗ್ರಹಿಸು ಬಾ ತಂದೆ 3

***

ಎಂದಿಗಾದರೂ ಒಮ್ಮೆ ವೃಂದಾವನದಿಂದ |

ಬಂದು ಈ ಕಂದನನು ಕೂಗಲಾರೆಯ ಗುರುವೆ || ಪ ||

ಮಂದರೋದ್ಧರನ ಮಹಾ ಮಂದಿರವ ತಂದಿಳಿಸಿ

ಚೆಂದ ಮುಕುತಿ ಜ್ಞಾನದಾನಂದವನೆ ನೀಡಿ || ಅ ಪ ||

ಅಪ್ರಮೇಯನೆ ನೀನು ಅಪರೂಪದಲಿ ಅಂದು |

ಅಪ್ಪಣ್ಣಾಚಾರ್ಯರಿಗೆ ಒಲಿದು ಪ್ರಕಟಗೊಂಡು ||

ಸ್ವಪದವಲಂಬಿತರ ಪೊರೆವ ಗುರು ನೀ ಏನೆಂಬರು |

ಸುಪ್ರಸಿದ್ಧಿಯ ಕೇಳಿ ಒಪ್ಪಿಸಿ ಬಂದಿರುವೆ || 1 ||

ಅಶನವಸನ ಹುಸಿಮಾತನಾಡಿಕಾಗಿಸಿ |

ಘಾಸಿಗೊಳಿಸಿದೆ ಎನ್ನ ಮನಕೆ ಮುಸುಕ್ಹಾಕಿ ||

ಮೋಸಹೋದೆ ಗುರುವೆ ಭವಪಾಶದಲಿ ಸಿಲುಕಿ |

ಆಸರೆಯ ನೀಡು ಬಾ ಹರಿದಾಸನೆನಿಸಿ || 2 ||

ಧನಕನಕಗಳ ಬಯಸಿ ನಿನ್ನ ಕರೆಯುವನಲ್ಲ |

ನಿನ್ನವರ ಮನೆಯಲ್ಲಿ ಕುನ್ನಿಯಾಗಿರಿ ಸೋ ಎನ್ನ ||

ಮನೋಜ ಜನಕ ಶ್ರೀ ಪ್ರಸನ್ನವೆಂಕಟನೊಲುಮೆ |

ಸನ್ನುತವು ಕೊಡಿಸೆನ್ನ ಅನುಗ್ರಹಿಸು ಬಾ ತಂದೆ || 3 ||

***

Endigādarū om’me vr̥ndāvanadinda |

bandu ī kandananu kūgalāreya guruve || pa ||

mandarōd’dharana mahā mandirava tandiḷisi

cenda mukuti jñānadānandavane nīḍi || a pa ||

apramēyane nīnu aparūpadali andu |

appaṇṇācāryarige olidu prakaṭagoṇḍu ||

svapadavalambitara poreva guru nī ēnembaru |

suprasid’dhiya kēḷi oppisi bandiruve || 1 ||

aśanavasana husimātanāḍikāgisi |

ghāsigoḷiside enna manake musuk’hāki ||

mōsahōde guruve bhavapāśadali siluki |

āsareya nīḍu bā haridāsanenisi || 2 ||

dhanakanakagaḷa bayasi ninna kareyuvanalla |

ninnavara maneyalli kunniyāgiri sō enna ||

manōja janaka śrī prasannaveṅkaṭanolume |

sannutavu koḍisenna anugrahisu bā tande || 3 ||

***