ಅಮ್ಮ ನಿಮ್ಮ ಮನೆಗಳಲ್ಲಿ ನಮ್ಮ ರಾಘವೇಂದ್ರನ ಕಂಡಿರೇನಮ್ಮ ankita narasimha vittala2

 ankita ನರಸಿಂಹವಿಠಲ (2) 

ರಾಗ: [ಶಹನ] ತಾಳ: [ಆದಿ]

ಅಮ್ಮ ನಿಮ್ಮ ಮನೆಗಳಲ್ಲಿ ನಮ್ಮ ರಾಘವೇಂದ್ರನ ಕಂಡಿರೇನಮ್ಮ  ಪ

ಅಮ್ಮಾ ನಿಮ್ಮ ಮನೆಗಳಲ್ಲಿ ನಮ್ಮ ಗುರುಗಳ ಕಂಡಿರೇನಮ್ಮ ಅ.ಪ.

ಕಾಲಲಿ ಕಡಾಂವಿಗಿ ಕರದಲ್ಲಿ ದಂಡಕಾಷ್ಟಾ

ಮೈಯೊಳು ಕಾವಿಶಾಟಿ ಪೊತ್ತಿರುವರಮ್ಮ

ಬಂದಬಂದ ಜನರಿಗೆಲ್ಲ ಆನಂದನೀಡುತ

ಛಂದಾಗಿ ತಾಂವು ಇಲ್ಲಿ ಇರುತಿಹರಮ್ಮ 1

ಬಂದಬಂದ ಜನರಿಗೆ ಅಭೀಷ್ಟವನೀಡುತ

ಛಂದಾಗಿ ಅಭಯವ ನೀಡುತಿಹರಮ್ಮ

ಒಂದಿನ ಸ್ವಪ್ನದಿ ಫಲಮಂತ್ರಾಕ್ಷತೆ ಕೊಡುತಲಿ

ಅಂದಿನ ಆನಂದನ ಕಾಣಮ್ಮ 2

ಬಂದಬಂದ ಜನರು ಪ್ರದಕ್ಷಿಣೆ ನಮಸ್ಕಾರ

ತಾಂವ ದಿಂಡುಉರುಳುವರಮ್ಮಾ

ಬಂದಬಂದ ಜನರಿಗೆಲ್ಲಾ ಅಭಯವನೀಡುತ

ತಾಂವ ತುಂಗಾತಟದೊಳು ಇರುತಿಹರಮ್ಮಾ 3

ಮೈಯೊಳು ಕೇಸರಿಗಂಧಾ ಪೂಸಿಸಿದಾರಮ್ಮಾ

ಎದುರಲಿ ಶ್ರೀಕೃಷ್ಣನ ಪೂಜಿಪರಮ್ಮಾ

ಢಾಳ ಅಕ್ಷಂತಿ ತಿದ್ದಿದಅಂಗಾರವು

ಮುದ್ರಿಯು ತಾಂವ್‍ಧರಿಸಿಹರಮ್ಮ 4

ಕರದಲಿ ಜಪಮಾಲೆ ಕೊರಳಲಿ ಕಮಲಾಕ್ಷಿ ತಾವ್

ಧರಿಸಿಹರಮ್ಮಾ ಬಿಡದೆ ನಿರಂತರ

ನರಸಿಂಹವಿಠಲನ ಜಪಿಸುತ

ತಾವೃಂದಾವನದೊಳ್ ಇರುಹರಮ್ಮಾ 5

***