ಕಾಖಂಡಕಿ ಶ್ರೀ ಮಹಿಪತಿರಾಯರು
ನಿಜ ಗುಹ್ಯದ ಮಾತು ಸುಜನರಿಗಲ್ಲದೆ ತಿಳಿಯದು pa
ಕಣ್ಣಿಗೆ ಕಣ್ಹೇಳುವ ಮಾತು ಪುಣ್ಯವಂತರಿಗಿದೆ ಹೊಳೆದೀತು ಇನ್ನೊಬ್ಬರಿಗೇನು ತಿಳಿದೀತು ಚಿನ್ಮಯದ ವಸ್ತು 1
ನೀತಿಗೆ ನಿಜವಾಗಿಹ್ಯ ಮುಗುಟ ಮಾತಿಗೆ ಮುಟ್ಟದವನೆ ಬಲು ನಿಗಟ ಮತಿಹೀನರಿಗಿದೇ ಒಗಟ ಯತಿಜನರಿಗೆ ಪ್ರಗಟ 2
ಸೋಹ್ಯ ಸೊನ್ನೆಯ ಮಾತನೆ ಕೇಳಿಕೊ ಗುಹ್ಯ ಹೇಳುವ ಗುರು ಬಳಕೊ ಮಹಿಪತಿ ನಿನ್ನೊಳು ನೀ ತಿಳಕೊ ಸಿದ್ಧದ ಬಲು ಬೆಳಕೊ 3
***
No comments:
Post a Comment