ಮರೆಹೊಕ್ಕವರನು ನಿರುತದಿ ಸಲಹುವ ಗುರುವರ ನಿಮಗೆ ನಮೋ ankita janakiramana

 ankita janakiramana

ರಾಗ: ಶಂಕರಾಭರಣ ತಾಳ: ಆದಿ

ಮರೆಹೊಕ್ಕವರನು ನಿರುತದಿ ಸಲಹುವ

ಗುರುವರ ನಿಮಗೆ ನಮೋ ನಮೋ ಪ

ವರಮಂತ್ರಾಲಯಪುರದೊಳುನೆಲೆಸಿಹ

ಯತಿವರ ನಿಮಗೆ ನಮೋ ನಮೋ ಅ. ಪ

ತುಂಗಾ ತೀರದಿ ಶೋಭಿಪ ವರಮಂಗಳಾಂಗಗೆ ನಮೋ ನಮೋ

ಕೂಗಿ ಹರಿಯನು ಕಂಭದಿ ತೋರಿದ ಪ್ರಹ್ಲಾದರಿಗೆ ನಮೋ ನಮೋ 1

ಶರಣಾಗತರನುಪೊರೆವ ಬಿರದುಪೊತ್ತ ಯತಿವರ ನಿಮಗೆ ನಮೋ ನಮೋ

ಕರುಣಾರಸಪರಿಪೂರ್ಣ ಪರಮ ಶ್ರೀವ್ಯಾಸಮುನೀಂದ್ರಗೆ ನಮೋ ನಮೋ 2

ದೀನಭಕುತರ ಸುಮ್ಮಾನದಿ ಸಲಹುವ ಜ್ಞಾನಪೂರ್ಣನಿಗೆ ನಮೋ ನಮೋ

ಜಾನಕಿರಮಣನಪಾದಭೃಂಗ ಘನರಾಘವೇಂದ್ರಗೆ ನಮೋ ನಮೋ 3

***